କାବୁଲ ବିସ୍ଫୋରଣ ସହ ୧୪ କେରଳବାସୀଙ୍କ ସମ୍ପର୍କ ! ଦୁଇ ପାକିସ୍ତାନୀ ମଧ୍ୟ ହେଫାଜତରେ

ନୂଆଦିଲ୍ଲୀ: ଆଫଗାନିସ୍ତାନ ରାଜଧାନୀ କାବୁଲ ବିମାନବନ୍ଦର ବାହାରେ ହୋଇଥିଲା ସିରିଜ୍‌ ବୋମା ବିସ୍ଫୋରଣ । ଏଥିପାଇଁ ଆତଙ୍କବାଦୀ ସଂଗଠନ ଇସଲାମିକ୍ ଷ୍ଟେଟ୍ ଅଫ୍ ଖୋରାସାନ୍ ପ୍ରୋବିଂସ (ISKP) ନିଜକୁ ଦାୟୀ କରିଛି । ଏହି ଆତ୍ମଘାତୀ ବିସ୍ଫୋରଣରେ ଆମେରିକାର ୧୩ ସୈନ୍ୟଙ୍କ ସମେତ ୨୦୦ରୁ ଅଧିକ ସାଧାରଣ ଲୋକଙ୍କ ମୃତ୍ୟୁ ହୋଇଛି ।

ତେବେ ଏହାରି ଭିତରେ ଏକ ବଡ଼ ଖବର ସାମ୍ନାକୁ ଆସିଛି ଯେ, ଏଥିରେ କେରଳର ୧୪ ଜଣ ବ୍ୟକ୍ତି ସମ୍ପୃକ୍ତ ଅଛନ୍ତି । ଏହି ଆତଙ୍କବାଦୀ ସଂଗଠନରେ କେରଳର ଏହି ବ୍ୟକ୍ତିମାନେ ସାମିଲ ଅଛନ୍ତି । କୁହାଯାଉଛି ଯେ ସେମାନଙ୍କୁ ତାଲିବାନ ବଗରାମ ଜେଲରୁ ମୁକ୍ତ କରିଥିଲା । ଏହା ବ୍ୟତୀତ ତୁର୍କମେନିସ୍ତାନ ଦୂତାବାସ ଉପରେ ଆକ୍ରମଣ କରିବାକୁ ଚେଷ୍ଟା କରୁଥିବା ଦୁଇ ପାକିସ୍ତାନୀଙ୍କୁ ମଧ୍ୟ ହେଫାଜତରେ ନିଆଯାଇଥିବା ଜଣାପଡ଼ିଛି ।

ହିନ୍ଦୁସ୍ତାନ ଟାଇମ୍ସର ରିପୋର୍ଟ ଅନୁଯାୟୀ, କେରଳର ୧୪ଜଣ ବାସିନ୍ଦା ଆଫଗାନିସ୍ତାନରେ ISKP ଆତଙ୍କୀ ସଂଗଠ ସହ ସାମିଲ ହୋଇଛନ୍ତି । ଏହା ମଧ୍ୟ କୁହାଯାଉଛି ଯେ, ଏହି ୧୪ ଜଣ କେରଳବାସୀଙ୍କ ମଧ୍ୟରୁ ଜଣେ ନିଜ ଘର ସହିତ ଯୋଗାଯୋଗ କରିଥିଲା । କିନ୍ତୁ ଅନ୍ୟ ୧୩ ଜଣଙ୍କର ଏବେ ସୁଦ୍ଧା କୌଣସି ସୂଚନା ନାହିଁ ।

Also Read

ଥାନାରେ ପହଞ୍ଚିଲା ଓଲିଉଡ୍‌ ଷ୍ଟାରଙ୍କ କଳି

ବଂଶୀ, ମୟୂରପୁଚ୍ଛ ଏବଂ ମାଖନ୍ ମିଶ୍ରୀ ଶ୍ରୀକୃଷ୍ଣଙ୍କୁ ଅତ୍ୟନ୍ତ ପ୍ରିୟ, ଜାଣନ୍ତି କାହିଁକି ?

ସାରା ବିଶ୍ୱ ପାଇଁ ନୂଆ ସଙ୍କଟ : ତାଲିବାନ୍ ହାତରେ ବିଶ୍ୱର ୮୫ ପ୍ରତିଶତ ଦେଶ ଠାରୁ ଅଧିକ ବ୍ଲାକହକ୍ ହେଲିକପ୍ଟର

୨୦୧୪ରେ ନିଜକୁ IS କହୁଥିବା ଆତଙ୍କୀ ସଂଗଠନ ମୋସୁଲ କବ୍‌ଜା କରିବା ପରେ ମଲପୁରମ, କାସରାଗୋଡ ଏବଂ କନ୍ନୁର ଜିଲ୍ଲାରୁ କିଛି ଲୋକ ଜିହାଦି ମାନଙ୍କ ସହ ସାମିଲ ହେବା ପାଇଁ ଭାରତ ଛାଡ଼ି ଚାଲିଯାଇଥିଲେ । ସେମାନଙ୍କ ମଧ୍ୟରୁ କିଛି ପରିବାର ଆଫ୍‌ଗାନିସ୍ତାନର ନଙ୍ଗରହାରରେ ବସବାସ କରୁଥିଲେ । ISKP ସୂତ୍ରରୁ ଏନେଇ ସୂଚନା ମିଳିଛି ।

ରିପୋର୍ଟ ଅନୁଯାୟୀ, ତାଲିବାନ ଏବଂ ଏହାର ସହଯୋଗୀମାନେ ଏହି କଟ୍ଟର ପନ୍ଥୀ କେରଳବାସୀଙ୍କୁ ବ୍ୟବହାର କରି ଭାରତର ଭାବମୂର୍ତ୍ତି କ୍ଷୂର୍ଣ୍ଣ କରିବାକୁ ଚେଷ୍ଟା କରିବେ । କିନ୍ତୁ ତାଲିବାନ ଏପର୍ଯ୍ୟନ୍ତ ଏନେଇ ନିରବ ରହିଆସିଛି । ଗୁପ୍ତଚର ରିପୋର୍ଟରୁ ଜଣାପଡିଛି ଯେ ୨୬ଅଗଷ୍ଟରେ କାବୁଲ ବିମାନବନ୍ଦରରେ ବିସ୍ଫୋରଣ ପରେ ହିଁ ଏହି ପାକିସ୍ତାନୀ ନାଗରିକଙ୍କଠାରୁ IED ଜବତ କରାଯାଇଥିଲା।

ଆଫଗାନିସ୍ତାନରୁ ଆସିଥିବା ରିପୋର୍ଟ ଅନୁସାରେ କାବୁଲ ଏବେ ହକ୍କାନୀ ନେଟ୍‌ୱାର୍କ ନିୟନ୍ତ୍ରଣରେ ରହିଛି । ରିପୋର୍ଟ ଅନୁଯାୟୀ, ISKP ପୂର୍ବରୁ ନଙ୍ଗହାର ପ୍ରଦେଶର ହକାନୀ ନେଟୱାର୍କ ସହିତ କାମ କରିଛି ।