ଅନୀଲ ଦେଶମୁଖଙ୍କ ଆର୍ଥିକ ଦୁର୍ନୀତି ମାମଲା : ନିଜର ଜଣେ କର୍ମଚାରୀଙ୍କୁ ଗିରଫ କଲା CBI

ମୁମ୍ବାଇ: ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖ ଆର୍ଥିକ ଦୁର୍ନୀତି ମାମଲାରେ ଓକିଲ ଆନନ୍ଦ ଡାଗାଙ୍କ ପରେ ସିବିଆଇ ବର୍ତ୍ତମାନ ନିଜର ଜଣେ ଅଧିକାରୀଙ୍କୁ ଗିରଫ କରିଛି । ସିବିଆଇ ସବ୍-ଇନ୍ସପେକ୍ଟର ଅଭିଷେକ ତିୱାରୀ ଲାଞ୍ଚ ନେଇ ପ୍ରାଥମିକ ତଦନ୍ତ ରିପୋର୍ଟ ଲିକ୍ କରିଥିବା ଅଭିଯୋଗ ହୋଇଛି । ଅଭିଷେକ ତିୱାରୀ ବର୍ତ୍ତମାନ ସିବିଆଇରେ ଅଟକ ଅଛନ୍ତି ।

ଅନୀଲ ଦେଶମୁଖଙ୍କୁ କଥିତ ରୂପେ କ୍ଲିନ୍ ଚିଟ୍ ଦେବା ସମ୍ମନ୍ଧରେ ପ୍ରାଥମିକ ଅନୁସନ୍ଧାନର ରିପୋର୍ଟ ଶନିବାର ଦିନ ଲିକ୍ ହୋଇଛି । ତେବେ ରିପୋର୍ଟ ଲିକ୍ ହେବା ପରେ ତୁରନ୍ତ ତଦନ୍ତ ଆରମ୍ଭ କରିଥିଲା ସିବିଆଇ ।  ଏଥିରେ ଦେଶମୁଖଙ୍କ ଟିମ୍, ଏଜେନ୍ସିର ଜଣେ ଉପ ନୀରିକ୍ଷକ ଅଧିକାରୀଙ୍କୁ କଥିତ ରୂପରେ ଲାଞ୍ଚ ଦେଇଥିବା ଘଟଣା ସାମ୍ନାକୁ ଆସିଥିଲା । ଗତ ବୁଧବାର ଦିନ ସିବିଆଇ ଅନୀଲ ଦେଶମୁଖଙ୍କ ଜ୍ୱାଇଁ ଗୌରବ ଚତୁର୍ବେଦୀ ଏବଂ ଓକିଲ ଆନନ୍ଦ ଡାଗାଙ୍କୁ ପଚରାଉଚରା କରିଥିଲେ । ପରେ ଉଭୟ ବିରୋଧରେ ମାମଲା ରୁଜୁ କରି ଗିରଫ କରାଯାଇଥିଲା ।

ମୁମ୍ବାଇର ପୂର୍ବତନ ପୋଲିସ କମିଶନର ପରମବୀର ସିଂ ଅନୀଲ ଦେଶମୁଖଙ୍କ ବିରୋଧରେ ୧୦୦ କୋଟି ଟଙ୍କାର ବଟି ଆଦାୟ ଅଭିଯୋଗ ଆଣିଥିଲେ । ତେବେ ଏହି ଅଭିଯୋଗର ତଦନ୍ତ ପାଇଁ କୋର୍ଟ ତଦନ୍ତକାରୀ ସଂସ୍ଥାକୁ ନିର୍ଦ୍ଦେଶ ଦେଇଥିଲେ । ଅଭିଯୋଗ ନେଇ ବିଭିନ୍ନ ଆଲୋଚନା ହେବା ପରେ ଅନୀଲ ଦେଶମୁଖ ମହାରାଷ୍ଟ୍ରର ଗୃହମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ତେବେ ଦେଶମୁଖ ଏହି ଅଭିଯୋଗକୁ ଅସ୍ୱୀକାର କରିଥିଲେ ।

Also Read

ଆତଙ୍କୀ ସଂଗଠନର ଟପ୍‌ ଲିଡର୍‌ ଶେରୁ ଭାରତରେ ନେଇଥିଲେ ସେନା ପ୍ରଶିକ୍ଷଣ

ତାଲିବାନକୁ ଶୁଭେଚ୍ଛା ସହ ଅଲକାଏଦାର ବଡ଼ ଆହ୍ୱାନ, ଇସ୍ଲାମ ଶତ୍ରୁଙ୍କୁ ବେଦଖଲ କର !

ପୁଣି ଫେରିବ ଲକ୍‌ଡାଉନ୍, କେନ୍ଦ୍ର ସରକାର ଦେଲେ ଇଶାରା

ଶିଳ୍ପପତି ମୁକେଶ ଅମ୍ବାନୀଙ୍କ ବାସଭବନ ବାହାରେ ଥିବା ଏକ ଏସୟୁଭିରୁ ବିସ୍ଫୋରକ ସାମଗ୍ରୀ ମିଳିବା ଘଟଣାର ଅନୁସନ୍ଧାନ ବେଳେ ଆସିଷ୍ଟାଣ୍ଟ ପୋଲିସ ଇନ୍ସପେକ୍ଟର ସଚିନ ୱାଜେଙ୍କ ଭୂମିକା ସାମ୍ନାକୁ ଆସିଥିଲା। ଏହା ପରେ ପରମବୀର ସିଂଙ୍କୁ ତାଙ୍କ ପଦରୁ ହଟାଇ ଦିଆଯାଇଥିଲା । ସଚିନ ୱାଜେଙ୍କୁ ମଧ୍ୟ ସେବାରୁ ବରଖାସ୍ତ କରାଯାଇଥିଲା । ପୋଲିସ କମିଶନର ପଦରୁ ହଟାଇବା ପରେ ପରମବୀର ସିଂ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଲେଖିଥିଲେ । ମୁମ୍ବାଇର ବାର ଏବଂ ରେଷ୍ଟୁରାଣ୍ଟରୁ ମାସକୁ ୧୦୦ କୋଟିରୁ ଅଧିକ ଟଙ୍କା ସଂଗ୍ରହ କରିବାକୁ କହିଛନ୍ତି ଅନୀଲ ଦେଶମୁଖ ନିର୍ଦ୍ଦେଶ ଦେଇଥିବା ସେ ପତ୍ରରେ ଲଖିଥିଲେ।