• translate
Pramod Behera

କରୋନା ମହାମାରୀ କାରଣରୁ ଆମ ଜୀବନରେ ଅନେକ କିଛି ବଦଳି ଯାଇଛି। କିଛି ଜିନିଷ ଏପରି ଭାବରେ ବଦଳିଗଲା ଯେ ବର୍ତ୍ତମାନ ଏହା ଏକ ଅଭ୍ୟାସରେ ପରିଣତ ହୋଇଗଲାଣି। ତେବେ ଆଜିର ଏହି ଡିଜିଟାଲ ଯୁଗ ନିଶ୍ଚିତ ଆମ ପାଇଁ ଆଶୀର୍ବାଦ ଯେ ଏହା ମହାମାରୀ ସମୟରେ ଘରେ ରହି କାମ କରିବାକୁ ସୁବିଧା କରିଥିଲା। ସବୁ ଜିନିଷର ଦୁଇଟି ପାର୍ଶ୍ୱ ଥିବା ଭଳି, ଏହାର ମଧ୍ୟ ରହିଛି। ଯଦିଓ ଘରୁ କାମ କରିବାର କିଛି ସୁବିଧା ରହିଛି ସେହିଭଳି କିଛି ଅସୁବିଧା ମଧ୍ୟ ଅଛି। କିନ୍ତୁ ବର୍ତ୍ତମାନ ପରିସ୍ଥିତି ସୁଧାର ଆଡକୁ ଆସୁଥିବାରୁ କର୍ମଚାରୀମାନଙ୍କୁ କାର୍ଯ୍ୟାଳୟକୁ ଡକାଯାଉଛି।

People don’t want to go office, wish to work from homeଲୋକେ ଆଉ ଚାହୁଁ ନାହାନ୍ତି ଅଫିସ୍ ଯିବାକୁ; ଆପଣେଇ ନେଲେଣି ୱାର୍କ ଫ୍ରମ୍ ହୋମ୍

ଏଭଳି ପରିସ୍ଥିତିରେ ଅନେକ ଲୋକ ମଧ୍ୟ ଅଛନ୍ତି ଯେଉଁମାନେ ଏବେ ବି ଘରେ ରହି କାମ କରିବାକୁ ଚାହାଁନ୍ତି। ଅନ୍ୟପକ୍ଷରେ ଏପରି ମଧ୍ୟ ଅନେକ ଲୋକ ଅଛନ୍ତି ଯେଉଁମାନେ ବର୍ତ୍ତମାନ ଘରେ କାମ କରି କରି ବିରକ୍ତ ହୋଇଗଲେଣି, ସେମାନେ ଏବେ ଅଫିସକୁ ଯିବାକୁ ଚାହୁଁଛନ୍ତି। କିନ୍ତୁ ଅଧିକାଂଶ ଏବେ ଘରେ ରହି କାମ କରିବାକୁ ପସନ୍ଦ କରୁଛନ୍ତି। ଏହି କାରଣରୁ ବିଭିନ୍ନ କମ୍ପାନୀର ପରିଚାଳନା କ୍ଷେତ୍ରରେ ଅନେକ ସମସ୍ୟା ଦେଖାଯାଇଛି। ସେମାନେ ଦୀର୍ଘ ଦିନ ଧରି ଘରେ ରହି କାମ କରୁଥିବା କର୍ମଚାରୀଙ୍କୁ କିପରି ଅଫିସକୁ ଡାକିବାକୁ ଯୋଜନା କରିବେ ତାହାକୁ ନେଇ ସେମାନେ ବର୍ତ୍ତମାନ ସମସ୍ୟାରେ ପଡିଛନ୍ତି।

