• translate
Prangyan Parimita

News Highlights

  • ପୁରୁଷ ହକିରେ ଭାରତର ଦ୍ୱିତୀୟ ବିଜୟ

  • ଟୋକିଓ ଅଲମ୍ପିକ୍ସ : ସ୍ପେନକୁ ହରାଇଲା ଭାରତ

ଟୋକିଓ ଅଲମ୍ପିକ୍ସରେ ଭାରତୀୟ ପୁରୁଷ ହକି ଦଳର ଶାନଦାର ପ୍ରଦର୍ଶନ । କମବ୍ୟାକ୍ କଲା ଭାରତ । ଟୋକିଓ ଅଲିମ୍ପିକ୍ସର ପଞ୍ଚମ ଦିନରେ ଭାରତୀୟ ପୁରୁଷ ହକି ଦଳ ଟୋକିଓ ଅଲିମ୍ପିକ୍ସରେ ପଦକ ହାସଲ କରିବାର ଆଶା ବଜାୟ ରଖିଛି । ପୁରୁଷ ହକି ଦଳ ତୃତୀୟ ମ୍ୟାଚରେ ସ୍ପେନକୁ ୩-୦ରେ ପରାସ୍ତ କରିଛି । ଏଥର ମ୍ୟାଚରେ ରୁପିନ୍ଦର ପାଲ ସିଂ ଦୁଇଟି ଗୋଲ ସ୍କୋର କରିଛନ୍ତି । ପୂର୍ବ ମ୍ୟାଚରେ ଅଷ୍ଟ୍ରେଲିଆ ଠାରୁ ୧-୭ରେ ପରାଜିତ ହୋଇଥିଲା ଭାରତୀୟ ପୁରୁଷ ହକି ଦଳ । ତେବେ ଆଜି ଦଳ ପରାଜୟ ଭୁଳି ପୁନର୍ବାର ବିଜୟୀ ହୋଇଛି । ଭାରତୀୟ ପୁରୁଷ ହକି ଦଳ ପ୍ରଥମ ମ୍ୟାଚରେ ନ୍ୟୁଜିଲ୍ୟାଣ୍ଡକୁ ୩-୨ରେ ପରାସ୍ତ କରିଥିଲା । ତେବେ ଜୁଲାଇ ୨୯ରେ ଚତୁର୍ଥ ମ୍ୟାଚରେ ସ୍ୱର୍ଣ୍ଣ ପଦକ ବିଜେତା ଆର୍ଜେଣ୍ଟିନାକୁ ଭେଟିବ ପୁରୁଷ ହକି ଦଳ । ଆଜିର ମ୍ୟାଚରେ ଟିମ ଇଣ୍ଡିଆ ନୂଆ ରଣନୀତି ନେଇ ପଡିଆକୁ ଓହ୍ଲାଇଥିଲା ।

ଏହି ମ୍ୟାଚରେ ଭାରତୀୟ ଦଳ ପ୍ରାରମ୍ଭିକ ଭାବେ ଭଲ ପ୍ରଦର୍ଶନ କରିଥିଲା । ପ୍ରଥମ କ୍ୱାର୍ଟରର ଶେଷ ସମୟରେ ଦଳ ସ୍ପେନ ଉପରେ ଚାପ ପକାଇଥିଲା । ୧୪ ତମ ମିନିଟରେ ଗୋଲ କରି ସିମରନଜିତ ସିଂ ଦଳକୁ ୧-୦ରେ ଦଳକୁ ବିଜୟ ଅଭିମୁଖେ ନେଇଥିଲେ । ତା’ପରେ ୧୫ ତମ ମିନିଟରେ ରୁପିନ୍ଦର ପାଲ ସିଂ ୨-୦ ଗୋଲ ସ୍କୋର କରିଥିଲେ । ଦ୍ୱିତୀୟ କ୍ୱାର୍ଟରରେ ଉଭୟ ଦଳ ସ୍କୋର କରିପାରି ନଥିଲେ । ହାଫ୍ ଟାଇମ୍ ପର୍ଯ୍ୟନ୍ତ ସୁଦ୍ଧା ଭାରତୀୟ ଦଳ ୨-୧ରେ ଆଗୁଆ ରହିଥିଲା। ପ୍ରଥମାର୍ଦ୍ଧ ଖେଳ ଶେଷସୁଦ୍ଧା ଟିମ୍ ଇଣ୍ଡିଆ ୨-୦ଗୋଲରେ ଆଗୁଆ ରହିଥିବା ବେଳେ ଚତୁର୍ଥ କ୍ୱାଟରରେ ଆଉ ଗୋଟିଏ ଗୋଲ ଦେଇ ମ୍ୟାଚରେ ବିଜୟୀ ହୋଇଥିଲା ।

