• translate
Rajalaxmi Sahoo

ଷ୍ଟେଟ୍‌ ବ୍ୟାଙ୍କ୍‌ ଅଫ୍‌ ଇଣ୍ଡିଆ(SBI) ଖାଲି ପଡ଼ିଥିବା ୨,୦୫୬ଟି  Probationary Officers (PO) ପଦବୀ ପାଇଁ ବିଜ୍ଞପ୍ତି ପ୍ରକାଶ କରିଛି। SBI ଅଫିସିଆଲ୍‌ ୱେବ୍‌ସାଇଟ୍‌-sbi.co.inର କ୍ୟାରିୟର ସେକ୍ସନରେ ଖାଲି ପଡ଼ିଥିବା ପଦବୀ ନେଇ ବିଜ୍ଞପ୍ତି ପ୍ରକାଶ କରିଛି। ଇଚ୍ଛୁକ/ ଆଶାୟୀ ପ୍ରାର୍ଥୀ ଅକ୍ଟୋବର ୨୫ ସୁଦ୍ଧା ଅନ୍‌ଲାଇନ୍‌ରେ ଆବେଦନ କରିପାରିବେ। 

ଖାଲି ପଡ଼ିଥିବା ଜେନେରାଲ କ୍ୟାଟେଗୋରୀ ପାଇଁ ୮୧୦, ଏସ୍‌ସି କ୍ୟାଟେଗୋରୀ ପାଇଁ ୬୦, ଏସ୍‌ଟି କ୍ୟାଟେଗୋରୀ ପାଇଁ ୧୬୨, ଓବିସି କ୍ୟାଟେଗୋରୀ ପାଇଁ ୫୬୦ ଓ ଇକୋନୋମିକାଲି ୱିକର ସେକ୍ସନ ପାଇଁ ୨୦୦ ପଦବୀ ପାଇଁ ବିଜ୍ଞପ୍ତି ପ୍ରକାଶ ପାଇଛି।  ଆଜିଠୁ ଅନ୍‌ଲାଇନ୍‌ ରେଜିଷ୍ଟ୍ରେସନ ଆରମ୍ଭ ହୋଇଥିବା ଅନ୍‌ଲାଇନ୍‌ ରେଜିଷ୍ଟ୍ରେସନର ଶେଷ ତାରିଖ ଅକ୍ଟୋବର ୨୫ ରହିଛି। 

ପ୍ରାର୍ଥୀଙ୍କ ବୟସ ୨୧ ବର୍ଷରୁ କମ୍‌ ଓ ୩୦ ବର୍ଷରୁ ଅଧିକ ହୋଇନଥିବା ଆବଶ୍ୟକ। ଏସ୍‌, ଏସ୍‌ଟି, ଓବିସି, PWD ଓ Ex-Servicemen ପ୍ରାର୍ଥୀଙ୍କ ବୟସ ସୀମାରେ କୋହଳ କରାଯାଇଛି। ଇଚ୍ଛୁକ/ ଆଶାୟୀ ପ୍ରାର୍ଥୀ ଏକ ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟରୁ ଯେକୌଣସି ବିଷୟରେ ଗ୍ରାଜୁଏସନ୍‌ କରିଥିବା ଆବଶ୍ୟକ। ଅଧିକ ସୂଚନା ପାଇଁ SBI PO Recruitment ଲିଙ୍କ୍‌ରେ କ୍ଲିକ୍‌ କରନ୍ତୁ।

Other Stories