ବିଜନେସ୍ ଷ୍ଟାଣ୍ଡାର୍ଡରେ ପ୍ରକାଶିତ ଏକ ଖବର ଅନୁଯାୟୀ, ଜୁନ୍ ମାସରେ ଆପଲ୍ ମୁଖ୍ୟ ଟିମ୍ କୁକ୍ ତାଙ୍କର ସମସ୍ତ କର୍ମଚାରୀଙ୍କୁ ପଠାଯାଇଥିବା ଏକ ମେଲ୍‌ରେ କହିଛନ୍ତି ଯେ ସେପ୍ଟେମ୍ବର ଆରମ୍ଭରୁ ସେମାନଙ୍କୁ ସପ୍ତାହରେ ଅତି କମରେ ୩ ଦିନ ଅଫିସ୍‌କୁ ଆସିବାକୁ ପଡିବ। ତେବେ ଅଧିକାଂଶ କର୍ମଚାରୀ ଘରେ ରହି କାମ କରିବାକୁ ଇଚ୍ଛା ପ୍ରକାଶ କରୁଥିବାରୁ ଏହାର ପ୍ରତି ଜବାବରେ ସେମାନେ କମ୍ପାନୀର ପରିଚାଳନାକୁ ଏକ ଚିଠି ଲେଖି କହିଛନ୍ତି ଯେ କମ୍ପାନୀର ଅଧିକାଂଶ କର୍ମଚାରୀ ଘରେ ରହି କାମ କରିବାକୁ ଚାହୁଁଛନ୍ତି।

ଏଭଳି ଅବସ୍ଥା କେବଳ ଆପଲ୍ କମ୍ପାନୀର ନୁହେଁ। ଅନେକ ସର୍ବେକ୍ଷଣରେ ଏହା ମଧ୍ୟ ଜଣାପଡିଛି ଯେ ଅଧାରୁ ଅଧିକ ଲୋକ ଘରୁ କାମ କରିବା ସପକ୍ଷରେ ଅଛନ୍ତି। ସେମାନେ ବିଶ୍ୱାସ କରନ୍ତି ଯେ ଅଫିସକୁ ଆସିବା ପାଇଁ ଘଣ୍ଟା ଘଣ୍ଟା ଯାତ୍ରା କରିବା ଅପେକ୍ଷା ଘରୁ କାମ କରିବା ଭଲ। କର୍ମଚାରୀଙ୍କ ଏକ ବଡ ବିଭାଗ ଯେଉଁମାନେ ଘରୁ କାମ କରିବା ସପକ୍ଷରେ ଅଛନ୍ତି ସେମାନେ କୁହନ୍ତି ଯେ ଘରୁ କାମ କରିବା ଅଧିକ ଫଳପ୍ରଦ। କିନ୍ତୁ ଅଫିସ୍‌ର ପରିଚାଳନା ବିଭାଗ ସେମାନଙ୍କୁ କେବଳ ଅଫିସ୍ ଡାକିବାକୁ ଚାହୁଁଛି, କାରଣ ସେ କର୍ମଚାରୀଙ୍କ ଉପରେ ଭରସା କରିପାରୁ ନାହିଁ ବୋଲି ଜଣାଯାଇଛି।

ଅଧିକାଂଶ କର୍ମଚାରୀ ବିଶ୍ କୁହନ୍ତି ଯେ ମ୍ୟାନେଜମେଣ୍ଟ ସେମାନଙ୍କୁ ଅଫିସକୁ ଏଇଥି ପାଇଁ ଡାକୁଛି, କାରଣ ବସ୍ ଚେୟାରରେ ବସିଥିବା ବ୍ୟକ୍ତିମାନେ ବର୍ତ୍ତମାନ ସେମାନଙ୍କର ତଳ କର୍ମଚାରୀଙ୍କ ଉପରେ ନିଜର ପ୍ରାଧାନ୍ୟ ପକେଇବାକୁ ସୁଯୋଗ ପାଉ ନାହାନ୍ତି।

People enjoying work from home with familyଲୋକେ ଉପଭୋଗ କରୁଛନ୍ତି ଘରେ ରହି କାମ କରିବା ନେଇ

ମହାମାରୀ କିଛି ସମୟ ପାଇଁ ଜୀବନର ଧାରାକୁ ବଦଳେଇ ଦେଇଥିଲା। ଯେଉଁଥିରେ ଲୋକମାନେ ଧାଁ ଦୌଡ ଭିତରେ ନିଜ ଜୀବନକୁ ପ୍ରାଥମିକତା ଦେବାକୁ ସୁଯୋଗ ପାଇଥିଲେ। ତାଲାବନ୍ଦ ସମୟରେ ସେମାନେ ନିଜ ପରିବାର ସହ ବସି ଘରେ କାମ କରିବା ଆରମ୍ଭ କରିଥିଲେ। କିଛି ଲୋକ ସହରର କଂକ୍ରିଟ୍ ଜଙ୍ଗଲ ଛାଡି ନିଜ ଗ୍ରାମକୁ ଯାଇ ପ୍ରକୃତି ସହିତ ରହି କାମ କରିବାର ସୁଯୋଗ ପାଇଥିଲେ।