ସେପଟେ ୧୦ମିଟର ଏୟାର ପିସ୍ତଲ ମିକ୍ସଡ୍ ଟିମ୍ ଇଭେଣ୍ଟରେ ଭାରତରେ ମନୁ ଭାକେର ଓ ସୌରଭ ଚୌଧୁରୀ ଯୋଡି ଦ୍ୱିତୀୟ ରାଉଣ୍ଡରୁ ବାଦ ପଡିଛନ୍ତି । ଆଜି ସକାଳୁ ଏହି ଯୋଡି ପ୍ରଥମ ରାଉଣ୍ଡରେ ବିଜୟୀ ହୋଇଥିଲେ ମଧ୍ୟ ପରବର୍ତ୍ତୀ ରାଉଣ୍ଡରେ ହାରି ଯାଇଛନ୍ତି । ଅନ୍ୟପକ୍ଷରେ ଯଶଶ୍ୱିନୀ ଦେସୱାଲ ଓ ଅଭିଶେକ ବର୍ମା ଯୋଡି ପ୍ରଥମ ରାଉଣ୍ଡରୁ ବିଦାୟ ନେଇଛନ୍ତି ।

ସେହିପରି ସ୍ୱଦେଶ ଫେରିବା ପରେ ଟୋକିଓ ଅଲିମ୍ପିକ୍ସରେ ରୌପ୍ୟ ପଦକ ବିଜୟିନୀ ମୀରାବାଇଙ୍କୁ ସମ୍ବର୍ଦ୍ଧନାର ସୁଅ ଛୁଟୁଛି । ଗତକାଲି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ତାଙ୍କୁ ସମ୍ବର୍ଦ୍ଧିତ କରିଛନ୍ତି । ଏହି ଅବସରରେ ତାଙ୍କୁ ୨କୋଟି ଟଙ୍କା ସହ ପଦୋନ୍ନତି ଦେବାକୁ ରେଳମନ୍ତ୍ରୀ ଘୋଷଣା କରିଛନ୍ତି । ମୀରାବାଇ ତାଙ୍କର ପ୍ରତିଭା, ନିଷ୍ଠା, କଠିନ ପରିଶ୍ରମ ବଳରେ ସାରା ବିଶ୍ୱରେ କୋଟି କୋଟି ଲୋକଙ୍କୁ ପ୍ରେରଣା ଦେଇଛନ୍ତି ବୋଲି ସେ ଟ୍ୱିଟ୍ କରିଛନ୍ତି । ମୀରବାଇ ଚାନୁ ଟୋକିଓ ଅଲିମ୍ପିକ୍ସର ୪୯ କେଜି ବର୍ଗ ଭାରୋତ୍ତୋଳନରେରେ ରୌପ୍ୟ ପଦକ ଜିତି ଭାରତ ପାଇଁ ଏ୍ୟତିହାସିକ ସଫଳତା ଆଣିଛନ୍ତି । ଏପଟେ ଅଲିମ୍ପିକ୍ ସଫଳତା ପରେ ମୀରା ବାଇ ଚାନୁଙ୍କୁ ଆଡିସିନାଲ ଏସଅପି ପଦରେ ନିଯୁକ୍ତି ଦେବାକୁ ମଣିପୁର ସରକାର ଘୋଷଣା କରିଛନ୍ତି ।

