ମୁଖ୍ୟମନ୍ତ୍ରୀଙ୍କୁ ଚାପୁଡ଼ା ମାରିବା କଥା କହିଥିଲେ, ଜନଆଶୀର୍ବାଦ ଯାତ୍ରାରୁ କେନ୍ଦ୍ରମନ୍ତ୍ରୀଙ୍କୁ ଟେକି ନେଲା ପୋଲିସ

ମୁମ୍ବାଇ: ମହଙ୍ଗା ପଡ଼ିଲା ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ । କେନ୍ଦ୍ରମନ୍ତ୍ରୀ ନାରାୟଣ ରାଣେଙ୍କୁ ଗିରଫ କରିଛି ରତ୍ନଗିରି ପୋଲିସ । ବ୍ୟାପକ ବିରୋଧ ଭିତରେ ରାଣେଙ୍କୁ ଗିରଫ କରାଯାଇଛି । ରାଣେଙ୍କ ଗିରଫ ପ୍ରତିବାଦରେ ମୁମ୍ବାଇରେ ଜୋରଦାର ପ୍ରତିବାଦ ଆରମ୍ଭ ହୋଇଛି । ଜନ ଆଶୀର୍ବାଦ ଯାତ୍ରା ମାଧ୍ୟମରେ ଏଣିକି ତୀବ୍ର ପ୍ରତିବାଦ କରିବାକୁ ଅଣ୍ଟା ଭିଡିଛି ରାଜ୍ୟ ବିଜେପି ।

Maharashtra: Police detained Union Minister and BJP leader Narayan Rane in Ratnagiri

Rane had made remarks against CM Uddhav Thackeray yesterday pic.twitter.com/C3xP843iwV

— ANI (@ANI) August 24, 2021

ସୂଚନାଯୋଗ୍ୟ ଜନ ଆଶୀର୍ବାଦ ଯାତ୍ରା ସମୟରେ କୋକ୍‌ଡ୍ର ମହାଡ ଅଂଚଳରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇଥିଲେ କେନ୍ଦ୍ରମନ୍ତ୍ରୀ ନାରାୟଣ ରାଣେ । ଏପରିକି ଉଦ୍ଧବଙ୍କୁ ଚାପୁଡ଼ା ମାରିବା କଥା ବୋଲି କହିଥିଲେ ରାଣେ । ଏହାକୁ ନେଇ ଶିବସେନା ପକ୍ଷରୁ କେନ୍ଦ୍ରମନ୍ତ୍ରୀଙ୍କ ବିରୋଧରେ ଏଫ୍ଆଇଆର୍ ରୁଜୁ ହୋଇଥିଲା । ପରେ ତାଙ୍କୁ ଗିରଫ କରିବାକୁ ନିର୍ଦ୍ଦେଶ ଜାରି କରାଯାଇଥିଲା । 

Also Read

ଆସନ୍ତୁ ଜାଣିବା କେଉଁ ଲୋକଙ୍କୁ ମଶା ଅଧିକ କାମୁଡିଥାନ୍ତି

କେନ୍ଦ୍ରକୁ ଚେତାବନୀ ଦେଲା ବିଜେଡି, ଦାବି ପୁରଣ ନହେଲେ ପଲ୍ଲୀଠୁ ଦିଲ୍ଲୀ ଆନ୍ଦୋଳନ

ଆଫଗାନିସ୍ଥାନର ‘ବଚ୍ଚା ବାଜୀ’ କୁପ୍ରଥା, ଜାଣନ୍ତୁ ଏହା କ’ଣ

ଅଭିଯୋଗ ଆଧାରରେ ଆଜି ଅପରାହ୍ନରେ ରତ୍ନଗିରି ପୋଲିସ୍‌ ନାରାୟଣ ରାଣେଙ୍କୁ ଗିରଫ କରିଛି । ପ୍ରଥମେ ତାଙ୍କୁ ଥାନାକୁ ଆଣି ପଚାରାଉଚରା କରାଯାଇଥିଲା । ଏହାପରେ ବିଧିବଦ୍ଧ ଭାବେ ତାଙ୍କୁ ଗିରଫ କରାଯାଇଛି।

ଆଜି ନାରାୟଣ ରାଣେ ରତ୍ନଗିରିର ସଙ୍ଗମେଶ୍ୱର ଠାରେ ବିଜେପିର ଜନ ଆଶୀର୍ବାଦ ଯାତ୍ରାକୁ ଯାଉଥିଲେ । ଏହି ସମୟରେ ତାଙ୍କର ଦୁଇ ବିଧାୟକ ପୁଅ ମଧ୍ୟ ଉପସ୍ଥିତି ଥିଲେ । ଗୋଟିଏ ପୋଲିସ୍‌ ଟିମ୍‌ ତାଙ୍କ ପାଖରେ ପହଞ୍ଚି ପ୍ରଥମେ କଥାବାର୍ତ୍ତା କରିଥିଲା । ଏହାପରେ ତାଙ୍କୁ ସ୍ଥାନୀୟ ଥାନାକୁ ଅଣାଯାଇଥିଲା । ସେଠାରେ ବରିଷ୍ଠ ପୋଲିସ୍‌ ଅଧିକାରୀମାନେ ବିଧିବଦ୍ଧ ଭାବେ ତାଙ୍କୁ ଗିରଫ କରିଥିଲେ ।

ଅନ୍ୟପକ୍ଷରେ ରାଣେଙ୍କ ସହଯୋଗୀ ପ୍ରମୋଦ ଜାଟହର କହିଛନ୍ତି, ପୋଲିସ୍‌ କୌଣସି ପ୍ରକାରର ଗିରଫ ପରୱାନା ଦେଖାଇ ନଥିଲା । ଏଥିସହ ବରିଷ୍ଠ ପୋଲିସ୍‌ ଅଧିକାରୀମାନେ ସରକାରଙ୍କ ଚାପରେ କାମ କରୁଥିବା ସ୍ୱୀକାର କରିଛନ୍ତି । ବିଜେପିର ଜନ ଆଶୀର୍ବାଦ ଯାତ୍ରା ଏବେ ବିକ୍ଷୋଭ ସଭାରେ ପରିଣତ ହୋଇଛି । ବିଜେପି କର୍ମୀମାନେ କେବଳ ଏହି ଘଟଣାକୁ ସଙ୍ଗମେଶ୍ୱର ଠାରେ ନୁହେଁ ବରଂ ସମଗ୍ର ରାଜ୍ୟରେ ବିରୋଧ କରିବେ ବୋଲି ସେ କହିଛନ୍ତି ।

#WATCH | Maharashtra: A clash breaks out amid Shiv Sena workers, BJP workers and Police in Mumbai as Shiv Sena workers marched towards Union Minister Narayan Rane's residence.

Union Minister Narayan Rane had given a statement against CM Uddhav Thackeray yesterday. pic.twitter.com/TezjDGGqAb

— ANI (@ANI) August 24, 2021