• translate
Satyendu Shekher Mishra

ଇଣ୍ଡୋନେସିଆର ପୂର୍ବତନ ରାଷ୍ଟ୍ରପତି ସୁକର୍ଣ୍ଣୋଙ୍କ ଝିଅ ସୁକ୍‌ମାବତୀ ସୁକର୍ଣ୍ଣୋପୁତ୍ରୀ ସମସ୍ତ ନୀତିକାନ୍ତି ସହ ହିନ୍ଦ ଧର୍ମ ଗ୍ରହଣ କରିଛନ୍ତି । ସେ ଇସ୍‌ଲାମ୍‌ ଧର୍ମ ଛାଡ଼ି ହିନ୍ଦୁ ଧର୍ମ ଗ୍ରହଣ କରିଛନ୍ତି । ଯାହାକି ଏବେ ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି । ଜଣେ ପୂର୍ବତନ ରାଷ୍ଟ୍ରପତିଙ୍କ ଝିଅର ଏଭଳି ଧର୍ମ ପରିବର୍ତ୍ତନ ନିଷ୍ପତି ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସବୁଠାରୁ ବଡ଼ ଆଶ୍ଚର୍ଯ୍ୟର କଥା ହେଲା, ସେ ଇଣ୍ଡୋନେସିଆର ମୂଳବାସିନ୍ଦା ହୋଇଥିବା ବେଳେ ଇସ୍‌ଲାମ୍‌ ଧର୍ମ ଛାଡ଼ି ହିନ୍ଦୁତ୍ୱକୁ ପସନ୍ଦ କରିଛନ୍ତି ଆଉ ହିନ୍ଦୁ ଧର୍ମ ଗ୍ରହଣ କରିଛନ୍ତି । କାରଣ ଇଣ୍ଡୋନେସିଆରେ ଇସ୍‌ଲାମ୍‌ ଧର୍ମକୁ ମାନୁଥିବା ଲୋକଙ୍କ ସଂଖ୍ୟା ସବୁଠାରୁ ଅଧିକ । ଏହି ଦେଶରେ ବିଶ୍ୱର ସବୁଠାରୁ ଅଧିକ ମୁସଲିମ୍‌ ଲୋକ ରହିଥାନ୍ତି ।

କୁହାଯାଉଛି ଯେ, ସୁକ୍‌ମାବତୀ ହିନ୍ଦୁ ଧର୍ମ ବିଷୟରେ ସବୁ କିଛି ଜାଣିବା ପରେ, ତଥା ହିନ୍ଦୁ ଧର୍ମ ବିଷୟରେ ଅନେକ ଅଧ୍ୟୟନ କରିବା ପରେ ସେ ଏହି ନିଷ୍ପତ୍ତି ନେଇଛନ୍ତି । ଅନେକ ଅଧ୍ୟୟନ ପରେ ସେ ହିନ୍ଦୁ ଧର୍ମ ପ୍ରତି ସମ୍ପୂର୍ଣ୍ଣରୂପେ ଆକୃଷ୍ଟ ହୋଇଥିଲେ । ଆଉ ଏବେ ସ୍ୱଇଚ୍ଛାରେ ହିନ୍ଦୁତ୍ୱକୁ ଆଦରି ନେଇଛନ୍ତି । ପୂର୍ବରୁ ଅନେକ ହିନ୍ଦୁ ଧର୍ମ ସଂପର୍କିତ ସମାରୋହରେ ସେ ଭାଗ ନେଇଥିଲେ । ପରେ ଅନେକ ହିନ୍ଦୁ ଧର୍ମଗୁରୁଙ୍କ ସହ ଆଲୋଚନା ମଧ୍ୟ କରିଥିଲେ । ଧର୍ମ ପରିବର୍ତ୍ତନକୁ ନେଇ ତାଙ୍କ ଭାଇ ଭଉଣୀ ଓ ପୂରା ପରିବାର ସମର୍ଥନ ଜଣାଇଥିଲେ ।

ବାଲିର ସୁକର୍ଣ୍ଣୋ ସେଣ୍ଟର ଅଫ୍‌ ହେରିଟେଜ୍‌ରେ ଆୟୋଜିତ ଏକ ପାରମ୍ପରିକ କାର୍ଯ୍ୟକ୍ରମରେ ସୁକ୍‌ମାବତୀ ହିନ୍ଦୁ ଧର୍ମ ଗ୍ରହଣ କରିଛନ୍ତି । ଏହି କାର୍ଯ୍ୟକ୍ରମରେ ତାଙ୍କର ପରିବାର ଓ ଅନେକ ପ୍ରିୟଜନ ତଥା ସମ୍ପର୍କୀୟ ସାମିଲ ହୋଇ ତାଙ୍କୁ ଆଶୀର୍ବାଦ କରିଛନ୍ତି । ତେବେ ସୁକ୍‌ମାବତୀ ହିନ୍ଦୁ ଧର୍ମ ଗ୍ରହଣ କରିବା ପଛରେ ତାଙ୍କର ଜେଜେ ମାଆଙ୍କ ଏକ ବଡ଼ ଅବଦାନ ରହିଛି । ସୁକ୍‌ମାବତୀଙ୍କ ଏହି ଭବ୍ୟ କାର୍ଯ୍ୟକ୍ରମରେ ତାଙ୍କ ପୁଅ ଓ ମହମ୍ମଦ ପୁତ୍ର ଅଲ୍‌ ହାଦଦ ମଧ୍ୟ ଉପସ୍ଥିତ ଥିଲେ । କଡ଼ା ସୁରକ୍ଷା ବଳୟ ମଧ୍ୟରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ୭୦ ବର୍ଷୀୟ ସୁକ୍‌ମାବତୀ ହେଉଛନ୍ତି ସୁକର୍ଣ୍ଣୋଙ୍କ ତିନି ନମ୍ବର ଝିଅ ଏବଂ ପୂର୍ବତନ ରାଷ୍ଟ୍ରପତି ମେଘାବତୀ ସୁକର୍ଣ୍ଣୋପୁତ୍ରୀଙ୍କ ସାନ ଭଉଣୀ ।

