• translate
Satyendu Shekher Mishra

ବରଗଡ଼: ମାଆ ରୋଗିଣା ହୋଇଗଲା ବୋଲି ଜଙ୍ଗଲରେ ଛାଡ଼ିଦେଲା ସନ୍ତାନ । ଭୁଲିଗଲା ନିଜ ମାଆର ମମତା । କେତେ ଅଝଟ ସହିଥିଲା ସେହି ମାଆ । ହେଲେ ଆଜି ସାମାନ୍ୟ ରୋଗ ପାଇଁ ମାଆର ମମତାକୁ ଭୁଲି, ଜଙ୍ଗଲରେ ଛାଡ଼ିଦେଲା ନିଷ୍ଠୁର ସନ୍ତାନ । ମା’ ଚିକିତ୍ସା କରିବା ପରିବର୍ତ୍ତେ ଯେଉଁ ସନ୍ତାନ ତାକୁ ଜଙ୍ଗଲରେ ଛାଡ଼ି ପାରୁଛି, ସେ କେତେ ଯେ ନିଷ୍ଠୁର ହୋଇଥିବ ତାହା ସ୍ପଷ୍ଟ ଅନୁମେୟ । ବରଗଡ଼ ସୀମାନ୍ତ ବାରପାହାଡ଼ ଜଙ୍ଗଲରୁ ସେହି ୮୦ ବର୍ଷୀୟ ବୃଦ୍ଧାଙ୍କୁ ଉଦ୍ଧାର କରିଛି ସାମାଜିକ ସଂଗଠନ ସଂକଳ୍ପ ପରିବାର । ବୃଦ୍ଧାଙ୍କୁ ଏବେ ବରଗଡ଼ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ସେଠାରେ ତାଙ୍କର ଚିକିତ୍ସା ଚାଲିଛି ।

Women Rescued From JungleWomen Rescued From Jungle

ଏହି ଘଟଣା ହେଉଛି ବରଗଡ଼ ଜିଲ୍ଲା ଅତାବିରା ଥାନା ଘନଘାଟି ଗାଁର । ୮୦ ବର୍ଷୀୟ ମହିଳାଙ୍କ ମୁଣ୍ଡରେ ଏକ ଘାଆ ହୋଇଥିଲା । ହାତରେ ଧଳା ଦାଗ ବି ହୋଇଥିଲା । ଏହି କାରଣରୁ ଗାଁ ଲୋକେ ଓ ଜାତି ସମାଜ ତାଙ୍କ ପରିବାରକୁ ବାସନ୍ଦ କରିଥିଲେ । ବୃଦ୍ଧ ମହିଳାଙ୍କୁ ଘରୁ ବାହାର କରିବା ପାଇଁ କିଛି ଗ୍ରାମବାସୀ ଉକ୍ତ ପରିବାର ଉପରେ ଏକ ପ୍ରକାର ଚାପ ପ୍ରୟୋଗ କରିଥିଲେ । ଏନେଇ ସ୍ଥାନୀୟ ଲୋକଙ୍କ ପକ୍ଷରୁ ମଧ୍ୟ ସୂଚନା ମିଳିଛି ।

ଅନ୍ୟପଟେ ପରିବାର ଲୋକ ମହିଳାଙ୍କ ଚିକିତ୍ସା କରିବା ବଦଳରେ, ଗାଁ ଲୋକଙ୍କ ଚାପରେ ପଡ଼ି, ତାଙ୍କୁ ଜଙ୍ଗଲରେ ଛାଡ଼ି ଦେଇଥିଲେ । ସେଠାରେ ପ୍ରବଳ ବର୍ଷା ମାଡ଼ ଖାଇ ବୃଦ୍ଧ ମହିଳା ଜଣକ ପ୍ରାୟ ୧୪୫ ଦିନ ଧରି ସେମିତି ଭୋକ ଉପାସରେ ଜଙ୍ଗଲରେ ପଡ଼ିରହିଥିଲେ । ଏମିତିକି ଜଙ୍ଗଲରେ ହିଂସ୍ର ଜନ୍ତୁ ରହୁଥିବା ମଧ୍ୟ ସ୍ଥାନୀୟ ଲୋକଙ୍କ ପକ୍ଷରୁ ସୂଚନା ରହିଛି ।

