• translate
Minati Mishra

News Highlights

  • ତୈଳଦରକୁ ନେଇ ମିଳିଲା ଆଶ୍ୱସ୍ତିର ଖବର

  • ୩୩ ଦିନ ସ୍ଥିର ରହିବା ପରେ କମିଲା ପେଟ୍ରୋଲ ଡିଜେଲର ଦର

  • ଗତକାଲି ବି କମିଥିଲା

ନୂଆଦିଲ୍ଲୀ: ପେଟ୍ରୋଲ, ଡିଜେଲ ଦର ଆକାଶଛୁଆଁ ହୋଇଥିବାବେଳେ ଏବେ ମିଳିଛି ସାମାନ୍ୟ ଆଶ୍ୱସ୍ତି। ଆଜି ଅର୍ଥାତ୍‌ ଅଗଷ୍ଟ ୧୯ ତାରିଖରେ ୨ ଦିନ ପାଇଁ ପେଟ୍ରୋଲ, ଡିଜେଲ ଦର ତଳମୁହାଁ ହୋଇଛି। ଆଜି ଡିଜେଲ ଲିଟର ପିଛା ୨୦ ପଇସା ହ୍ରାସ ପାଇଛି। ତେବେ ପେଟ୍ରୋଲ ଦରରେ କୌଣସି ପରିବର୍ତ୍ତନ ହୋଇନାହିଁ। ପ୍ରାୟ ୩୩ ଦିନ ଧରି ପେଟ୍ରୋଲ ଦର ସ୍ଥିର ରହିଛି। 

ଏହା ପୂର୍ବରୁ ଜୁଲାଇ ୧୭ ତାରିଖ ପେଟ୍ରୋଲ ଲିଟର ପିଛା ୩୫ ପଇସା ବୃଦ୍ଧି ପାଇଥିଲା।  ସେହିପରି ଡିଜେଲ ଶେଷଥର ପାଇଁ ଜୁଲାଇ ୧୫ ତାରିଖ ୧୫ ପଇସା ବୃଦ୍ଧି ହୋଇଥିଲା। ସେବେଠାରୁ ରିଟେଲ ଫୁଏଲ ଦାମ ସ୍ଥିର ରହିବା ପରେ ଏବେ ସାମାନ୍ୟ ହ୍ରାସ ପାଇଛି। 

 ଦର ହ୍ରାସ ପାଇବା ପରେ ଦିଲ୍ଲୀରେ ବର୍ତ୍ତମାନ ପେଟ୍ରୋଲ ଦର ୧୦୧.୮୪ ଟଙ୍କା ଥିବାବେଳେ ଡିଜେଲ ଦର ୮୯.୪୭ ଟଙ୍କା ରହିଛି। ମୁମ୍ବାଇରେ ପେଟ୍ରୋଲ ଲିଟର ପିଛା ଦର ୧୦୭.୮୩ ଟଙ୍କା ଥିବାବେଳେ ଡିଜେଲ ଦର ରହିଛି ୯୭.୦୪ ଟଙ୍କା। ସେହିପରି ବେଙ୍ଗାଲୁରରେ ପେଟ୍ରୋଲ ଲିଟର ପିଛା ଦର ୧୦୫.୨୫ ଟଙ୍କା ଥିବାବେଳେ ଡିଜେଲ ରହିଛି ୯୪.୮୬ ଟଙ୍କା। କୋଲକାତାରେ ପେଟ୍ରୋଲ ୧୦୨.୦୮ ଟଙ୍କା ଏବଂ ଡିଜେଲ ୯୨.୫୭ ଟଙ୍କା ଥିବାବେଳେ ଚେନ୍ନାଇରେ ପେଟ୍ରୋଲ ଲିଟର ପିଛା ଦର ୯୯.୪୭ ଏବଂ ଡିଜେଲ ଦର ୯୪.୦୨ ଟଙ୍କା ରହିଛି। ଏଠି କହିରଖିବୁ, ଗତକାଲି ଅର୍ଥାତ ବୁଧବାର ଦିନ ମଧ୍ୟ ତୈଳ ଦର ହ୍ରାସ ହୋଇଥିଲା। ଗତକାଲି ଡିଜେଲ ଦର ୨୦ ପଇସା କମିଥିବାବେଳେ ଆଜି ମଧ୍ୟ ୨୦ ପଇସା କମିଛି

ସୂଚନାଥାଉ କି, ଦେଶରେ ପ୍ରତିଦିନ ପେଟ୍ରୋଲ-ଡିଜେଲର ନୂଆ ଦର ସକାଳ ୬ଟାରୁ ସମସ୍ତ ପେଟ୍ରୋଲ ପମ୍ପରେ ଲାଗୁ ହୋଇଥାଏ। ତେବେ ପ୍ରତ୍ୟେକ ରାଜ୍ୟର ଦର ଅଲଗା ଅଲଗା ରହିଥାଏ। 
 
 

Other Stories