Other Stories

  • Entrance Exam
    Education JEE ଆଡଭାନ୍ସଡ୍‌ ଲାଗି ତାରିଖ ଘୋଷଣା

    କରୋନା ପାଇଁ ଗତବର୍ଷ ଜେଇଇ ଆଡଭାନ୍ସରୁ ବଂଚିତ ପରୀକ୍ଷାର୍ଥୀମାନେ ମଧ୍ୟ ଏଥର ଏହି ପରୀକ୍ଷା ଦେଇପାରିବେ। ଜେଇଇ ଆଡଭାନ୍ସରେ କୃତକାର୍ଯ୍ୟ ପରୀକ୍ଷାର୍ଥୀ ଆଇଆଇଟି ବାଦ୍ ଆଇଜର, ଆଆଇଏସଟି ସମେତ ଅନ୍ୟ ପ୍ରତିଷ୍ଠିତ କେନ୍ଦ୍ରୀୟ ଶିକ୍ଷାନୁଷ୍ଠାନରେ ପଢ଼ିବା ଲାଗି...

  • Assam Police
    National ଅନ୍ଧାଧୁନ୍ ଗୁଳିମାଡ଼ରେ ଆସାମ ପୋଲିସର ୬ଜଣ ସୁରକ୍ଷାକର୍ମୀ ସହିଦ

    ସମସ୍ୟାର ତୁରନ୍ତ ସମାଧାନ ପାଇଁ ସେ ମିଜୋରାମ ମୁଖ୍ୟମନ୍ତ୍ରୀ ଜୋରାମଥାଙ୍ଗାଙ୍କ ସହ କଥା ହୋଇଛନ୍ତି ଓ ଦରକାର ପଡ଼ିଲେ ମିଜୋରାମ ରାଜଧାନୀ ଆଇଜଲକୁ ନିଜେ ଯାଇ କଥା ହେବେ ବୋଲି କହିଛନ୍ତି। ତେବେ ଆସାମ ସରକାର ପ୍ରଥମେ,...

  • Tiger census
    Miscellaneous ଓଡ଼ିଶାରେ ବଢ଼ିଛି ନା କମିଛି ବାଘ ବଂଶ?

    ୨୦୦୪ ଗଣନାରେ ରାଜ୍ୟରେ ବାଘ ସଂଖ୍ୟା ଥିଲା ୧୯୨। ରାଜ୍ୟରେ ବାଘ ସଂଖ୍ୟା ଜାଣିବାକୁ ପ୍ରତି ୪ ବର୍ଷର ଥରେ ଗଣନା ହେଉଥିବା ବେଳେ ଏହା ପୂର୍ବରୁ ୨୦୧୮ ଓ ୨୦୧୪ରେ ହୋଇଥିବା ଗଣନାରେ ବାଘଙ୍କ...

  • Bhubaneswar Case
    Crime ରାଜଧାନୀରେ ପୂରା ହୁଗୁଳିଗଲାଣି ଆଇନ ବ୍ୟବସ୍ଥା...

    ଜଣେ କି ଦୁଇ ଜଣଙ୍କୁ ନୁହେଁ, ମରଣାନ୍ତକ ଆକ୍ରମଣ ହୋଇଛି ତିନି ତିନି ଜଣଙ୍କୁ। ସମୁଦାୟ ୫ ଜଣଙ୍କୁ ହମଲା ହୋଇଛି। ସମୟ ପ୍ରାୟ ଦିନ ୨ଟା ହେବ, ୧୦ରୁ ୧୨ଜଣ ମାଡ଼ିଆସି ଏଭଳି ହାଣିଚାଲିଥିଲେ ଜଣଙ୍କ...