• translate
Satyendu Shekher Mishra

News Highlights

  • ଜାତିଭିତ୍ତିକ ଜନଗଣନା ଦାବି ଦୋହରାଇଛି ବିଜେଡି ।

  • ରଣେନ୍ଦ୍ର ପ୍ରତାପ ସ୍ୱାଇଁ ଓ ଅରୁଣ କୁମାର ସାହୁ ଏହାକୁ ଦୋହରାଇଛନ୍ତି । 

  • ଦାବି ପୁରଣ ନହେଲେ ପଲ୍ଲୀଠୁ ଦିଲ୍ଲୀ ଆନ୍ଦୋଳନ ।

ଭୁବନେଶ୍ୱର: ଜାତିଭିତ୍ତିକ ଜନଗଣନା ଦାବି ଦୋହରାଇଛି ବିଜେଡି । ଏକ ସାମ୍ବାଦିକ ସମ୍ମିଳନୀରେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ଓ ଅରୁଣ କୁମାର ସାହୁ ଏହାକୁ ପୁଣି ଥରେ ଦୋହରାଇଛନ୍ତି । ସେ କହିଛନ୍ତି ଯେ, ଜାତିଭିତ୍ତିକ ଜନଗଣନା ପାଇଁ ଆଗରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦାବି କରିଥିଲେ । ଆଉ ଏବେ ମଧ୍ୟ ବିଜେଡି ତାହା ଚାହୁଛଁଛି । 

ସେମାନେ ଆହୁରି କହିଛନ୍ତି, ଜାତିଭିତ୍ତିକ ଜନ ଗଣନା ହେଲେ ପଛୁଆବର୍ଗଙ୍କ ପ୍ରକୃତ ସଂଖ୍ୟା ଜଣାପଡ଼ିବ । ରାଜ୍ୟରେ ପଛୁଆ ବର୍ଗଙ୍କ ସଂଖ୍ୟା ଅଧାରୁ ଅଧିକ ରହିଛି । ଓବିସି ୫୪ ପ୍ରତିଶତ ଅଛନ୍ତି । ସବୁ ହିସାବ ଦେଖିଲେ, ଅନଗ୍ରସର ବର୍ଗଙ୍କ ସଂଖ୍ୟା ପ୍ରାୟ ୯୪ ପ୍ରତିଶତ ହେବ । ସେମାନଙ୍କ ପ୍ରକୃତ ସଂଖ୍ୟା ଜାଣିଲେ ହିଁ ସେହି ଅନୁସାରେ ବିକାଶ କରାଯାଇପାରିବ ।

NDA ର ଅନେକ ସହଯୋଗୀ ଦଳ ମଧ୍ୟ ଜାତିଭିତ୍ତିକ ଜନ ଗଣନା ପାଇଁ ଦାବି କରିଛନ୍ତି । ଏପର୍ଯ୍ୟନ୍ତ ରାଜ୍ୟ ବିଜେପି ଏହି ପ୍ରସଙ୍ଗରେ କାହିଁକି ଚୁପ୍ ବୋଲି ପ୍ରଶ୍ନ କରିଛନ୍ତି ଦୁଇ ମନ୍ତ୍ରୀ ଅରୁଣ କୁମାର ସାହୁ ଓ ରଣେନ୍ଦ୍ର ପ୍ରତାପ ସ୍ୱାଇଁ ।  ବିଜେପି ନେତା ନିରବ ରହୁଥିବାରୁ ସେମାନଙ୍କଠାରେ ଥିବା ପଛୁଆବର୍ଗ ବିରୋଧୀ ମନୋଭାବ ସ୍ପଷ୍ଟ ଜଣାପଡୁଛି ।

ବିଜେପିକୁ ଏଭଳି ଟାର୍ଗେଟ କରିବା ସହ ବିଜେଡି ପକ୍ଷରୁ କେନ୍ଦ୍ର ସରକାରଙ୍କୁ ଚେତାବନୀ ମଧ୍ୟ ଦିଆଯାଇଛି । ବିଜେଡି କହିଛି ଯଦି ସେମାନଙ୍କ ଦାବି ପୂରଣ ନ ହେଲା ତେବେ ପଲ୍ଲୀଠାରୁ ଦିଲ୍ଲୀ ଯାଏ ଆନ୍ଦୋଳନ କରାଯିବ । ଏହା ସହିତ ସଂରକ୍ଷଣର ୫୦ ପ୍ରତିଶତ ସୀମାକୁ ଉଠାଇ ଦେବାକୁ ମଧ୍ୟ ବିଜେଡି ଦାବି କରିଛି ।

ସେପଟେ ଜାତିଭିତ୍ତିକ ଜନଗଣନା ଦାବି କରି ବିଜେଡି ରାଜନୀତି କରୁଛି । OBCଙ୍କୁ ସେମାନଙ୍କ ହକ୍ ଦିଆଯାଉନି, ସରକାର ଭୁଆଁ ବୁଲାଉଛନ୍ତି ବୋଲି ବିଜେପି ଓବିସି ମୋର୍ଚ୍ଚା ରାଜ୍ୟ ସଭାପତି ସୁରଥ ବିଶ୍ୱାଳ କହିଛନ୍ତି ।

