ଅନ୍‌ଲାଇନ୍‌ ଅର୍ଡର ହୋଇଥିଲା ଆଇ ଫୋନ୍, ଆସିଲା ସାବୁନ

ଥିରୁଅନନ୍ତପୁରମ୍: ଅନ୍‌ଲାଇନ୍‌ ଅର୍ଡର ପଡିଲା ମହଙ୍ଗା । ଅର୍ଡର ହୋଇଥିଲା ଫୋନ୍ ହେଲେ ଆସିଛି ୫ ଟଙ୍କିଆ ସାବୁନ୍‌ । ଅନ୍‌ଲାଇନ୍‌ରେ ଅଫର ଦେଖି କେରଳର ଜଣେ ବ୍ୟକ୍ତି ଆମାଜନରୁ ଆଇଫୋନ୍ ୧୨ ଅର୍ଡର କରିଥିଲେ । ହେଲେ ତାଙ୍କ ଘରକୁ ଆଇଫୋନ୍‌ ବଦଳରେ ଆସିଛି ଏକ ସାବୁନ୍ । ଯାହାକୁ ଦେଖି ସେ ବିରକ୍ତ ହୋଇଛନ୍ତି ।

ପାର୍ବଣ ଋତୁ ଆସିଲେ ଇ-କମ୍ପାନୀମାନେ ସବୁ ଜିନିଷରେ ରିହାତି ପ୍ରଦାନ କରିଥାନ୍ତି । ଠିକ୍‌ ସେହିଭଳି ଆଗାମୀ ଦୀପାବଳି ଅବସର ପାଇଁ ଇ-କମର୍ସ କମ୍ପାନୀଗୁଡିକ ଅଧିକାଂଶ ଜିନିଷ ଉପରେ ରିହାତି ପ୍ରଦାନ କରିଛନ୍ତି । ଫଳରେ ଗ୍ରାହକମାନେ ମୋବାଇଲ୍ ଠାରୁ ଆରମ୍ଭ କରି ଟିଭି, ଫ୍ରିଜ୍, ଏସି ଏବଂ ଅନ୍ୟାନ୍ୟ ଜିନିଷକୁ ବଡ଼ ରିହାତି ସହିତ ପାଇପାରୁଛନ୍ତି । ଯଦି ଆପଣମାନେ ମଧ୍ୟ ଏହି ପାର୍ବଣ ଋତୁରେ ଅନଲାଇନ୍ ମାଧ୍ୟମରେ ମୋବାଇଲ୍ କିଣିବାକୁ ଯୋଜନା କରୁଛନ୍ତି, ତେବେ ସତର୍କ ହୋଇଯାଆନ୍ତୁ ।

ସୂଚନା ଅନୁସାରେ, କେରଳର ଅଲୁବା ସ୍ଥିତ ନୁରୁଲ ଆମିନ ଗତ ୧୨ ଅକ୍ଟୋବରରେ ଆମାଜନରୁ ୭୦,୯୦୦ ଟଙ୍କାର ଏକ ଆଇଫୋନ୍‌ ଅର୍ଡର କରିଥିଲେ । ସେ ଖୁବ୍‌ ଉତ୍ସାହର ସହିତ ଫୋନ୍‌ ଆସିବାର ଅପେକ୍ଷା କରିଥିଲେ । ତାଙ୍କ ଅପେକ୍ଷାର ଅନ୍ତ ଘଟିଥିଲା ଶେଷରେ ଅକ୍ଟୋବର ୧୫ ତାରିଖରେ ତାଙ୍କ ନିକଟକୁ ସେହି ଅର୍ଡରର ପାର୍ସଲ ଆସିଥିଲା । ହେଲେ ତାଙ୍କ ଘରେ କ’ଣ ପହଞ୍ଚିଲା ଦେଖି ସେ ଏବଂ ତାଙ୍କ ପରିବାର ଲୋକ ଦେଖି ବିରକ୍ତ ହୋଇଗଲେ । କାରଣ ତାଙ୍କ ଘରକୁ ଆସିଥିବା ଆଇଫୋନ୍ ବକ୍ସରେ ଆଇଫୋନ୍‌ ନଥିଲା । ଆଇଫୋନ୍‌ ବଦଳରେ ଭିମ୍ ବାର୍ ଏବଂ ପାଞ୍ଚ ଟଙ୍କିଆ କଏନ୍‌ ଥିଲା ।

