• translate
Prangyan Parimita

ନୂଆଦିଲ୍ଲୀ : ସଂକ୍ରମଣ ଗ୍ରାଫ୍ ଖସିଛି, ଭୟ ଯାଇନି । ଏବେ ଖୋଲିବନି ଅଷ୍ଟମ ପର୍ଯ୍ୟନ୍ତ ସ୍କୁଲ । ରାଜଧାନୀ ଦିଲ୍ଲୀରେ କରୋନା ସଂକ୍ରମଣ ହ୍ରାସ ପାଉଥିବା ବେଳେ ସ୍କୁଲ-କଲେଜ ଏବଂ ଅନ୍ୟାନ୍ୟ ଶିକ୍ଷାନୁଷ୍ଠାନ ଖୋଲିବାକୁ ପ୍ରସ୍ତୁତି ଆରମ୍ଭ ହୋଇଛି । ସୋମବାର ଦିନ Department Of Delhi Disaster Management Authority( DDMA) ଦ୍ୱାରା ସମସ୍ତ ନିର୍ଦ୍ଦେଶାବଳୀ ଜାରି କରାଯାଇଛି । ତେବେ ବର୍ତ୍ତମାନ ପାଇଁ ଅଷ୍ଟମ ଷ୍ଟାଣ୍ଡାର୍ଡ ପର୍ଯ୍ୟନ୍ତ ସ୍କୁଲ ବନ୍ଦ ରହିବ ବୋଲି କୁହାଯାଇଛି । ତୃତୀୟ ଲହରୀରେ ଶିଶୁଙ୍କ ପାଇଁ ସଂକ୍ରମଣ ଭୟ ଅଧିକ ଥିବାରୁ ଏପରି ନିଷ୍ପତ୍ତି ନିଆଯାଇଛି । 

ନବମ ଶ୍ରେଣୀରୁ ଉପର ସମସ୍ତ ସ୍କୁଲ, କଲେଜ, ତାଲିମ କେନ୍ଦ୍ର, ଲାଇବ୍ରେରୀ ୫୦ ପ୍ରତିଶତ କ୍ଷମତା ସହିତ ଖୋଲିବ ବୋଲି ନିର୍ଦ୍ଦେଶ ଦେଇଛି DDMA । କରୋନାଙ୍କ ନିର୍ଦ୍ଦେଶାବଳୀ ଅନୁଯାୟୀ ସମସ୍ତ ସ୍କୁଲ ଖୋଲିବ ବୋଲି ନିଷ୍ପତ୍ତି ହୋଇଛି । SOPରେ ସ୍କୁଲ, କଲେଜ, କୋଚିଂ ଅନୁଷ୍ଠାନ, ଦକ୍ଷତା ବିକାଶ ଏବଂ ତାଲିମ ପ୍ରତିଷ୍ଠାନ, ଅନ୍ୟାନ୍ୟ ଟ୍ରେନିଂ ସେଣ୍ଟର, ଲାଇବ୍ରେରୀ ଇତ୍ୟାଦି ଖୋଲିବା ସମୟରେ କେଉଁ ଦିଗ ଉପରେ ଧ୍ୟାନ ଦିଆଯିବ, ତା’ଉପରେ ରୂପରେଖ ପ୍ରସ୍ତୁତ ହୋଇଛି । ଏହା ସହି ନିୟମିତ ବ୍ୟବଧାନରେ ସରକାର ଜାରି କରୁଥିବା ନିର୍ଦ୍ଦେଶାବଳୀକୁ ପାଳନ କରିବାକୁ କୁହାଯାଇଛି ।

୧. ପ୍ରୋଟୋକଲ୍ ଅନୁଯାୟୀ ବିଦ୍ୟାଳୟ, କଲେଜ, ଶିକ୍ଷାଗତ / କୋଚିଂ ପ୍ରତିଷ୍ଠାନ, ଦକ୍ଷତା ବିକାଶ ଏବଂ ତାଲିମ ପ୍ରତିଷ୍ଠାନ, ଅନ୍ୟାନ୍ୟ ତାଲିମ ପ୍ରତିଷ୍ଠାନ, ଲାଇବ୍ରେରୀ ଇତ୍ୟାଦି ଖୋଲିବା ।

୨ . ବିଭିନ୍ନ ଅନୁଷ୍ଠାନ ଖୋଲିବା ପାଇଁ ପ୍ରସ୍ତୁତ ଯୋଜନା ଚୂଡ଼ାନ୍ତ କରିବାକୁ ବିଦ୍ୟାଳୟ / ପ୍ରତିଷ୍ଠାନର ମୁଖ୍ୟଙ୍କ ସହ ଏକ ବୈଠକ କରିବା ଉଚିତ୍ । ଏହାସହ ଅଭିଭାବକଙ୍କୁ ଟିକାକରଣ ପାଇଁ ଉତ୍ସାହିତ କରିବାକୁ ପଡ଼ିବ ।

୩. ସ୍କୁଲ, କଲେଜ, କୋଚିଂ ଅନୁଷ୍ଠାନ ତଥା ଦକ୍ଷତା ବିକାଶ ଅନୁଷ୍ଠାନ ଖୋଲିବା ପୂର୍ବରୁ ସଫେଇ ଉପରେ ବିଶେଷ ଗୁରୁତ୍ୱ ଦେବାକୁ କୁହାଯାଇଛି । ଏହାସହ କର୍ମଚାରୀଙ୍କ ଟିକାକରଣ ଉପରେ ଜୋର ଦେବା ଆବଶ୍ୟକ ।

୪. ନିୟମିତ ଚେକ୍ ଲିଷ୍ଟ ପ୍ରସ୍ତୁତ କରିବା ପାଇଁ ନିର୍ଦ୍ଦେଶ ଦିଆଯାଇଛି ।

୫. ଛାତ୍ରଛାତ୍ରୀମାନେ ହାତ ଧୋଇବା ପାଇଁ ପର୍ଯ୍ୟାପ୍ତ ବେସିନ ଓ ସଫେଇ କ୍ଷେତ୍ରର ଉପଲବ୍ଧତା ଲାଗି ସମୟ ସାରଣୀ ପ୍ରସ୍ତୁତ ହେବା ଆବଶ୍ୟକ ।

Other Stories