ଆତଙ୍କବାଦୀଙ୍କ ନିରାପଦ ଆଶ୍ରୟସ୍ଥଳ ପାଲଟିବନି ତ ଆଫଗାନିସ୍ତାନ ? ସାରା ବିଶ୍ୱ ପାଇଁ ବିପଦ !

ତାଲିବାନ ରାଜୁତିରେ ଆତଙ୍କବାଦୀଙ୍କ ନିରାପଦ ଆଶ୍ରୟସ୍ଥଳ ପାଲଟିବନି ତ ଆଫଗାନିସ୍ତାନ ? ତାଲିବାନର ପୃଷ୍ଠପୋଷକତାରେ ସାରା ବିଶ୍ୱପ୍ରତି ବିପଦ ସୃଷ୍ଟି କରିବେନି ତ ଆତଙ୍କୀ ? ଯଦିଓ ଅନ୍ୟ କୌଣସି ଦେଶ ବିରୁଦ୍ଧରେ ଆଫଗାନିସ୍ତାନ ମାଟିକୁ ବ୍ୟବହାର ଲାଗି ଅନୁମତି ଦିଆଯିବନି ବୋଲି କହିଛି ତାଲିବାନ । ତେବେ ବର୍ବର ତାଲିବାନର ପ୍ରତିଶ୍ରୁତି ଉପରେ ବିଶ୍ୱାସ କରିବା ବୃଥା ।

Also Read

କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ କମନ୍‌ମ୍ୟାନ୍ ଅନ୍ଦାଜ, ଦେଖନ୍ତୁ ଭିଡିଓ

ଥମୁନି କନ୍ଦଳ, ତାରା କହିଲେ ନିରଞ୍ଜନଙ୍କ ବିରୋଧରେ ଲଢ଼େଇ ଜାରି ରହିବ

ଏଣିକି ବ୍ଲକରେ ହେବ ପଞ୍ଚାୟତ ନିର୍ବାଚନ ଭୋଟ ଗଣତି

ଏପଟେ କାବୁଲ କବ୍‌ଜା ପରେ ଆତଙ୍କୀ ସଂଗଠନଙ୍କ ଲାଗି ଆଦର୍ଶ ପାଲଟିଛି ତାଲିବାନ । ସୋଭିଏତ୍ ଋଷ ହେଉ କି ଆମେରିକା, ନିରନ୍ତର ସଂଘର୍ଷ ଦ୍ୱାରା ବୃହତ ଶକ୍ତିଙ୍କୁ ଚକ୍‌ମା ଦେଇ କ୍ଷମତା ହାସଲ ସମ୍ଭବ ବୋଲି ତାଲିବାନ ବିଶ୍ୱାସ ଜନ୍ମାଇ ପାରିଥିବା କହିଛନ୍ତି ବିଶେଷଜ୍ଞ । ଅଲ-କାଏଦା ସହ ତାଲିବାନର ଯୁଗଳବନ୍ଦୀ ବିଶ୍ୱ ପାଇଁ ପୁଣି ଘୋର ବିପଦ ସୃଷ୍ଟି କରିପାରେ । କାବୁଲ ବିଜୟ ପାଇଁ ତାଲିବାନକୁ ଶୁଭେଚ୍ଛା ଜଣାଇଛି ଆରବ ଭୁଖଣ୍ଡର ଅଲକାଏଦା ସଂଗଠନ । ସେହିପରି ତାଲିବାନକୁ ସିରିଆର ହାୟତ୍-ତାହାରିର୍-ଅଲ୍-ସାମ୍ ଓ ଚୀନର ତୁର୍କିସ୍ତାନ ଇସ୍ଲାମିକ୍ ପାର୍ଟି ଭଳି ଅନ୍ୟ  ମୌଲବାଦୀ ସଂଗଠନଙ୍କ ସମର୍ଥନ ଶୁଭ ସଂକେତ ନୁହେଁ ବୋଲି କୁହାଯାଉଛି ।

ଏପଟେ ତାଲିବାନର ପୁନଃ ଉତ୍ଥାନ ଭାରତର ଆଭ୍ୟନ୍ତରୀଣ ସୁରକ୍ଷା ପ୍ରତି ବଡ଼ ଚ୍ୟାଲେଞ୍ଜ ସୃଷ୍ଟି କରିପାରେ । ପାକିସ୍ତାନସ୍ଥିତ ଆତଙ୍କବାଦୀ ସଂଗଠନ ଜୈସ-ଏ-ମହମ୍ମଦ ଓ ଲସ୍କର-ଏ-ତାଏବା ସହ ରହିଛି ତାଲିବାନର ନିବିଡ ସଂପର୍କ । କାଶ୍ନୀର ଦ୍ୱିକ୍ଷାକ୍ଷିକ ପ୍ରସଙ୍ଗ ଓ ତାଲିବାନ ଫୋକସରେ ଏହା ନଥିବା ଆତଙ୍କୀ ସଂଗଠନ ସ୍ପଷ୍ଟୀକରଣ ଦେଇଛି । ତେବେ ପାକିସ୍ତାନ ସେନା ଓ ଆଇଏସଆଇ ଦ୍ୱାରା ପରିଚାଳିତ ତାଲିବାନ ଉପରେ ଭରସା କରିବା ମୁର୍ଖାମୀ ବ୍ୟତିତ ଆଉ କିଛି ହୋଇନପାରେ ।

