ଚିନ୍ତା ବଢ଼ାଇଲାଣି ମମିତା ହତ୍ୟା ମାମଲା, ଧୂଳିସାତ୍‌ ହୋଇଯିବ କି BJDର ପଶ୍ଚିମ ଓଡ଼ିଶା ଦଖଲ ସ୍ୱପ୍ନ ?

ଭୁବନେଶ୍ୱର (ରିପୋର୍ଟ-ମାୟାଧର ସରାଫ, ରାଜକୁମାର ସିଂହଦେଓ, ହରିହର ଚାନ୍ଦ): ମମିତା ମେହେର ମାମଲା, ବିଜେଡିର ପଶ୍ଚିମ ଓଡ଼ିଶା ଗଣିତକୁ ଓଲଟପାଲଟ କରିବ କି ?  ୨୦୧୭ ପଂଚାୟତ ନିର୍ବାଚନ ହେଉ କି ୧୯ ସାଧାରଣ ନିର୍ବାଚନର ଲୋକସଭା ଭୋଟ୍, ସବୁଠି ବିଜେଡିକୁ ଝଟ୍‌କା ଲାଗିଥିଲା । ଆଉ ତାପରେ ବିଜେଡିର ମିଶନ ଥିଲା ଫୋକସ୍ ପଶ୍ଚିମ ଓଡିଶା । ବିରୋଧୀଙ୍କ ଗଡ଼ ଭାଙ୍ଗିବାକୁ ବି ଭରପୂର ଉଦ୍ୟମ କରିଥିଲା ଦଳ । ତେବେ ମମିତା ହତ୍ୟା ଘଟଣା ଓ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ସଂପୃକ୍ତି ନେଇ ଆସୁଥିବା ଅଭିଯୋଗ, ବିଜେଡିର ପଶ୍ଚିମ ଓଡ଼ିଶା ମିଶନ୍‌କୁ ଘାଟା କରାଇପାରେ ।

ମମିତା ମେହେର ନିଖୋଜ ଘଟଣାକୁ ୨୬ ଦିନ । ଆଉ ହତ୍ୟାକାଣ୍ଡ ସାମ୍ନାକୁ ଆସିବାର ୧୫ ଦିନ ବିତିଲାଣି । ହେଲ ଝଡ଼ ଥମିବାର ନାଁ ନେଉନି । କଳାହାଣ୍ଡିରୁ କଟକ, ବଲାଙ୍ଗିରରୁ ମାଲକାନଗିରି, ସବୁଠି ଲାଗିଛି ବିକ୍ଷୋଭ ଓ ପ୍ରତିବାଦର ନିଆଁ । ଘଟଣାରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବି ବି ଦିନକୁ ଦିନ ଜୋର୍ ହେଉଛି । ତେଣୁ ଏହି ଘଟଣାର ପ୍ରଭାବ ଆଗକୁ କଣ ପଡ଼ିବ ? ପ୍ରଭାବ କେବଳ ପଶ୍ଚିମ ଓଡ଼ିଶାରେ ରହିବ ନା ସାରା ରାଜ୍ୟରେ ପଡ଼ିବ । ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା ।

Also Read

ମମିତା ହତ୍ୟା ଘଟଣା: ବିଜେଡିର ବଢ଼ୁଛି ଅଡ଼ୁଆ, ରାସ୍ତା ଘାଟରେ ମନ୍ତ୍ରୀ ହେଉଛନ୍ତି ହଟହଟା

‘ସବୁ ବିରୋଧୀ ମିଶିକି ଯେତିକି, ଏକା ବିଜେପି ସେତିକି’

