ଅକ୍ଟୋବର ୭ରେ ନବରାତ୍ର , କଣ ରହିଛି କଳସୀ ସ୍ଥାପନାର ମହତ୍ତ୍ୱ ଜାଣନ୍ତୁ...

ଚଳିତ ମାସରୁ ଆରମ୍ଭ ହୋଇଯିବ ମା ଜଗତ୍‌ ଜନନୀ ମା ଦୁର୍ଗାଙ୍କ ଶାରଦିଆ ନବରାତ୍ର ପୂଜା । ନବରାତ୍ରର ୯ଟି ଦିନରେ ପିଠମାନଙ୍କରେ ମା ଦୁର୍ଗାଙ୍କୁ ଭିନ୍ନ ଭିନ୍ନ ରୂପରେ ସୁସଜ୍ଜିତ କରାଯାଇଥାଏ । ଏହାସହ ଅନେକ ଶ୍ରଦ୍ଧାଳୁ ଅଛନ୍ତି ଯେଉଁମାନେ ଏହି ପୂଜାକୁ ନିଜ ଘରେ ମଧ୍ୟ ପାଳନ କରିଥାନ୍ତି । ଯେଉଁଥିରେ ଭକ୍ତମାନେ ଶୁଭ ଫଳ ପ୍ରାପ୍ତ ଓ ମନସ୍କାମନା ପୂରଣ କରିବା ପାଇଁ ବରାତ୍ରିରେ ଘଟ ସ୍ଥାପନ ତଥା କଳସୀ ପ୍ରତିଷ୍ଠା କରିଥାନ୍ତି । ମା ଦୁର୍ଗାଙ୍କ ଆଶିର୍ବାଦ ଫଳରେ ସେମାନଙ୍କର ମନସ୍କାମନା ମଧ୍ୟ ପୂରଣ ହୋଇଥାଏ ବୋଲି ବିଶ୍ୱାସ ରଖାଯାଇଥାଏ । ଏହି କଳସ ସ୍ଥାପନର ବିଶେଷ ମହତ୍ତ୍ୱ ରହିଛି ।

କଳସୀ ସ୍ଥାପନାର ଶୁଭ ମୂହୁର୍ତ୍ତ

ନବରାତ୍ର ପୂଜାର ପ୍ରଥମ ଦିନରେ କଳସ ସ୍ଥାପନ କରାଯାଏ । ତେଣୁ କଳସୀ ସ୍ଥାପନର ସମୟକୁ ବିଶେଷ ଧ୍ୟାନ ଦେବା ଉଚିତ୍‌ । ଅକ୍ଟୋବର ୭ରେ ଆରମ୍ଭ ହେଉଛି ନବରାତ୍ର । ତେବେ ସେହିଦିନରେ ଘଟ ସ୍ଥାପନର ଶୁଭ ମୂହୁର୍ତ୍ତ ହେଉଛି ସକାଳ ୬ଟା ୧୭ରୁ ୭ ଟା ୭ । ଜ୍ୟୋର୍ତିବିଦ୍ୟା ଅନୁସାରେ ଏହି ସମୟରେ କଳସ ସ୍ଥାପନ କଲେ ଶୁଭ ଫଳ ପ୍ରାପ୍ତ ହେବ । ତେଣୁ ଏହି ମୂହୁର୍ତ୍ତକୁ କଳସୀ ପ୍ରତିଷ୍ଠା ପାଇଁ ସର୍ବୋତ୍ତମ ବୋଲି ବିବେଚନା କରାଯାଇଛି ।

କାଳସୀ ସ୍ଥାପନ ପାଇଁ ଆବଶ୍ୟକ ସାମଗ୍ରୀ

କଳସୀ ସ୍ଥାପନା ପାଇଁ ବିଭିନ୍ନ ପ୍ରକାରର ସାମଗ୍ରୀର ଆବଶ୍ୟକତା ରହିଛି । ସେଗୁଡିକ ହେଲା ୭ ପ୍ରକାରର ଶସ୍ୟ, ଚଉଡା ମୁହଁ ଥିବା ଏକ ମାଟିର ପାତ୍ର, ପବିତ୍ର ସ୍ଥାନରୁ ଅଣାଯାଇଥିବା ମାଟି, କଳସ, ଗଙ୍ଗା ଜଳ, ଆମ୍ୱ କିମ୍ୱା ଅଶୋକ ପତ୍ର, ଗୁଆ, ନଡିଆ, ଚାଉଳ, ଫୁଲ ଓ ଲାଲି ବସ୍ତ୍ର ।

କଳସୀ ସ୍ଥାପନ

କଳସୀ ସ୍ଥାପନର ପଦ୍ଧତି

କଳସ ସ୍ଥାପନା ସମୟରେ କିଛି ବିଶେଷ ନିୟମ ରହିଛି । ଯାହାର ପାଳନ କରିବା ଆବଶ୍ୟକ । ଘରର ଉତ୍ତର-ପୂର୍ବ ଦିଗକୁ ପରିଷ୍କାର କରି ଲାଲି ରଙ୍ଗର ନୂଆ କପଡା ବିଛାଇ ମାଙ୍କ ମୂର୍ତ୍ତି କିମ୍ୱା ଫଟୋକୁ ସ୍ଥାପନା କରନ୍ତୁ । ଏହା ପରେ ଅଗ୍ରପୂଜ୍ୟ ଗଣେଶଙ୍କ ଆରାଧନା କରି କଳସୀ ସ୍ଥାପନା କରନ୍ତୁ । ଏକ ନଡିଆରେ ଶାଲୁ କନା ଗୁଡାଇକି ମୋଲି(ସୂତା) ବାନ୍ଧନ୍ତୁ । ହାଣ୍ଡିକୁ ପାଣିରେ ଭର୍ତ୍ତି କରି ସେଥିରେ ଏକ ଲବଙ୍ଗ, ହଳଦୀ ଗୁଣ୍ଡ, ଗୁଆ,ଦୂବ ଓ କଏନ୍‌ ପକାନ୍ତୁ । ବର୍ତ୍ତମାନ କାଲାଶରେ ଆମ୍ବ ପତ୍ର ରଖି ସେହି ନଡିଆ ରଖନ୍ତୁ ଏବଂ ତା’ପରେ ଏହି କାଲାଶକୁ ଦୁର୍ଗା ମୂର୍ତ୍ତିର ଡାହାଣ ପାର୍ଶ୍ୱରେ ରଖନ୍ତୁ । କଳସୀ ସଂସ୍ଥାପନ ସମାପ୍ତ ହେବା ପରେ, ଦେବୀଙ୍କ ଆରଧନା କରନ୍ତୁ ।