ଘଟଣା ଘଟିବାର ପ୍ରାୟ ୧୫ ଦିନ ପରେ ବରଗଡ଼ର ଏକ ସାମାଜିକ ସଂଗଠନ ସଂକଳ୍ପ ପରିବାର ପାଖରେ ଖବର ପହଞ୍ଚିଥିଲା । ଖବର ପାଇ ସଂଗଠନର ସଦସ୍ୟମାନେ ଘଟଣାସ୍ଥଳରେ ପହଞ୍ଚି ବୃଦ୍ଧାଙ୍କୁ ଜଙ୍ଗଲରୁ ଉଦ୍ଧାର କରିଥିଲେ । ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରିଛନ୍ତି । ବୃଦ୍ଧାଙ୍କୁ ସ୍ୱାସ୍ଥ୍ୟବସ୍ଥା ସମ୍ପୂର୍ଣ୍ଣ ଭଲ ନଥିବା ଜଣାପଡ଼ିଛି ।

Other Stories

  • kotia-33
    Miscellaneous କୋଟିଆରେ ଆନ୍ଧ୍ର ନିର୍ବାଚନର ଫଳାଫଳ, YSRର ବାଜିମାତ୍‌

    କୋଟିଆରେ ଆନ୍ଧ୍ରପ୍ରଦେଶ କରାଇଥିବା ନିର୍ବାଚନର ଫଳାଫଳ ଘୋଷଣା ହୋଇଛି । ଗଞ୍ଜେଇପଦର ପଞ୍ଚାୟତ ପାଇଁ ହୋଇଥିବା ନିର୍ବାଚନରେ YSR କଂଗ୍ରେସର ପ୍ରାର୍ଥୀ ମାଜି ଆପ୍ପାଲମ୍ମା ବିଜୟୀ ହୋଇଛନ୍ତି ।

  • BJD leader Pranaya Sahoo
    Crime ବିଜେଡି ନେତା ପ୍ରଣୟ ସାହୁଙ୍କ ବିରୋଧରେ ମାମଲା

    ଗତ ୧୬ ତାରିଖରେ ଗାଇସିଲେଟ୍ ଥାନାକୁ ଯାଇ ଥାନା ଅଧିକାରୀଙ୍କୁ ଧମକ ଚମକ କରିଥିବା ଅଭିଯୋଗ ହୋଇଥିଲା। ଏହି ଘଟଣା ପରେ ଆଜି ମାମଲା ରୁଜୁ ହୋଇଥିବାବେଳେ ବରଗଡ଼ ଏସ୍‌ପି ରାହୁଲ ଜୈନ କହିଛନ୍ତି, ଜଣେ ଡିଏସପି ପାହ୍ୟାର ଅଧିକାରୀଙ୍କ ଦ୍ୱାରା...

  • Engineering
    Education ଆସନ୍ତା ଶିକ୍ଷା ବର୍ଷରୁ ଓଡ଼ିଆରେ ଇଞ୍ଜିନିୟରିଂ

    ଆସନ୍ତା ଶିକ୍ଷା ବର୍ଷରୁ ଓଡ଼ିଆରେ ପଢାଯିବ ଇଞ୍ଜିନିୟରିଂ ଶିକ୍ଷା । ଏନେଇ AICTE ପକ୍ଷରୁ ମିଳିଛି ଗ୍ରୀନ୍ ସିଗନାଲ୍ । ନିକଟରେ ଅଲ୍ ଇଣ୍ଡିଆ କାଉନ୍‌ସିଲ୍ ଫର୍ ଟେକ୍ନିକାଲ ଏଜୁକେସନ, AICTE ଏବଂ ରାଜ୍ୟ ଭିତରେ ଏକ ବୈଠକ...

  • Pipili byelection
    Politics କାହାକୁ ମିଳିବ ପିପିଲିବାସୀଙ୍କ ଆଶୀର୍ବାଦ?

    ବିଜେଡି, ବିଜେପି ଓ କଂଗ୍ରେସ୍ ନିଜ ନିଜର ୨୦ ଜଣିଆ ଷ୍ଟାର କ୍ୟାମ୍ପେନର୍ ତାଲିକା ପ୍ରକାଶ କରିସାରିଛନ୍ତି। ସବୁ ଦଳର ଷ୍ଟାର କ୍ୟାଂପେନର୍ ଓ ହେଭିେଓ୍ୱଟ୍ ନେତାମାନେ ପ୍ରଚାର ମୈଦାନକୁ ଖୁବ୍ ଶୀଘ୍ର ଓହ୍ଲାଇବେ କିନ୍ତୁ ପ୍ରଚାରରେ...