• translate
Satyendu Shekher Mishra

News Highlights

  • ୨୦୦ ଚୋରା ଗାଡ଼ି ଜବତ କଲା ସୁରଟ ପୋଲିସ ।

    ଭଡ଼ାରେ ନେଇ ବିକ୍ରି କରୁଥିଲା ଚୋର ।

    ସୁରଟରୁ ମହାରାଷ୍ଟ୍ର ଯାଏଁ ଲମ୍ବିଛି ଚେର ।

ସୁରଟ: ସୁରଟରେ ଗାଡ଼ି ଭଡ଼ାରେ ନେଇ ବିକ୍ରି କରୁଥିବା ଏକ ବଡ଼ ରାକେଟ୍‌ର ପର୍ଦ୍ଦାଫାସ କରିଛି ପୋଲିସ୍ । ପ୍ରାୟ ୨୦୦ କାରକୁ ଜବତ କରାଯାଇ ସେଥିରୁ ୨୨ଟି କାରକୁ ସେମାନଙ୍କ ପ୍ରକୃତ ମାଲିକଙ୍କୁ ଫେରସ୍ତ କରାଯାଇଛି । ସୁରତ ପୋଲିସର ଅର୍ଥନୈତିକ ଅପରାଧ ଶାଖା ଓ ଏସ୍ଓଜି ଟିମ୍ ମାତ୍ର ୨୫ ଦିନରେ ୪ କୋଟି ୫୦ ଲକ୍ଷ ଟଙ୍କାର ୨୦୦ ଗାଡ଼ି ଜବତ କରିବା ସହ ଏକ ବଡ଼ ସଫଳତା ପାଇଛି । ଗାଡ଼ି ଗୁଡ଼ିକୁ ଟି.ଜି ସୋଲର୍ କମ୍ପାନୀ ନାଁରେ ଭଡ଼ାରେ ନେଇ ସେଗୁଡ଼ିକୁ ବିକ୍ରି କରି ଦିଆଯାଉଥିଥିବା ସୂଚନା ରହିଛି ।

ପୋଲିସ ଏତେ ସଂଖ୍ୟାରେ ଚୋରା ଗାଡ଼ି ଜବତ କରି ରଖିଛି ଯେ, ଦେଖିଲେ ଲାଗୁଛି ଯେମିତି ଏହା ଏକ ପୁରୁଣା ଗାଡ଼ି ସୋରୁମ୍‌ । ବିକ୍ରିପାଇଁ ସବୁ ରଖାଯାଇଛି । ଦଶ-କୋଡିଏ କି ପଚାଶ ନୁହେଁ ୨ଶହରୁ ଅଧିକ ଚୋରି ହୋଇଥିବା କାରକୁ ଜବତ କରିଛି ସୁରତ ପୋଲିସ । ଆଉ ସାମ୍ନାକୁ ଆସିଛି ଲୁଟ୍ ପଛର ଲୁଟେରାର ତରିକା । କାର୍ ମାଲିକଙ୍କୁ ଉଚ୍ଚ ଭଡ଼ାର ଲୋଭ ଦେଖାଇ ଭଡ଼ାରେ ନେଇ ବିକ୍ରି କରିଦେଉଥିଲା ଲୁଟେରା ।

ତେବେ ଏହି ସ୍ମାର୍ଟ କାର୍ ଚୋର ମଧ୍ୟ ଗିରଫ ହୋଇଛି । ପୋଲିସ ତାକୁ ଗିରଫ କରିବାରେ ସଫଳ ହୋଇଛି । ରେଣ୍ଟ କାର୍ ଫ୍ରଡର ମାଷ୍ଟର ମାଇଣ୍ଡ । ୨୨ ଜଣ କାର୍ ମାଲିକଙ୍କୁ ଚୁନ ଲଗାଇ ଆଖ ପାଖ ସହର ସମେତ ପଡ଼ୋଶୀ ରାଜ୍ୟକୁ ଚାଲାଣ କରୁଥିଲା ଲୁଟ୍ କରିଥିବା କାର୍ । ଆଉ କମାଉଥିଲା ଲକ୍ଷ ଲକ୍ଷ ଟଙ୍କା । ଏବେ କିନ୍ତୁ ପୋଲିସ ପଞ୍ଝାରେ ଲୁଟେରା । ଲଗାତାର୍ ଭଡ଼ାରେ ନେଇ କାର୍ ଲୁଟ ହେଉଥିବା ଅଭିଯୋଗ ପରେ ଆକ୍ସନ ମୋଡ୍‌କୁ ଆସିଥିଲା ସୁରତ ପୋଲିସ ।

