ବଦ୍‌ନାମ ହେଉଛନ୍ତି ସାମ୍ବାଦିକ, କେତେବେଳେ ବଟି ଆଦୟ ତ କେତେବେଳେ ଗଞ୍ଜେଇ ଚାଲାଣ !

ସାମ୍ବାଦିକ ନାଁରେ କେତେବେଳେ ଅପହରଣ ଓ ଦାଦାବଟି ଆଦାୟ ତ ଆଉ କେତେବେଳେ ବେଆଇନ୍ କାମ ଧରାଇ ଦେବାକୁ ଧମକ ଦେଇ ବିଭିନ୍ନ କମ୍ପାନୀ ମାଲିକଙ୍କ ଠାରୁ ଟଙ୍କା ଆଦାୟ ଘଟଣା । ସାମ୍ନାକୁ ଆସୁଛି ଜଣକ ପରେ ଜଣେ ୱେବ୍ ପୋର୍ଟାଲ ସାମ୍ବାଦିକଙ୍କ କଳା କାରନାମା । ଏଭଳି ସ୍ଥିତିରେ ଆଜି ଚୋରା ଗଞ୍ଜେଇ ଚାଲାଣ କରି ପୋଲିସ ହାତରେ ଧରାପଡିଛନ୍ତି କୋରାପୁଟ ବୈପାରୀଗୁଡାର ଜଣେ ୱେବ୍ ପୋର୍ଟାଲ ସାମ୍ବାଦିକ । ରାଜ୍ୟରେ ଛତୁ ଫୁଟିଲା ଭଳି ୱେବ୍ ପୋର୍ଟାଲ ଖୋଲୁଥିବା ବେଳେ କିଛି ଖଳ ପ୍ରକୃତିର ଲୋକଙ୍କ ପାଇଁ ସରକାର ୱେବ ମିଡିଆ ଉପରେ ଅଙ୍କୁଶ ଲଗାଇପାରନ୍ତି, ଯାହା ପୁରା ଗଣମାଧ୍ୟମ ପାଇଁ ବିପଦ ବୋଲି ମତ ପ୍ରକାଶ ପାଇଛି ।

Also Read

ମାନସଙ୍କ ପଛରେ ଅଦୃଶ୍ୟ ଶକ୍ତି, ଏତେ ଅଭିଯୋଗ ପରେ ବି ତୋଢ଼ କମିନି

ଟିକାକରଣରେ ଆଗରେ ହିମାଚଳ ପ୍ରଦେଶ

ରେକର୍ଡ ଭାଙ୍ଗିଲା ଟିକାକରଣ : ଦିନକରେ ୧ କୋଟି ୧୬ ଲକ୍ଷରୁ ଅଧିକ

ହେମନ୍ତ ଟାକ୍ରି କୋରାପୁଟ ବୈପାରୀଗୁ଼ଡାର ବିଶ୍ୱବିଜୟୀ ୱେବ୍ ପୋର୍ଟାଲ ସାମ୍ବାଦିକ । ସମାଜ ପ୍ରତି ଜଣେ ସାମ୍ବାଦିକର ଦାୟିତ୍ୱ ଓ କର୍ତ୍ତବ୍ୟ ଭୁଲି ଏହି ବ୍ୟକ୍ତି ଜଣକ ଚଲାଇଥିଲେ ବେଆଇନ୍ ଗଞ୍ଜେଇ କାରବାର । ମାଲକାନଗିରି ଜିଲ୍ଲା ଝରିଆଗୁଡ଼ାଠାରେ ମଙ୍ଗଳବାର ପୋଲିସର କଡା ଯାଞ୍ଚକୁ ଭେଦି ଗଞ୍ଜେଇ ଭର୍ତ୍ତି ଗା଼ଡି ନେବାକୁ ଉଦ୍ୟମ କରୁଥିଲେ ଏହି ସାମ୍ବାଦିକଙ୍କ ସମେତ ୫ ଜଣ ଯୁବକ । ହେଲେ ସମସ୍ତଙ୍କୁ ଗୋଡାଇ ଗୋଡାଇ ଧରିଛି ପୋଲିସ । ଚେକିଂ ବେଳେ ଗାଡିରୁ ମିଳିଛି ୧୫ କୁଇଣ୍ଟାଲରୁ ଅଧିକ ପରିମାଣର ଗଞ୍ଜେଇ । ଯାହାର ଆନୁମାନିକ ମୂଲ୍ୟ କୋଟିଏରୁ ଅଧିକ ହେବ । ଚିତ୍ରକୋଣ୍ଡା ଅଂଚଳରୁ ବାହାର ରାଜ୍ୟକୁ ଗଞ୍ଜେଇ ଚୋରା ଚାଲାଣ କରୁଥିବା ପୋଲିସ ଆଗରେ ସ୍ୱୀକାର କରିଛନ୍ତି ଅଭିଯୁକ୍ତ ।