ନୁରୁଲଙ୍କ ଅଭିଯୋଗ ଅନୁସାରେ, ତାଙ୍କ ପାର୍ସଲ ହାଇଦ୍ରାବାଦରୁ ବାହାରି କୌଣସି ଏକ କାରଣରୁ ସାଲେମରେ ରହିଥିଲା ବୋଲି ସେ ଟ୍ରାକିଂରୁ ଜାଣିପାରିଥିଲେ । ଯେଉଁଥିରୁ ତାଙ୍କ ମନରେ ସନ୍ଦେହ ସୃଷ୍ଟି ହୋଇ ଥିଲା । ନୁରୁଲ ଆମାଜନ୍‌ର ରେଗୁଲାର୍‌ କଷ୍ଟମର ଥିଲେ, ତେଣୁ ସେ ଜାଣିଥିଲେ ହାଇଦ୍ରାବାଦରୁ କୋଚି ପର୍ଯ୍ୟନ୍ତ ପାର୍ସଲ ଆସିବାକୁ ମାତ୍ର ଦୁଇ ଦିନ ଲାଗିଥାଏ । ହେଲେ ତାଙ୍କ ପାର୍ସଲକୁ ଆସିବା ପାଇଁ ପ୍ରାୟ ୩ ଦିନର ସମୟ ଲାଗିଥିଲା ।

Also Read

କରୋନାର ନୂଆ ଭ୍ୟାରିଏଣ୍ଟକୁ କଣ କହିଲେ ଡିଏମ୍‌ଇଟି, ଜାଣନ୍ତୁ

ଅଡୁଆରେ ଜୋମାଟୋ, କ୍ଷମା ମାଗିଲା ଫୁଡ୍ ଡେଲିଭରି କମ୍ପାନି

NEET ପିଜି କାଉନସେଲିଂ ସ୍ଥଗିତ ରଖିବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ

ନୁରୁଲ ସନ୍ଦେହ ଘେରରେ ରହିଥିବା ହେତୁ ଠକାମୀରୁ ବଞ୍ଚିତ ହେବା ପାଇଁ ସେ ଡେଲିଭରୀ ବୟେ ସମ୍ମୁଖରେ ହିଁ ପାର୍ସଲଟିକୁ ଖୋଲିଲେ । ସେହିସମୟରେ ସେ ଏକ ଭିଡିଓ ମଧ୍ୟ ରେକର୍ଡ କରିଥିଲେ । ପାର୍ସଲକୁ ଖୋଲିବା ମାତ୍ରେ ସେଥିରେ ଭିମ୍ ବାର୍ ଏବଂ ପାଞ୍ଚ ଟଙ୍କିଆ କଏନ୍‌ ବ୍ୟତୀତ କୌଣସି ଆଇଫୋନ୍‌ ନଥିଲା । ଯାହାକୁ ଦେଖି ସେ ଜାଣିପାରିଲେ ଯେ, ସେ ଠକାମୀର ଶିକାର ହୋଇଛନ୍ତି ।

ଘାଟାରେ ପଡିବା ପରେ ସେ ଆମାଜୋନ୍‌ର କଷ୍ଟମର କେୟାର ସହ ଯୋଗାଯୋଗ କରି ତାଙ୍କୁ ଅଭିଯୋଗ କରିଥିଲେ । ପରେ ଘଟଣାକୁ ନେଇ ସେ ପୋଲିସ ନିକଟରେ ମଧ୍ୟ ଅଭିଯୋଗ କରିଥିଲେ । ଯେଉଁଥିରୁ ସେ ଜାଣିବାରୁ ପାଇଥିଲେ ଯେ ସେ ଅର୍ଡର କରିଥିବା ଆଇଫୋନ୍‌କୁ ଗତ ୨୫ ସେପ୍ଟେମ୍ୱରରୁ ଝାଡଖଣ୍ଡରେ କେହିଜଣେ ବ୍ୟବହାର କରୁଛନ୍ତି । ହେଲେ ନୁରୁଲ ଅକ୍ଟୋବର ୧୨ ତାରିଖରେ ହିଁ ଫୋନ୍‌କୁ ଅର୍ଡର କରିଥିଲେ ।

ନୁରୁଲଙ୍କ ଅଭିଯୋଗ ପରେ ପୋଲିସ ଘଟଣାକୁ ନେଇ ଆମାଜନ ଅଧିକାରୀ ତଥା ତେଲେଙ୍ଗାନାର ଡିଲରଙ୍କୁ ପଚରାଉଚରା କରିଥିଲା । ବହୁ ପଚରାଉଚରା ପରେ ପୋଲିସ୍ ଜାଣିବାକୁ ପାଇଥିଲା ଯେ ନୁରୁଲ ଯେଉଁ ଫୋନ୍ ଅର୍ଡର କରିଛନ୍ତି ତାହା ଷ୍ଟକ୍‌ରେ ନାହିଁ । ତେଣୁ ନରୁଲଙ୍କ ଟଙ୍କାକୁ ତାଙ୍କୁ ଫେରାଇ ଦିଆଯିବ ।