ଅଧୁରା ରହିଗଲା ମିଶନ୍ : ଲଞ୍ଚ ହୋଇପାରିଲାନି EOS-03 ଉପଗ୍ରହ, ଶେଷ ମୁହୂର୍ତ୍ତରେ ଖେଳ ବିଗାଡ଼ିଲା ଇଞ୍ଜିନ୍

ଇସ୍ରୋର ଆଇ ଇନ୍ ସ୍କାଏ ମିଶନ ସଫଳ ହୋଇପାରିନାହିଁ । ଭାରତୀୟ ମହାକାଶ ଅନୁସନ୍ଧାନ ସଂଗଠନ (ISRO) ୧୨ ଅଗଷ୍ଟ ସକାଳ ୬.୪୫ ରେ ଏକ ନୂତନ ଇତିହାସ ସୃଷ୍ଟି କରିବାକୁ ବଞ୍ଚିତ ହୋଇଛି । ଆଜି ସକାଳେ GSLV F-10 ରକେଟ ସାହାଯ୍ୟରେ EOS-03 ଉପଗ୍ରହ ଉତକ୍ଷେପଣ କରାଯାଇଥିଲା । ହେଲେ ତାହା ଲକ୍ଷ୍ୟ ପୂରଣ କରିପାରି ନଥିବା ସୂଚନା ଦେଇଛନ୍ତି ଇସ୍ରୋ ଅଧ୍ୟକ୍ଷ କେ. ଶିବନ୍ । କିନ୍ତୁ ମିଶନ୍ ସମୟର 10 ସେକେଣ୍ଡ ପୂର୍ବରୁ ନଷ୍ଟ ହୋଇଯାଇଥିଲା । କ୍ରାୟୋଜେନିକ ଷ୍ଟେଜରେ କିଛି ତ୍ରୁଟି ଦେଖାଦେବାରୁ ଯେଉଁ ସବୁ ଲକ୍ଷ୍ୟ ଧାର୍ଯ୍ୟ ହୋଇଥିଲା, ତାହା ହୋଇପାରି ନାହିଁ । ମିଶନ ସଫଳ ହୋଇପାରିଲା ନାହିଁ କହିଛନ୍ତି ଇସ୍ରୋ ଅଧ୍ୟକ୍ଷ ।

ତୁରନ୍ତ ISRO ଦ୍ୱାରା ପରିଚାଳିତ ଲାଇଭ୍ ପ୍ରସାରଣ ବନ୍ଦ କରି ଦିଆଗଲା । ମିଶନ୍ ସଫଳ ହୋଇଥିଲେ, ତେବେ ଏହି ଉପଗ୍ରହ ସକାଳ ପ୍ରାୟ ୧୦.୩୦ ରୁ ଭାରତର ଫଟୋ ଉଠାଇବା ଆରମ୍ଭ କରିଥାନ୍ତା । ଆଜି ସକାଳେ ଆନ୍ଧ୍ରପ୍ରଦେଶ ଶ୍ରୀହରିକୋଟାରେଥିବା ସତୀଶ ଧଓ୍ୱନ ସ୍ପେସ୍ ସେଣ୍ଟରରୁ ୫ଟା ୪୩ ମିନିଟରେ GSLV F-10 ଉତକ୍ଷେପଣ କରାଯାଇଥିଲା । ୧୮.୩୯ ମିନିଟର ଥିଲା ପୂରା ଯାତ୍ରା । ହେଲେ ଦୁର୍ଭାଗ୍ୟବଶତଃ ଶେଷ ସମୟରେ କ୍ରାୟୋଜେନିକ ଇଂଜିନରେ କିଛି ଯାନ୍ତ୍ରିକ ତ୍ରୁଟି ଦେଖାଯାଇଥିଲା ।ଏହି ରକେଟର ଉଚ୍ଚତା ୫୨ ମିଟର ଥିଲା ଏବଂ ଓଜନ ୪୧୪.୭୫ ଟନ୍ । ଏହା ୨୫୦୦ କିଲୋଗ୍ରାମ ପର୍ଯ୍ୟନ୍ତ ଉପଗ୍ରହ ବହନ କରିବାର କ୍ଷମତା ବହନ କରେ । EOS-3 ଉପଗ୍ରହର ଓଜନ ୨୨୬୮ କିଲୋଗ୍ରାମ । EOS-3 ଉପଗ୍ରହ ଆଜି ପର୍ଯ୍ୟନ୍ତ ଭାରତ ଉତକ୍ଷେପଣ କରିଥିବା ସ୍ୟାଟେଲାଇଟ ମଧ୍ୟରୁ ସବୁଠାରୁ ଓଜନିଆ ।

Also Read

ରହସ୍ୟ ଘେରରେ ACF ସୌମ୍ୟରଞ୍ଜନଙ୍କ ମୃତ୍ୟୁ, ପୋଲିସ୍‌ ତଦନ୍ତକୁ ନେଇ ଉଠିଲା ପ୍ରଶ୍ନ

ହେଲିକପ୍ଟର ତିଆରି କରିଥିଲେ ଅଷ୍ଟମ ପାସ୍ ମେକାନିକ୍, ଉଡ଼ାଣ ପରୀକ୍ଷଣ ବେଳେ କ୍ରାସ ହୋଇ ଚାଲିଗଲା ଜୀବନ

କିଛି ଦିନ କମିବା ପରେ ପୁଣି ବଢ଼ିଲା କରୋନା ସଂକ୍ରମଣ, ରାଜ୍ୟରେ ୧୧୦୭ ନୂଆ ପଜିଟିଭ୍‌ ଚିହ୍ନଟ

ଆର୍ଥ ଅର୍ବିଟ ସାଟେଲାଇଟ-୩କୁ ନେଇ ଏହା ମହାକାଶକୁ ଯାଇଥିଲା । ଯଦି ମିଶନ ସଫଳ ହୋଇଥାନ୍ତା, EOS-3 ଅଆଶରେ ଭାରତର ଆଖି ଭଳି କାକ କରିଥାନ୍ତା । ଏହା ପ୍ରତ୍ୟେକ ଦିନ ଦେଶର ୪-୫ ଥର ଫଟୋ ଉଠାଇଥାନ୍ତା । ବାତ୍ୟା, ବନ୍ୟା ପରି ପ୍ରାକୃତିକ ବିପର୍ଯ୍ୟୟର ସଫଳ ମୁକାବିଲାରେ ଏହା ଉପଯୋଗୀ ହୋଇଥାନ୍ତା । ତା ସହିତ ଖଣିଜ ପଦାର୍ଥ, ଜଳସ୍ରୋତ, ଫସଲ ଓ ଜଙ୍ଗଲ ଉପରେ ମଧ୍ୟ ନଜର ରଖାଯାଇ ପାରିବ । ୪୨୦ ଟନ୍ ଓଜନ ବିଶିଷ୍ଟ GSLV F-10 ର ରକେଟର ଉଚ୍ଚତା ହେଉଛି ୫୧ ଦଶମିକ ସାତ ।