ସୁରତ ଇକୋନମିକ୍ ସେଲ୍ ଏବଂ ଏସଓଜିର ମିଳିତ ଟିମ୍ ୨୫ ଦିନରେ ୪ କୋଟି ୫୦ ଲକ୍ଷ ଟଙ୍କା ମୂଲ୍ୟର ୨ଶହ କାର୍ ଜବତ କରିବାରେ ସଫଳ ହୋଇଛନ୍ତି । ଜବତ ୨ଶହ କାର୍ ମଧ୍ୟରୁ ୨୨ଟିକୁ ଏହାର ମାଲିକମାନଙ୍କୁ ହସ୍ତାନ୍ତର କରାଯାଇଛି । ବାକି କାର୍ ଗୁଡ଼ିକୁ କୋର୍ଟଙ୍କ ନିର୍ଦ୍ଦେଶାନାମାନୁସାର ହସ୍ତାନ୍ତର କରାଯିବ ।

ଲୁଟେରାର ଟାର୍ଗେଟରେ ଥିଲା ଛୋଟ ଛୋଟ ଟ୍ରାଭେଲ୍ ଏଜେନ୍ସି । ଏହା ସହ ଭଡ଼ାରେ କାର୍ ଦେଉଥିବା ବ୍ୟକ୍ତି । ଟିଜି ସୋଲାର କମ୍ପାନୀ ନାଁରେ ଲୋକଙ୍କ ଠାରୁ ଭଡ଼ାରେ କାର୍ ନେଉଥିଲା ଏହି ଲୁଟେରା । ଗୁଜରାଟ ଏବଂ ମହାରାଷ୍ଟ୍ରରୁ ଉଦ୍ଧାର ହୋଇଛି ଏହି ସବୁ କାର୍ ।

Other Stories

  • rath yatra
    Festivals & Events ରଥଯାତ୍ରାରେ ଗଜପତି କରିବେ ଛେରାପହଁରା

    ରଥଯାତ୍ରାରେ ଗଜପତି କରିବେ ଛେରାପହଁରା । ସ୍ନାନପୂର୍ଣ୍ଣମାରେ ଛେରାପହଁରା କରିନଥିବା ଗଜପତି ମାହାରାଜ ଦିବ୍ୟସିଂହ ଦେବ ରଥଯାତ୍ରାରେ ଛେରାପହଁରା କରିବେ ବୋଲି ନିଜେ ସୂଚନା ଦେଇଛନ୍ତି । ସେ କହିଛନ୍ତି ଆମେ ରଥଯାତ୍ରାକୁ ମୁଖ୍ୟ ସ୍ଥାନ ଦେଇଛୁ,...

  • Boudha Farmer Electricity Issue
    Miscellaneous ବିଦ୍ୟୁତ୍‌ ସଂଯୋଗ ହୋଇନାହିଁ କିନ୍ତୁ ବିଲ୍‌ ଆସିଛି ୫୮ ହଜାର ଟଙ୍କା

    ଚାଷୀମାନେ କିପରି ସୁବିଧାରେ ଜମିରେ ଜଳସେଚନ ସୁବିଧା ପାଇବେ ଏଥିପାଇଁ ବିଜୁ କୃଷକ ଯୋଜନାରେ ଡିପ ବୋର ୱେଲ(ଗଭୀର ନଳକୂପ) ଖନନ କରିଥିଲେ।ଏହାପରେ ବିଦ୍ୟୁତ ବିଭାଗ ପକ୍ଷରୁ ଖମ୍ବପୋତା ସହ, ତାର ମଧ୍ୟ ଟଣା ହୋଇଛି, କିନ୍ତୁ...

  • deadbody
    Miscellaneous ବ୍ୟାଙ୍କ ଅଫିସର୍‌ଙ୍କୁ ମାଇଲା କିଏ?

    ଭଡା ଘରୁ ଉଦ୍ଧାର ହେଲା ବ୍ୟାଙ୍କ ଅଫିସରଙ୍କ ମୃତଦେହ। ଗଂଜାମ ସୋରଡା ଥାନା ସାରୁଅ ସାହିର ଏକ ଭଡାଘରୁ ବ୍ୟାଙ୍କ ଅଫିସର ଏନ୍. ଦେବେନ୍ଦରଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ଦେବେନ୍ଦର ସୋରଡା ପଂଜାବ ନେସନାଲ ବ୍ୟାଙ୍କରେ...

  • Pradipta Mohapatra
    COVID-19 ଏଣିକି ବନ୍ଦ ହୋଇଯିବ ସବୁ କୋଭିଡ୍‌ କେୟାର ସେଣ୍ଟର

    ଏଣିକି ବନ୍ଦ ହେବ କୋଭିଡ୍‌ କେୟାର ସେଣ୍ଟର । ରାଜ୍ୟରେ କୋଭିଡ୍ ସଂକ୍ରମଣ ହ୍ରାସ ପାଇଥିବାରୁ ସରକାରୀ ଓ ବେସରକାରୀ କୋଭିଡ୍ କେୟାର ସେଣ୍ଟର ଗୁଡ଼ିକ ବନ୍ଦ ହେବ । ଏନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ ନିଷ୍ପତି...