ବ୍ୟାଙ୍କ ଆଗରେ ଆଫଗାନବାସୀଙ୍କ ଲମ୍ବା ଧାଡ଼ି, ସେପଟେ ଆଶା ଆଶଙ୍କାରେ ମହିଳା

ଆଫଗାନିସ୍ତାନରୁ ଆମେରିକୀୟ ସୈନ୍ୟ ପ୍ରତ୍ୟାହାର ହେବାର ଦିନକ ପରେ ଦେଶର ବିଭିନ୍ନ ସ୍ଥାନରେ ତାଲିବାନ ଓ ଏହାର ସମର୍ଥକମାନେ ଉତ୍ସବ ମନାଇଛନ୍ତି । ଦୀର୍ଘ ୨୦ ବର୍ଷ ପରେ ଆଫଗାନ ଆମେରିକା ସେନା କବଳରୁ ମୁକ୍ତ ହୋଇଥିବା ନେଇ ତାଲିବାନ ଓ ସମର୍ଥକ ଖୁସି ମନାଇଛନ୍ତି । ସେପଟେ ଆଫଗାନବାସୀ ନିଜର ଭବିଷ୍ୟତକୁ ନେଇ ଆଶଙ୍କା ପ୍ରକାଶ କରିଛନ୍ତି । 

ସଂପୂର୍ଣ୍ଣ ଭାବେ ଆମେରିକୀୟ ସୈନ୍ୟ ପ୍ରତ୍ୟାହାର ପରେ ଆଜି ସକାଳେ ଆଫଗାନିସ୍ତାନବାସୀଙ୍କ ମନରେ ଭୟ ଦେଖିବାକୁ ମିଳିଥିଲା । ସକାଳୁ ସକାଳୁ ବିଭିନ୍ନ ବ୍ୟାଙ୍କ ଓ ଏଟିଏମ୍‌ରେ ପ୍ରବଳ ଗହଳି ଦେଖିବାକୁ ମିଳିଥିଲା । ପାଖରେ ନଗଦ ଟଙ୍କା ଅଭାବ ଆଶଙ୍କା କରି ଲୋକମାନେ ଟଙ୍କା କାଢ଼ି ନେଉଥିଲେ । ଆମେରିକା ସୈନ୍ୟ ପଳାଇବା ପରେ ସେମାନଙ୍କ ଭବିଷ୍ୟତ କଣ ହେବ ସେନେଇ ଆଫଗାନବାସୀ ଏବେ ଆଶଙ୍କା ପ୍ରକାଶ କରିଛନ୍ତି । ସଂଧ୍ୟାବେଳେ ମହିଳାମାନେ ଘରୁ ଗୋଡ଼ କାଢ଼ିବାକୁ ଭୟ କରୁଥିବା ଦେଖିବାକୁ ମିଳିଛି । ବିଶେଷ କରି ତାଲିବାନ ଶାସନ ଅମଳରେ ମହିଳାଙ୍କ ଭାଗ୍ୟ କଣ ହେବ ସେନେଇ ସମସ୍ତେ ଚିନ୍ତିତ ଅଛନ୍ତି ।

Also Read

ଦୁଇ ଡୋଜ୍ ଟିକା ପରେ ବି ଫରାହ ଖାନ୍ ହେଲେ କରୋନା ପଜିଟିଭ୍

ଅଭିନେତ୍ରୀ ସାଇରା ବାନୁଙ୍କ ସ୍ୱାସ୍ଥ୍ୟ ଅବସ୍ଥା ଖରାପ, ଆଇସିୟୁରେ ଭର୍ତ୍ତି

ମଧୁବାଲାଙ୍କ ବାୟୋପିକରେ କାମ କରିବାକୁ ଚାହାନ୍ତି କୃତି

ସେପଟେ ପଞ୍ଜଶିର ଦଖଲ ପାଇଁ ଉଦ୍ୟମ ବେଳେ ନର୍ଦର୍ଣ୍ଣ ଆଲାଏନ୍ସ ଓ ତାଲିବାନୀ ସୈନ୍ୟଙ୍କ ମଧ୍ୟରେ ଜୋରଦାର ଲଢ଼େଇ ହୋଇଛି । ଏଥିରେ ୩୫୦ ଜଣ ତାଲିବାନ ସୈନ୍ୟ ପ୍ରାଣ ହରାଇଛନ୍ତି । ଏହାଛଡ଼ା ୪୦ ଜଣ ତାଲିବାନ ସୈନ୍ୟଙ୍କୁ ନର୍ଦର୍ଣ୍ଣ ଆଲାଏନ୍ସ ଯବାନମାନେ ବନ୍ଧକ ରଖିଥିବା ଜଣାପଡ଼ିଛି । ଖାବକ ସେରରେ ତାଲିବାନୀମାନେ ପ୍ରବେଶ ପାଇଁ ଉଦ୍ୟମ ବେଳେ ପ୍ରତିରୋଧର ସାମନା କରିଥିଲେ ।

ସେହିପରି ଗୁଲବାହର ରାସ୍ତାରେ ପ୍ରବେଶ ଲାଗି ଚେଷ୍ଟା କରୁଥିବା ବେଳେ ତାଲିବାନୀ ସୈନ୍ୟଙ୍କୁ ପ୍ରତିରୋଧ କରିଛନ୍ତି ନର୍ଦର୍ଣ୍ଣ ଆଲାଏନ୍ସ । ଖାବକ ସେରରେ ବିଫଳତା ପରେ ଗୁଲବାହର ରାସ୍ତାରେ ପଞ୍ଜଶିରକୁ ପ୍ରବେଶ ଲାଗି ତାଲିବାନୀ ଚେଷ୍ଟା କରିଥିଲେ । ହେଲେ ନର୍ଦର୍ଣ୍ଣ ଆଲାଏନ୍ସ ଏଠାରେ କଡ଼ା ଜବାବ ଦେଇଛି ।