• translate
Sarbeswar

News Highlights

  • ହୀରାକୁଦର ୪ ଗେଟ୍‌ ବନ୍ଦ

  • ମୁଣ୍ଡଳିରେ ମହାନଦୀର ପାଣି ସ୍ଥିର

କଟକ: ମହାନଦୀରେ ପାଣି ବଢିବା ପରେ ତଳିଆ ଅଂଚଳରେ ଲୋକଙ୍କ ମନରେ ଛନକା ପଶିଛି । ନରାଜରେ ବିପଦ ସଙ୍କେତ ଉପରେ ଜଳସ୍ତର ରହିଥିବାବେଳେ ମୁଣ୍ଡଳିରେ ବଢୁଛି ମହାନଦୀ । ସେପଟେ ମହାନଦୀର ଉପରମୁଣ୍ଡରେ ବର୍ଷା ହେଉ ନଥିବାରୁ ଗତକାଲି ହୀରାକୁଦର ୪ଟି ଗେଟ୍ ବନ୍ଦ କରାଯାଇଛି । ବର୍ତ୍ତମାନ ୨୪ଟି ଗେଟରେ ଜଳ ନିଷ୍କାସନ ହେଉଛି । ସେପଟେ ବନ୍ୟା ଆଶଙ୍କା ଥିବା କେନ୍ଦ୍ରାପଡ଼ା, ପୁରୀ ସମେତ ୬ ଜିଲ୍ଲାରେ ପ୍ରଶାସନ ସତର୍କ ରହିଛି ।

ତେବେ ମହାନଦୀରେ ଜଳସ୍ତର କମିଛି କିନ୍ତୁ ସୁବର୍ଣ୍ଣରେଖା ଓ ଜଳକାରେ ବଢ଼ୁଛି ପାଣି । ବିପଦ ସଙ୍କେତ ଉପରେ ପ୍ରବାହିତ ହେଉଛି ସୁବର୍ଣ୍ଣରେଖା ନଦୀର ଜଳସ୍ତର। ଫଳରେ ତଳ ଅଞ୍ଚଳରେ ଥିବା ଲୋକଙ୍କ ଦୁର୍ଦ୍ଦଶା ବଢ଼ିଛି। ରାସ୍ତା ଉପରେ ପାଣି ଚାଲୁଥିବାରୁ ଲୋକେ ଡଙ୍ଗା ବ୍ୟବହାର କରୁଛନ୍ତି । ଲୋକଙ୍କ ଘରେ ଭିତରେ ଅଣ୍ଟାଏ ଉଚ୍ଚର ପାଣି ଜମିଛି। ଉଦ୍ଧାର କରିବାକୁ କେହି ନଥିବାରୁ ନିଜ ନିଜ ପ୍ରୟାସରେ ଡଙ୍ଗା ଧରି ବାହାରିଛନ୍ତି ଲୋକେ। ସୁବର୍ଣ୍ଣରେଖାରେ ବନ୍ୟାପାଣି ଆସିବା ପରେ ବହୁ ଗାଁ ଏବେ ବାହ୍ୟ ଜଗତରୁ ବିଚ୍ଛିନ୍ନ ହୋଇ ପଡିଛି ।

ଏପଟେ, ପୂର୍ବ-କେନ୍ଦ୍ର ବଙ୍ଗୋପସାଗର ଓ ମିଆଁମାର ଉପକୂଳରେ ସୃଷ୍ଟ ଘୂର୍ଣ୍ଣିବଳୟ ପ୍ରଭାବରେ ଓଡ଼ିଶାରେ ପୁଣି ବର୍ଷା ଆରମ୍ଭ ହୋଇଛି। ଆଜି ସକାଳ ସାଢ଼େ ୮ଟାଠାରୁ ୨୧ ତାରିଖ ସକାଳ ସାଢ଼େ ୮ଟା ପର୍ଯ୍ୟନ୍ତ ଉତ୍ତର, ଉପକୂଳ ଓ ଆଭ୍ୟନ୍ତର ଓଡ଼ିଶାରେ ବର୍ଷା ସହ କେତେକ ସ୍ଥାନରେ ପ୍ରବଳ ବର୍ଷା ପାଇଁ ସତର୍କ ରହିବାକୁ ସବୁ ଜିଲ୍ଲାପାଳମାନଙ୍କୁ ଚିଠି ଲେଖି ଅବଗତ କରିଛନ୍ତି ସ୍ୱତନ୍ତ୍ର ରିଲିଫ୍ କମିଶନର। ଆଜି ପାଇଁ ଭଦ୍ରକ, ମୟୂରଭଞ୍ଜ ଓ ବାଲେଶ୍ୱର ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ ସହ କେତେକ ସ୍ଥାନରେ ପାଣିପାଗ ବିଭାଗ ପ୍ରବଳ ବର୍ଷାର ଅନୁମାନ କରିଥିବା କୁହାଯାଇଛି।

Other Stories