ଦେଶରେ ଟିକାକରଣ ୫୦ କୋଟି ପାର୍ : ଟ୍ୱିଟ୍ କରି ସୂଚନା ଦେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ନୂଆଦିଲ୍ଲୀ : କରୋନା ମହାମାରୀ ବିରୋଧୀ ଯୁଦ୍ଧରେ ଭାରତ ଆଉ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହାସଲ କରିଛି । ବର୍ତ୍ତମାନ ପର୍ଯ୍ୟନ୍ତ ଦେଶରେ ୫୦ କୋଟିରୁ ଅଧିକ ଡୋଜ୍ ଟିକାକରଣ କରାଯାଇଛି । ଆଉ ଏଥିମଧ୍ୟରୁ କେବଳ ଶୁକ୍ରବାର ଦିନ ୪୩. ୨୯ ଲକ୍ଷ ଲୋକଙ୍କୁ କରୋନା ଟିକା ଦିଆଯାଇଛି । ଏନେଇ ନିଜେ ସୂଚନା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କରୋନା ବିରୋଧୀ ଲଢ଼େଇରେ ଟିକାକରଣ ଭାରତକୁ ଅତୁଳନୀୟ ଶକ୍ତି ଦେଇଥିବା କହିଛନ୍ତି ପ୍ରଧାନମନ୍ତ୍ରୀ । ଏହି ସଂଖ୍ୟାକୁ ଆଗକୁ ବୃଦ୍ଧି କରିବା ପାଇଁ ଉଦ୍ୟମ ଚାଲିଛି । ଦେଶର ସମସ୍ତ ନାଗରିକମାନେ କିପିରି ମାଗଣା ଟିକା ପାଇପାରିବେ, ତା’ଉପରେ ଗୁରୁତ୍ୱ ଦିଆଯାଇଛି ।

ତେବେ ଦେଶରେ ଚାଲିଥିବା ଟିକାକରଣରକୁ ଏକ ଐତିହାସିକ ଉପଲବ୍ଧି କହି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟା ମଧ୍ୟ ଟ୍ୱିଟ୍ କରିଛନ୍ତି । କରୋନା ଟିକାକରଣରେ ଭାରତ ଦ୍ରୁତ ଗତିରେ ଅଗ୍ରଗତି କରୁଛି । ଦେଶରେ ୫୦ କୋଟି ଲୋକଙ୍କର ଟିକାକରଣ ହୋଇସାରିଛି । ସେହିପରି ଟିକାକରଣକୁ ନେଇ ଗୃହମନ୍ତ୍ରୀ ଅମିତ ଶାହା କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ବିଶ୍ୱର ସବୁଠାରୁ ବଡ କୋଭିଡ୍ ଟିକାକରଣ ଅଭିଯାନ ବର୍ତ୍ତମାନ ସୁଦ୍ଧା ୫୦ କୋଟି ପାର କରିସାରିଛି । ଏହା ଦେଶ ପାଇଁ ସବୁଠାରୁ ବଡ଼ କିର୍ତ୍ତିମାନ । କମ ସମୟ ମଧ୍ୟରେ ଟିକାକରଣ କାର୍ଯ୍ୟକ୍ରମକୁ ବ୍ୟାପକ କରାଯାଇଛି । ଦେଶବାସୀଙ୍କ ଜୀବନରକୁ ଗୁରୁତ୍ୱ ଦେଇ ପ୍ରଧାନମନ୍ତ୍ରୀ ମୋଦିଙ୍କ ଦାୟିତ୍ୱବୋଧ ପାଇଁ ଏହା ସମ୍ଭବ ହୋଇଛି ।

India’s fight against COVID-19 receives a strong impetus. Vaccination numbers cross the 50 crore mark. We hope to build on these numbers and ensure our citizens are vaccinated under #SabkoVaccineMuftVaccine movement.

— Narendra Modi (@narendramodi) August 6, 2021

Also Read

ନରମିଲା ଟ୍ୱିଟର: ନୂଆ ଆଇଟି ନିୟମ ମାନିବା ସହ ସ୍ଥାୟୀ ଅଧିକାରୀ ନିଯୁକ୍ତ କଲା

’ସ୍ତ୍ରୀର ଇଚ୍ଛା ବିରୁଦ୍ଧରେ ଯୌନ ସମ୍ପର୍କ ରଖିବା ବୈବାହିକ ଦୁଷ୍କର୍ମ’

ପୂର୍ବରୁ ଗ୍ୟାସ୍‌ କନେକ୍ସନ ନେଇଥିଲେ ମିଳିବ ଏହି ସୁବିଧା

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁସାରେ ଶୁକ୍ରବାର ସନ୍ଧ୍ୟା ୭ଟା ପର୍ଯ୍ୟନ୍ତ ଦେଶରେ ୪୩.୨୯ ଲକ୍ଷରୁ ଅଧିକ ଡୋଜ (୪୩,୨୯,୬୭୩) ଟିକାକରଣ ହୋଇଛି । ଶୁକ୍ରବାର ଦିନ ୧୮ ରୁ ୪୪ ବର୍ଷ ବୟସର ୨୨,୯୩,୭୮୧ ଲୋକଙ୍କୁ ପ୍ରଥମ ଡୋଜ ଦିଆଯାଇ ଥିବାବେଳେ ୪,୩୨,୨୮୧ ଜଣଙ୍କୁ ଦ୍ୱିତୀୟ ଡୋଜ ଦିଆ ଯାଇଥିଲା । ବର୍ତ୍ତମାନ ସୁଦ୍ଧା ୧୮ ରୁ ୪୪ ବର୍ଷ ବୟସର ୧୭,୨୩,୨୦,୩୯୪ ଲୋକଙ୍କୁ ପ୍ରଥମ ଡୋଜ ଦିଆଯାଇ ଥିବାବେଳେ ୧,୧୨,୫୬,୩୧୭ ଲୋକଙ୍କୁ ଉଭୟ ଡୋଜ ଦିଆଯାଇଛି । ମଧ୍ୟପ୍ରଦେଶ, ଗୁଜୁରାଟ, ରାଜସ୍ଥାନ, ମହାରାଷ୍ଟ୍ର ଏବଂ ଉତ୍ତରପ୍ରଦେଶ ପରୀ ପାଞ୍ଚଟି ରାଜ୍ୟରେ ୧୮-୪୪ ବର୍ଷ ବୟସରେ ଏକ କୋଟିରୁ ଅଧିକ ଡୋଜ ଦିଆଯାଇଥିବା କହିଛି ସ୍ୱାସ୍ଥ୍ୟ ମନ୍ତ୍ରଣାଳୟ ।