ଘରେ ବନାନ୍ତୁ ସ୍ୱାଦିଷ୍ଟ ‘କଞ୍ଚା କଦଳୀ କୋଫ୍‌ତା କରି’

ଘରେ ଆମେ କଞ୍ଚା କଦଳୀରେ ବିଭିନ୍ନ ରେସିପି ପ୍ରସ୍ତୁତ କରିଥାଉ । ଆଜି ଆପଣଙ୍କ ପାଇଁ କଞ୍ଚା କଦଳୀରେ ଏକ ନୂଆ ରେସିପି ବିଷୟରେ କହିବାକୁ ଯାଉଛୁ । ଏହି ରେସିପିର ନାଁ ହେଉଛି ‘କଞ୍ଚା କଦଳୀ କୋଫ୍‌ତା କରି’ । ଏହି ରେସିପିଟି ଆପଣ ଅତି ସହଜ ଓ ସରଳ ଭାବରେ ବନେଇ ପାରିବେ । ତେବେ ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।

Also Read

ବସ୍ କଣ୍ଡକ୍ଟରରୁ ଦାଦା ସାହେବ ଫାଲ୍‌କେ ପୁରସ୍କାର ପର୍ଯ୍ୟନ୍ତ ରଜନୀକାନ୍ତଙ୍କ ଲମ୍ବା ଯାତ୍ରା

କାର୍ତ୍ତିକ ମାସର ପ୍ରଥମ ସୋମବାର, ସନ୍ଧ୍ୟାରେ ଆୟୋଜନ ହେବ ଭଜନ କୀର୍ତ୍ତନ

କଥା ଦେଇ କଥା ରଖିଲେ ପ୍ରେମିକ। ଆଇସିୟୁରେ ପ୍ରେମିକାଙ୍କୁ କଲେ ବିବାହ

‘କଞ୍ଚା କଦଳୀ କୋଫ୍‌ତା କରି’ ବନେଇବା ପାଇଁ ସାମଗ୍ରୀ:

କଞ୍ଚା କଦଳୀ,ବେସନ, ଧନିଆ ପତ୍ର,ଟମାଟୋ ପ୍ୟୁରି,ବାଦାମ,କଞ୍ଚା ଲଙ୍କା, ଗରମ ମସଲା,ଧନିଆ ପାଉଡର୍, ତେଲ, ଜିରା, ହଳଦି ଗୁଣ୍ଡ, କସ୍ତୁରୀ ମେଥି,ଅଦା, ଲଙ୍କା ଗୁଣ୍ଡ ଏବଂ ସ୍ୱାଦନୁସାରେ ଲୁଣ ।

ପ୍ରସ୍ତୁତି ପ୍ରଣାଳୀ:

• ପ୍ରଥମେ କଞ୍ଚା କଦଳୀକୁ କାଟି ଏହାର ଚୋପା ଛଡାଇ ପ୍ରେସର୍‌ କୁକର୍‌ରେ ସିଝାନ୍ତୁ ।
• କଦଳୀ ସିଝିଯିବା ପରେ ସେଥିରେ ବେସନ, କଟା ଧନିଆ ପତ୍ର, ଲୁଣ, ଗରମ ମସଲା, ଲୁଣ ଓ ଲଙ୍କା ଗୁଣ୍ଡ ପକାଇ ଭଲ ଭାବୋ ଚକଟି ଦିଅନ୍ତୁ ।
• ଏହାପରେ ଏହି ମିଶ୍ରଣକୁ ଗୋଲ ଗୋଲ ବଲ୍ ଆକୃତି ଗଢି ରଖନ୍ତୁ ।
• ଏହାପରେ ଚୁଲିରେ କଡେଇ ବସାଇ ତେଲ ଗରମ କରନ୍ତୁ ।
• ତେଲ ଗରମ ହୋଇଯିବା ପରେ ସେଥିରେ ପୂର୍ବରୁ ପ୍ରସ୍ତୁତ ଥିବା କଦଳୀର ଗୋଲ ବଲ୍ ଗୁଡିକ ପକାନ୍ତୁ ।
• ଏହାକୁ ଅଳ୍ପ ଲାଲ୍ ହେବା ପରେ ତେଲରୁ ଛାଣି ରଖନ୍ତୁ ।
• ଏବେ ଅନ୍ୟ ଏକ କଡ଼େଇରେ ତେଲ ଗରମ କରି ସେଥିରେ ଜିରା, ଲୁଣ, ହଳଦି ଗୁଣ୍ଡ, ଧନିଆ ପାଉଡର, କସ୍ତୁରୀ ମେଥି ଏବଂ ବାଦାମ ଓ ଅଦାକୁ ପେଷ୍ଟ୍‌ କରି ପକାନ୍ତୁ।
• ଏହା ପରେ ସେଥିରେ ଟମାଟୋ ପ୍ୟୁରି ଓ ଲଙ୍କା ଗୁଣ୍ଡ ପକାଇ ମସଲାକୁ ଭଲ ଭାବେ କଷନ୍ତୁ।
• ମସଲା ଭଲ ଭାବେ କଷି ହୋଇଯିବା ପରେ ସେଥିରେ ଅଳ୍ପ ପାଣି ଦିଅନ୍ତୁ।
• ଏହାପରେ ଆଗରୁ ଛଣାଯାଇଥିବା କଦଳୀ କୋପ୍‌ତା ଗୁଡ଼ିକୁ ପକାନ୍ତୁ।
• ପାଣି ଫୁଟିଯିବା ପରେ ସେଥିରେ ଗରମ ମସଲା ଏବଂ ଧନିଆ ପତ୍ର ପକାଇ ଚୁଲି ବନ୍ଦ କରି ଦିଅନ୍ତୁ  

ଏବେ ପ୍ରସ୍ତୁତ ହୋଇଗଲା ଗରମାଗରମ ‘କଞ୍ଚା କଦଳୀ କୋଫ୍‌ତା କରି’ । ଏହି ରେସିପିଟି ରୁଟି କିମ୍ବା ପରଟା ସହିତ ଖାଇଲେ ବେଶୀ ସୁଆଦିଆ ଲାଗିଥାଏ । ଏହି ରେସିପିଟି ଆପଣ ଘରେ ବନେଇ ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।