ରାହୁଲ ଦ୍ରାବିଡ଼ ହେଲେ ଭାରତୀୟ କ୍ରିକେଟ ଦଳର ମୁଖ୍ୟ କୋଚ୍‌

ମୁଖ୍ୟତଃ ବିଜେଡିର ସବୁଠୁ ବଡ଼ ଶକ୍ତି କୁହାଯାଉଥିବା ମହିଳା ଭୋଟବ୍ୟାଙ୍କ୍ ଉପରେ ପ୍ରଭାବ ପଡିବ କି ? କାରଣ ମମିତା ହତ୍ୟା ଘଟଣା ଓ ଦିବ୍ୟଶଙ୍କର ପ୍ରସଙ୍ଗରେ ବିଜେଡି ସରକାର ବିରୋଧରେ ଜନଆକ୍ରୋଶ ବଢିବାରେ ଲାଗିଛି । ବିରୋଧୀ ବିଜେପି ଓ କଂଗ୍ରେସ ଆନ୍ଦୋଳନକୁ ଆଗାମୀ ଦିନରେ ଆହୁରି ତୀବ୍ର କରିବାକୁ ଯୋଜନା କରୁଛନ୍ତି । ସେପଟେ ମନ୍ତ୍ରୀଙ୍କୁ ବହିଷ୍କାର କରୁନଥିବାରୁ ମୁଖ୍ୟମନ୍ତ୍ରୀଙ୍କ ଭାବମୂର୍ତ୍ତି ଉପରେ ବି ପ୍ରଶ୍ନ ଉଠିଲାଣି । ତେଣୁ କଳାହାଣ୍ଡି, ବଲାଙ୍ଗିର, ବରଗଡ଼ ସମେତ ପଶ୍ଚିମ ଓଡିଶାର ଅଧିକାଂଶ ଜିଲ୍ଲାରେ ପ୍ରଭାବ ପଡ଼ିବ ବୋଲି ଚର୍ଚ୍ଚା ହେଉଛି । ଏପରିକି ବିଜେଡି ନେତାମାନେ ଗ୍ରାଉଣ୍ଡକୁ ଯିବାବେଳେ ବିଭିନ୍ନ ପ୍ରଶ୍ନର ସମ୍ମୁଖୀନ ହେଉଛନ୍ତି । ତେଣୁ ଡ୍ୟାମେଜ୍ କଣ୍ଟ୍ରୋଲ ଲାଗି ଉଦ୍ୟମ ଆରମ୍ଭ କରିଛି ଦଳ । କଂଗ୍ରେସ କହିଛି ଏହାର ଜବରଦସ୍ତ ପ୍ରଭାବ ପଡିବ । ସେପଟେ କଳାହାଣ୍ଡି ବିଜେପି ସାଂସଦ ବସନ୍ତ ପଣ୍ଡା କହିଛନ୍ତି ଏହି ଘଟଣାରେ ବିଜେଡି ଧୂଳସାତ ହୋଇଯିବ । 

୨୦୧୭ ପଂଚାୟତ ନିର୍ବାଚନ ଓ ୧୯ ସାଧାରଣ ନିର୍ବାଚନ ଲୋକସଭା ଭୋଟ୍‌ରେ ବିଜେଡି ଘାଟା ସହିବା ପରେ ଏବେ ମିଶନ୍ ପଶ୍ଚିମ ଓଡ଼ିଶା ଉପରେ ଫୋକସ କରୁଥିଲା ଦଳ । ମୁଖ୍ୟମନ୍ତ୍ରୀ କଳାହାଣ୍ଡିଠୁ ଆରମ୍ଭ କରି ସୁନ୍ଦରଗଡ, ସମ୍ବଲପୁର, ବଲାଙ୍ଗିର ଆଦି ସ୍ଥାନରେ BSKY ସ୍ମାର୍ଟ କାର୍ଡ ବାଣ୍ଟୁଛନ୍ତି । ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ ଅସିତ ତ୍ରିପାଠୀ ବି ଘନଘନ ବୁଲୁଛନ୍ତି । ବିଭିନ୍ନ ବଡ ବଡ ପ୍ରକଳ୍ପ ମଧ୍ୟ ପଶ୍ଚିମ ଓଡିଶାରେ ଶୁଭାରମ୍ଭ ହୋଇଛି । ଏତେ ସବୁ ରଣନୀତିକୁ କିନ୍ତୁ ଏକପ୍ରକାର ଧୋଇ ଦେଇଛି ମମିତ ଇସ୍ୟୁ । ଆଗକୁ ଆସୁଥିବା ପଂଚାୟତ ନିର୍ବାଚନରେ ଏହାର ପ୍ରଭାବ ପଡ଼ିବା ନେଇ ଚର୍ଚ୍ଚା ହେଉଛି ।

୨୦୧୭ ପଂଚାୟତ ନିର୍ବାଚନରେ ବିଜେପି ଜବରଦସ୍ତ ପ୍ରଦର୍ଶନ କରିଥିବା ବେଳେ ଲୋକସଭା ନିର୍ବାଚନରେ ମଧ୍ୟ ପଶ୍ଚିମ ଓଡ଼ିଶାର ୫ରୁ ୫ ସିଟ୍ ପଦ୍ମ ଖାତାକୁ ଯାଇଥିଲା । ତେଣୁ ଆଗକୁ ପଶ୍ଚିମ ଓଡ଼ିଶା ରାଜନୀତିରେ ମମିତା ମର୍ଡର ଇଫେକ୍ଟ କଣ ରହୁଛି, ତାକୁ ଅପେକ୍ଷା ।