ସାମ୍ବାଦିକ ନାଁରେ ଅନେକ ଅପହରଣ ଓ ଦାଦାବଟି ଆଦାୟ ଅଭୀଯୋଗ । ନିକଟରେ ରାଜଧାନୀରେ ଜଣେ ଖଣି ବ୍ୟବସାୟୀ ଓ ତାଙ୍କ ସହଯୋଗୀଙ୍କୁ ଅପହରଣ କରି ଦାଦାବଟି ମାଗିବା ଘଟଣାରେ ପୋଲିସ ଏକ ୱେବ୍ ଚ୍ୟାନେଲର ମହିଳା ସାମ୍ବାଦିକାଙ୍କ ସମେତ ୪ ଜଣ କର୍ମଚାରୀଙ୍କୁ ଗିରଫ କରିଛି । ସେହିପରି ଗତ ବର୍ଷ ଅକ୍ଟୋବରରେ ରାଜଧାନୀରେ ଏକ ଘିଅ କମ୍ପାନୀ ମାଲିକଠାରୁ ବେଆଇନ୍ ଟଙ୍କା ଆଦାୟ ଅଭିଯୋଗରେ ଗିରଫ ହୋଇଥିଲେ ବିଭିନ୍ନ ୱେବ ଚ୍ୟାନେଲର ୬ଜଣ ସାମ୍ବାଦିକ । ଅପମିଶ୍ରଣ ଖବର ଧରାଇ ଦେବାକୁ ଧମକ ଦେଇ ମାଲିକଙ୍କଠାରୁ ଏହି ୱେବ୍ ସାମ୍ବାଦିକ ଆଦାୟ କରିଥିଲେ ଲକ୍ଷାଧିକ ଟଙ୍କା । ସେହିପରି ଗତ ୨୩ ତାରିଖରେ ବାରିପଦାରେ ୨ ମାସର ଶିଶୁକୁ ୨ ହଜାର ଟଙ୍କାରେ ବିକ୍ରି କରାଯାଇଥିବା ଘଟଣାରେ ସଂପୃକ୍ତି ଅଭିଯୋଗରେ ପୋଲିସ ଜଣେ ୱେବ୍ ମିଡିଆ ସାମ୍ବାଦିକଙ୍କୁ ଗିରଫ କରିଥିଲା ।

Also Read

କେମିତି ସୁରକ୍ଷିତ ଫେରିବେ ଭାରତୀୟ? ତାଲିବାନ ସହ ଆରମ୍ଭ ହେଲା କଥାବାର୍ତ୍ତା

ପଞ୍ଜିଶିରକୁ କବ୍‌ଜା କରି ନେବ କି ତାଲିବାନ?

ସରିଲା ଆମେରିକାର ଆଫ୍‌ଗାନ୍‌ ଅଭିଯାନ, ବିଜୟ ଖୁସିରେ ଫଟୋ ଉଠାଇଲେ ତାଲିବାନୀ

ସାମ୍ବାଦିକ ନାଁରେ ଏଭଳି ବେଆଇନ୍ କାମ ପୁରା ସାମ୍ବାଦିକ ସମାଜ ପାଇଁ ଗଭୀର ଉଦବେଗର ବିଷୟ ପାଲଟିଛି । କାରଣ, ଅଳ୍ପ କିଛି ଲୋକଙ୍କ ପାଇଁ ସାମ୍ବାଦିକତା ପେଶାରେ ଥିବା ବ୍ୟକ୍ତିବିଶେଷ ବଦନାମ ହେଉଛନ୍ତି । ସାମ୍ବାଦିକତା ପ୍ରତି ଥିବା ସାମ୍ବାଦିକଙ୍କ ନିଷ୍ଠା ଏବଂ କର୍ତ୍ତବ୍ୟ ପରାୟଣତା ପ୍ରଭାବିତ ହେଉଥିବା ମତ ରଖିଛନ୍ତି ବରିଷ୍ଠ ସାମ୍ବାଦିକ ।