ତେଣେ ଆମେରିକା ଯିବା ପରେ ବଢିଛି ତାଲିବାନର ଶକ୍ତି । ଆମେରିକା ସୈନ୍ୟ ଛାଡି ଯାଇଥିବା ବହୁ ଅତ୍ୟାଧୁନିକ ଅସ୍ତ୍ରଶସ୍ତ୍ର ଏବେ ତାଲିବାନ ହାତରେ । ଆମେରିକା ଆଫଗାନିସ୍ତାନ ସେନାକୁ ଦେଇଥିବା ୨ ହଜାରରୁ ଅଧିକ ସାଞ୍ଜୁଆ ଗାଡ଼ି, ହେଲିକପଟର, ଡ୍ରୋନ, M-16 ସମେତ ୬ଲକ୍ଷରୁ ଅଧିକ ଅତ୍ୟାଧୁନିକ ବନ୍ଧୁକ, ଦେଢ ଲକ୍ଷରୁ ଅଧିକ ଯୋଗାଯୋଗ ଯନ୍ତ୍ରପାତି ଏବଂ ଲକ୍ଷେ ୬୦ ହଜାରରୁ ଅଧିକ ନାଇଟ୍-ଭିଜନ ଉପକରଣ ଏବେ ତାଲିବାନ କବ୍‌ଜାରେ । ଭାରତ ବିରୋଧୀ କାର୍ଯ୍ୟକଳାପରେ ତାଲିବାନ ସିଧାସଳଖ ସଂପୃକ୍ତ ନହେଲେ ମଧ୍ୟ ଏସବୁ ଅତ୍ୟାଧୁନିକ ଅସ୍ତ୍ରଶସ୍ତ୍ର ଲସ୍କର ଓ ଜୈସ ଆତଙ୍କବାଦୀଙ୍କ ହାତରେ ଲାଗିବା ଆଶଙ୍କାକୁ ଏଡାଇ ହେବନି । ଏହାହେଲେ ଭାରତୀୟ ସୁରକ୍ଷାକର୍ମୀଙ୍କ ପ୍ରତି ବଡ଼ ବିପଦ ସୃଷ୍ଟି ହେବ ।

Also Read

ନିଜକୁ ଶ୍ରମ କର୍ମଚାରୀ କହି ଲୁଟି ନେଲେ ହଜାର ହଜାର ଟଙ୍କା

ପିଲାଙ୍କ ଉପରେ ପରୀକ୍ଷଣ ହେବ ଜନ୍‌ସନ୍‌ ଆଣ୍ଡ ଜନ୍‌ସନ୍‌ ସିଙ୍ଗିଲ୍ ଡୋଜ୍ ଟିକା

ବିଗ୍‌ ବସ୍‌-୧୫ ପ୍ରୋମୋରେ ଅଭିନେତ୍ରୀ ରେଖା

ଆତଙ୍କୀ ସଂଗଠନ ତାଲିବାନ ଭାରତ ପ୍ରତି ସବୁବେଳେ ଶତ୍ରୁତା ପ୍ରଦର୍ଶନ କରିଆସିଛି । ୧୯୯୯ରେ ତାଲିବାନ କ୍ଷମତାରେ ଥିବା ବେଳେ ହିଁ ଆତଙ୍କବାଦୀ ଇଣ୍ଡିଆନ ଏୟାରଲାଇନ୍ସ ବିମାନ ଆଇସି-୮୧୪ ଅପହରଣ କରି କାନ୍ଦାହାର ନେବା ସହ ମାସୁଦ୍ ଆଝାର ସମେତ ୩ କୁଖ୍ୟାତ ଆତଙ୍କୀଙ୍କୁ ଖସାଇ ନେବାରେ ସଫଳ ହୋଇଥିଲେ । ୨୦୦୮ରେ କାବୁଲ ସ୍ଥିତ ଭାରତୀୟ ଦୂତାବାସ ଉପରେ ଆତ୍ମଘାତୀ ଆକ୍ରମଣ ହେଉ କି ନିୟମିତ ଭାବେ ସେଠାରେ କାର୍ଯ୍ୟରତ ଭାରତୀୟ ନାଗରୀକଙ୍କୁ ଅପହରଣ ଓ ହତ୍ୟା । ତାଲିବାନ ସବୁବେଳେ ଭାରତ ବିରୋଧୀ ଆଭିମୁଖ୍ୟ ରଖିଥିବାରୁ ଆଗକୁ ଏଥିରେ ପରିବର୍ତ୍ତନ ସମ୍ଭାବନା କମ୍ ବୋଲି କୁହାଯାଉଛି ।