ବର୍ତ୍ତମାନ ସେମାନେ ଏହି ଅଭ୍ୟାସରେ ପଡିଗଲେଣି। ସେମାଙ୍କର କହିବା କଥା ଯେ ଯେତେବେଳେ ଅଫିସ୍ କାମ ଏମିତିରେ ସୁରୁଖୁରୁରେ ହୋଇପାରୁଛି, ତେବେ ସେମାନେ କାହିଁକି ବଡ ସହରରେ ରହି ସେହି ଭିଡ଼ର ଅଂଶ ହେବେ, ଯାହା ସେମାନଙ୍କୁ ନିଜ ଜୀବନ ବିଷୟରେ ଚିନ୍ତା କରିବାକୁ ସମୟ ଦିଏ ନାହିଁ। ଏହା ସହିତ, ଘରୁ କାମ କରିବା ହେତୁ, ଆଜି ଏକ ବଡ଼ ଅଂଶ ଘର ଭଡା ଏବଂ ଦୈନିକ ଅଫିସ୍ ଯାତାୟାତ ଭଡାରୁ ମୁକ୍ତି ପାଇଛନ୍ତି। ଫଳରେ ସେମାନେ ଘରେ ରହି କାମ କରିବାକୁ ଚାହୁଁଛନ୍ତି। ଏହି ସବୁ କାରଣକୁ କମ୍ପାନୀ ପରିଚାଳନା ଓ କର୍ମଚାରୀଙ୍କ ମଧ୍ୟରେ ପରିବେଶ ଏମିତି ହୋଇଯାଇଛି ଯେ ଲୋକେ ବର୍ତ୍ତମାନ ଚାକିରି ଛାଡିବାକୁ ମଧ୍ୟ ଚିନ୍ତା କରୁଛନ୍ତି।

ଆମେରିକାର ଯୁବକମାନଙ୍କ ମଧ୍ୟରେ କରାଯାଇଥିବା ଏକ ସର୍ବେକ୍ଷଣ ଅନୁଯାୟୀ, ୩୯ ପ୍ରତିଶତ ଲୋକ କୁହନ୍ତି ଯେ ଯଦି ଅଫିସ୍ ମ୍ୟାନେଜ୍‌ମେଣ୍ଟ୍‌ ସେମାନଙ୍କୁ ଘରୁ କାମ କରିବାକୁ ଅନୁମତି ଦିଏ ନାହିଁ, ତେବେ ଏହି କ୍ଷେତ୍ରରେ ସେମାନେ ଚାକିରୀ ଛାଡିବାକୁ ବାଧ୍ୟ ହେବେ। ନ୍ୟୁଜ୍ ଏଜେନ୍ସି ବ୍ଲୁମ୍‌ବର୍ଗ ଦ୍ୱାରା କରାଯାଇଥିବା ଏକ ସର୍ଭେରେ ଏହା ଜଣାପଡିଛି ଯେ ନୂଆ ପିଢିର କର୍ମଚାରୀଙ୍କ ମଧ୍ୟରେ ଏହି ସଂଖ୍ୟା ୪୯ ପ୍ରତିଶତ ଥିଲା। ଏହି ଆକଳନଗୁଡିକ ସ୍ପଷ୍ଟ ଭାବରେ ଦର୍ଶାଉଛି ଯେ ସେହି କମ୍ପାନୀଗୁଡିକ ଯେଉଁମାନେ ନିଜ କର୍ମଚାରୀଙ୍କୁ କାର୍ଯ୍ୟାଳୟକୁ ଡାକିବାକୁ ଚାହାଁନ୍ତି, ସେମାନଙ୍କୁ ବର୍ତ୍ତମାନ ଗମ୍ଭୀରତାର ସହ ଚିନ୍ତା କରିବାକୁ ପଡିବ।

Other Stories