୨୦୧୮ ମସିହାରେ ତାଙ୍କ ବିରୋଧରେ ଇସ୍‌ଲାମ ଧର୍ମକୁ ଅପମାନ କରାଯାଇଥିବା ଅଭିଯୋଗ ହୋଇଥିଲା । ସେ ଇସ୍‌ଲାମ୍‌ ଧର୍ମକୁ ଅପମାନ ଦେବା ଭଳି କବିତା ପାଠ କରିଥିଲେ । ତେଣୁ ସେତେବେଳେ ତାଙ୍କୁ ଅନେକ ସମାଲୋଚନାର ଶିକାର ହେବାକୁ ପଡ଼ିଥିଲା । ଏହାପରେ ସେ ଏହି ଘଟଣା ପାଇଁ କ୍ଷମା ପ୍ରାର୍ଥନା ମଧ୍ୟ କରିଥିଲେ ବୋଲି ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇଥିଲା ।

Other Stories

  • Article on Corona
    Literature & Culture କରୋନା : ବିଷାଦ ଓ ବିଭୀଷିକା

    କରୋନା ବିଗାଡିଦେଇଛି ଜନ ଜୀବନର ପ୍ରାକୃତିକ ଚଳଣି। ବିଶ୍ୱ ହୋଇଯାଇଛି ଓଲଟ ପାଲଟ। କେଉଁଠି ସଧବା ମଥାରୁ ଲିଭିଯାଇଛି ସିନ୍ଦୂର ତ ପୁଣି କେଉଁଠି ଅନାଥ ହୋଇଯାଇଛି ଦୁନିଆକୁ ନ ଜାଣିଥିବା ଅବୋଧ ଶିଶୁ। ଅନେକଙ୍କ ମାନସିକ...

  • Bar
    Miscellaneous ରଙ୍ଗଶାଳାର ରଙ୍ଗ ଛାଡ଼ିଗଲା, ବାରରେ ଝୁଲିଲା ତାଲା

    ଚାଲିଥିଲା ନାଚଗୀତ। ଖୁଲମଖୁଲା ହେଉଥିଲା ବେପାର। ମସଗୁଲ ହୋଇ ମଦ ପିଉଥିଲେ ମଦ୍ୟପ। ହଠାତ ରଙ୍ଗଶାଳାର ଝକିମିକି ଲାଇଟ ଲିଭିଗଲା। କେହି କିଛି ବୁଝିବା ପୂର୍ବରୁ ଆରମ୍ଭ ହୋଇଗଲା ଚଢାଉ। ମନୀଷ ହତ୍ୟାକାଣ୍ଡ ପରେ ସ୍କାନରରେ ବାର।...

  • Similipal National Park
    Miscellaneous ନଭେମ୍ବର ୧ରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ

    ପର୍ଯ୍ୟଟକ ମାନଙ୍କ ପାଇଁ ଖୁସିର ଖବର । ଆସନ୍ତା ଏକ ତାରିଖରୁ ଖୋଲିବ ଶିମିଳିପାଳ ଅଭୟାରଣ୍ୟ । ପ୍ରତିବର୍ଷ ବର୍ଷା ଋତୁରେ ରାସ୍ତା ଖରାପ ହୋଇ ଯାଉଥିବା ଯୋଗୁଁ ପର୍ଯ୍ୟଟନ ପାଇଁ ବନ୍ଦ କରା ଯାଉଥିବା ଶିମିଳିପାଳ...

  • Egg Hurled
    Politics ପୁରୀ ଏସ୍‌ପି ଅଫିସ୍‌ରେ ପୋଲିସକୁ ଅଣ୍ଡାମାଡ଼

    ପୋଲିସକୁ ଅଣ୍ଡା ମାଡ଼ । ସାରା ରାଜ୍ୟରେ ଏବେ ମମିତା ମେହେର ହତ୍ୟା ମାମଲାକୁ ନେଇ ନିଆଁ ଜଳୁଛି । ଉଭୟ ବିରୋଧୀ ବିଜେପି ଓ କଂଗ୍ରେସ ରାଜରାସ୍ତାକୁ ଓହ୍ଲାଇ ସରକାରଙ୍କୁ ନାକେଦମ୍‌ କଲେଣି ।