ଅନ୍ୟପଟେ କେନ୍ଦ୍ରରେ ବିଜେପିର ସହଯୋଗୀ ଦଳମାନେ ମଧ୍ୟ ଏହି ସମାନ ଦାବି କରିଛନ୍ତି । ସହଯୋଜୀ ଦଳଗୁଡ଼ିକର ନେତାମାନେ ମୋଦିଙ୍କୁ ଭେଟି ଏନେଇ ସବିଶେଷ ଆଲୋଚନା କରିଛନ୍ତି । ପାଖାପାଖି ୪୦ ରୁ ୪୫ ମିନିଟ୍ ପର୍ଯ୍ୟନ୍ତ ଏହି ଆଲୋଚନା ହୋଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସବୁ ନେତାଙ୍କ କଥାକୁ ଳଗୁରୁତ୍ୱର ସହ ଶୁଣିଥିଲେ ଏବଂ ଖୁବ୍‌ଶୀଘ୍ର ଏନେଇ ନିଷ୍ପତି ନିଆଯିବ ବୋଲି କହିଛନ୍ତି । ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଏନେଇ ଆଜି ଗଣମାଧ୍ୟମକୁ ସୂଚନା ଦେଇଛନ୍ତି ।

 

Other Stories

  • Mysterious temple of India
    Miscellaneous ଭାରତର ଏହିସବୁ ମନ୍ଦିରର ମୂର୍ତ୍ତିରୁ ବାହାରିଥାଏ ଝାଳ

    ଦୁନିଆ ରହସ୍ୟମୟ। ତେଣୁ ଏହା ବିଷୟରେ ଜାଣିବା ପାଇଁ ଲୋକଙ୍କ ମନରେ ସର୍ବଦା ଏକ କୌତୁହଳ ରହିଥାଏ। ଅନେକଗୁଡିଏ ରହସ୍ୟକୁ ପର୍ଦାଫାସ କରାଯାଇଥିବା ବେଳେ, ଏପରି ଅନେକ ରହସ୍ୟ ମଧ୍ୟ ଅଛି ଯାହାର କେବଳ ରହସ୍ୟ...

  • IMD-Malaria-Outbreak
    National “ଅଗଷ୍ଟରେ ଆଉ ହେବନି ବର୍ଷା”

    ଚଳିତ ମାସରେ ଆଉ ବଡ ବର୍ଷା ନାହିଁ। ଆଗାମୀ ୫ ଦିନ ଯାଏ ଓଡ଼ିଶାରେ ବର୍ଷା ହେବାର ସମ୍ଭାବନା ନାହିଁ । କୌଣସି ଲଘୁଚାପ କ୍ଷେତ୍ର ସୃଷ୍ଟି ସମ୍ଭାବନା ନଥିବାରୁ ବଡ଼ ବର୍ଷା ନାହିଁ ବୋଲି...

  • Ukrainian Plane Hijacked
    International ୟୁକ୍ରେନର ବିମାନକୁ ଅପହରଣ !

    ୟୁକ୍ରେନ୍ ବିମାନ ଅପହରଣ। ଆଫଗାନିସ୍ତାନ କାବୁଲ ବିମାନବନ୍ଦରରୁ ଯାତ୍ରୀଙ୍କୁ ନେଇ ଯାଉଥିବା ବିମାନ ହାଇଜାକ୍ ହୋଇଛି। କାବୁଲ ବିମାନ ବନ୍ଦରରୁ ଉଡ଼ାଣର କିଛି ସମୟ ପରେ ଏହାକୁ ଅପହରଣ କରାଯାଇଛି। ମିଳିଥିବାକ ସୂଚନା ମୁତାବକ ଏହାକୁ ଇରାନକୁ...

  • Salman Khan
    Entertainment ବିଦେଶରେ ବି କମ ନୁହେଁ ସଲମାନଙ୍କ ଫ୍ୟାନ୍

    ଆଜିକାଲି ବଲିଉଡ ସୁପରଷ୍ଟାର ସଲମାନ ଖାନ ଟାଇଗର ଫ୍ରାଞ୍ଚାଇଜ୍‌ର ପରବର୍ତ୍ତୀ ଫିଲ୍ମ ଅର୍ଥାତ୍ ‘ଟାଇଗର ୩’ ର ସୁଟିଂରେ ବ୍ୟସ୍ତ ଅଛନ୍ତି। ‘ଟାଇଗର ୩’ ର ସୁଟିଂ ପାଇଁ ସଲମାନ ବର୍ତ୍ତମାନ ଋଷରେ ଅଛନ୍ତି। ଫିଲ୍ମର ସୁଟିଂ...