• translate
Pramod Behera

ଦୁନିଆରେ ପ୍ରତିଭାବାନ ଓ ପରିଶ୍ରମୀ ଲୋକମାନଙ୍କର କୌଣସି ଅଭାବ ନାହିଁ। କିଛି ଲୋକ ଏପରି କିଛି କରି ଦେଖାନ୍ତି ଯାହା ଜାଣିବା ପରେ କି ଦେଖିବା ପରେ ସମସ୍ତେ ଚିନ୍ତାରେ ପଡିଯାଆନ୍ତି। ସୋସିଆଲ ମିଡିଆ ବ୍ୟବହାରକାରୀମାନେ ମଧ୍ୟ ଅନେକ ଉତ୍ସାହୀ ଲୋକଙ୍କ ଭିଡିଓ ଦେଖି ଆଶ୍ଚର୍ଯ୍ୟ ହୋଇଯାଆନ୍ତି। ବର୍ତ୍ତମାନ ଏହିପରି ଜଣେ ବ୍ୟକ୍ତିଙ୍କ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ସେ ଭାରୀ ବାଇକକୁ ତାଙ୍କ ମୁଣ୍ଡରେ ଉଠାଇ ବସ୍‌ରେ ରଖୁଥିବା ଦେଖିବାକୁ ମିଳୁଛି। ଏହି ୪୫ ସେକେଣ୍ଡର ଭିଡିଓ ଦେଖିବା ପରେ, ଅଧିକାଂଶ ଉପଭୋକ୍ତା ଆଶ୍ଚର୍ଯ୍ୟ ହୋଇଯାଆନ୍ତି ଯେ ଏହି ବ୍ୟକ୍ତି ଏହା କିପରି କଲେ! ଏହି ଭିଡିଓ ସେୟାର କରି ଆଇପିଏସ୍ ରୁପିନ୍ ଶର୍ମା ଲେଖିଛନ୍ତି, “ବାଃ କି ସନ୍ତୁଳନ”।

ଭିଡିଓରେ ଆପଣ ଦେଖିପାରିବେ ଯେ ଏକ ବସ୍ ଛିଡା ହୋଇଛି। ଏହି ସମୟରେ କିଛି ଲୋକ ଗୋଟିଏ ବାଇକ ଧରି ପାଖରେ ଠିଆ ହୋଇଛନ୍ତି। ଠିକ ଏତିକି ବେଳେ ସେମାନଙ୍କ ମଧ୍ୟରୁ ଜଣେ ବାଇକକୁ ତାଙ୍କ ମୁଣ୍ଡରେ ଉଠାଇ ନେଇଥିଲେ। ତା’ପରେ ଧୀରେ ଧୀରେ ଅତି ଆରାମରେ ପାହାଚ ଚଢି ବସ୍ ଉପରକୁ ବାଇକ୍‌ଟିକୁ ନେଇଥିଲେ। ଏହି ବ୍ୟକ୍ତିଙ୍କର ସନ୍ତୁଳନ ଦେଖି ସୋସିଆଲ ମିଡିଆ ବ୍ୟବହାରକାରୀମାନେ ବହୁତ ଆଶ୍ଚର୍ଯ୍ୟ ହୋଇଯାଇଛନ୍ତି।

ଏହି ବାଇକର ଓଜନ ପ୍ରାୟ ୧୫୦ କିଲୋଗ୍ରାମ। ଭିଡିଓ ଦେଖିବା ପରେ, ଆପଣ ମଧ୍ୟ ଭାବୁଥିବେ ଯେ ଏହା କରିବା ସମ୍ଭବ ନୁହେଁ। କିନ୍ତୁ ଏହି ବ୍ୟକ୍ତି ବିନା କୌଣସି ଅସୁବିଧାରେ ବାଇକଟିକୁ ଅତି ସହଜରେ ବସ୍ ଉପରକୁ ଉଠାଇ ନିଅନ୍ତି।

ଏହି ଭିଡିଓକୁ ଆଇପିଏସ୍ ରୁପିନ୍ ଶର୍ମା ତାଙ୍କ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି। ସେ କ୍ୟାପ୍‌ସନ୍‌ରେ ଲେଖିଛନ୍ତି, 'ବାଃ, କି ସନ୍ତୁଳନ! ପୁନର୍ବାର ହିନ୍ଦୁସ୍ତାନୀ ଜୁଗାଦ। ସୋସିଆଲ ମିଡିଆ ବ୍ୟବହାରକାରୀମାନେ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି। ଅନେକ ମଧ୍ୟ ଏହି ପ୍ରତିକ୍ରିୟା ଦେଉଛନ୍ତି। ପ୍ରକାଶଥାଉ ଯେ ସୋସିଆଲ ମିଡିଆରେ ଆଇପିଏସ୍ ରୁପିନ୍ ଶର୍ମା ବହୁତ ସକ୍ରିୟ। ସେ ପ୍ରତିଦିନ କିଛି ନା କିଛି ମଜାଦାର ଭିଡିଓ ଓ ଫଟୋ ସେୟାର କରନ୍ତି। ଜଣେ ଉପଭୋକ୍ତା ଲେଖିଛନ୍ତି, ଆମ ଦେଶରେ ପ୍ରତିଭାର ଅଭାବ ନାହିଁ, କିନ୍ତୁ ସେମାନଙ୍କୁ ସମ୍ମାନ ଦେବା ପାଇଁ କେହି ନାହାଁନ୍ତି। ସେହିପରି ଅନ୍ୟମାନେ କିଛି ପ୍ରଶଂସା କରି ଅନେକ ଉତ୍ସାହଜନକ କମେଣ୍ଟ ଦେଇଛନ୍ତି।

Other Stories