• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Pramod Behera

News Highlights

  • ଆଇନଗତ ସମସ୍ୟାରେ ଫସିଲେ କରୀନା

  • ପୁସ୍ତକ ନାମକରଣକୁ ନେଇ ପସିଲେ

  • ଏଫ୍‌ଆଇଆର୍‌ ଜାରି କରିବାକୁ ଦାବି

ଜବଲପୁର : ବଲିଉଡ ଅଭିନେତ୍ରୀ କରୀନା କପୁର ତାଙ୍କ ପୁସ୍ତକକୁ ନେଇ ଏକ ଆଇନଗତ ସମସ୍ୟାରେ ଫସିଯାଇଛନ୍ତି। ତାଙ୍କ ପୁସ୍ତକର ନାମକୁ ନେଇ ସାରା ଦେଶରେ ସମାଲୋଚନା ହେଉଛି। ଏପରିକି କରୀନା କପୁରଙ୍କ ବିରୋଧରେ ଏଫ୍‌ଆଇଆର୍‌ ଜାରି କରିବାକୁ ଦାବି ହେଉଛି। ଜବଲପୁରରେ ସର୍ବ ଇସାଇ ସମାଜ ଓମତି ପୋଲିସ ଷ୍ଟେସନକୁ ଏକ ଲିଖିତ ଆବେଦନ କରି ପୁସ୍ତକର ନାମ ପରିବର୍ତ୍ତନ କରିବା ସହ କରୀନା କପୁର ଖାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଦାବି କରିଛନ୍ତି।

ସୂଚନା ମୁତାବକ ନିକଟରେ କରୀନା କପୁର ତାଙ୍କର ଏକ ପୁସ୍ତକ ପ୍ରକାଶ କରିଛନ୍ତି। ସେ ଏହାର ନାମ ‘ପ୍ରେଗ୍ନେସୀ ବାଇବଲ’ ରଖିଛନ୍ତି। ଏହି ପୁସ୍ତକରେ ସେ ତାଙ୍କ ଗର୍ଭଧାରଣର ଦିନ ଏବଂ ଅଭିଜ୍ଞତା ବିଷୟରେ ଲେଖିଛନ୍ତି। ହେଲେ ଏହାର ନାମକରଣକୁ ନେଇ କେବଳ ବିବାଦ ରହିଛି। ବାଇବଲ ହେଉଛି ଖ୍ରୀଷ୍ଟିଆନ ସମାଜର ପବିତ୍ର ଶାସ୍ତ୍ରର ନାମ। ଗର୍ଭଧାରଣକୁ ବାଇବଲ ସହିତ ଯୋଡିବା ଏବଂ ଏକ ବ୍ୟକ୍ତିଗତ ଭାବରେ ଲିଖିତ ପୁସ୍ତକକୁ ଶାସ୍ତ୍ରର ନାମ ଭାବରେ ନାମିତ କରିବା ଖ୍ରୀଷ୍ଟିଆନ ସମାଜକୁ ଆହତ ପହଞ୍ଚାଇଛି।

ଖ୍ରୀଷ୍ଟିଆନ ସମାଜର ଅଧିକାରୀମାନେ କହିଛନ୍ତି ଯେ ଏହି ନାମ ଆପତ୍ତିଜନକ ଏବଂ ଧାର୍ମିକ ଭାବନାକୁ ଆଘାତ ଦେଇଛି। ଖ୍ରୀଷ୍ଟିଆନ ସମାଜ ଏହାକୁ ଦୃଢ ବିରୋଧ କରିଛି ଏବଂ ଏହା ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ସରକାର ଓ ପ୍ରଶାସନକୁ ଦାବି କରିଛି। ସର୍ବ ଇଶାଇ ସମାଜ କହିଛି ଯେ କରେ ଯେ କରୀନା କପୁରଙ୍କ ବିରୋଧରେ ଏକ ମାମଲା ରୁଜୁ ହେବା ଦରକାର। ଏହା ହେଲେ ଭବିଷ୍ୟତରେ ଆଉ କେହି କୌଣସି ଧର୍ମ ସହିତ ଏହିପରି ଖେଳିବେ ନାହିଁ।

ପୋଲିସ ଅଧିକାରୀ କହିଛନ୍ତି ଯେ ବର୍ତ୍ତମାନ ଏହି ମାମଲାରେ ଅଭିଯୋଗ ଆସିଛି ଏବଂ ବରିଷ୍ଠ ଅଧିକାରୀଙ୍କ ନିର୍ଦ୍ଦେଶରେ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସୂଚନା ମୁତାବକ, ଏହି ପୁସ୍ତକ କରୀନାଙ୍କ ଦ୍ୱାରା ଜୁଲାଇ ୯ ରେ ଉନ୍ମୋଚିତ ହୋଇଛି। ସେବେଠାରୁ ମହାରାଷ୍ଟ୍ରର ଅନେକ ସ୍ଥାନରେ କରୀନା କପୁରଙ୍କ ବିରୋଧରେ ବିରୋଧ ହୋଇ ଆସୁଛି। ପୋଲିସ ତାଙ୍କ ବିରୋଧରେ ଏଫ୍‌ଆଇଆର୍‌ ମଧ୍ୟ ଜାରି କରିଛି।