୪ ଦିନିଆ ରିମାଣ୍ଡରେ ଯିବେ ଅମ୍ରିତ-ଦିନେଶ-ମୃତ୍ୟୁଞ୍ଜୟ

ଭୁବନେଶ୍ୱର: ରିମାଣ୍ଡରେ ଯିବେ ଅମ୍ରିତ-ଦିନେଶ-ମୃତ୍ୟୁଞ୍ଜୟ । ବହୁ ଚର୍ଚ୍ଚିତ ମନୀଷ ଅନୁରାଗ ହତ୍ୟା ମାମଲାରେ ଅଭିଯୁକ୍ତଙ୍କୁ ରିମାଣ୍ଡରେ ନେବ ଇନ୍‌ଫୋସିଟି ପୋଲିସ । ୩ ଅଭିଯୁକ୍ତଙ୍କୁ ୫ ଦିନିଆ ରିମାଣ୍ଡରେ ନେବା ପାଇଁ ଭୁବନେଶ୍ୱର JMFC କୋର୍ଟଙ୍କ ନିକଟରେ ଆବେଦନ କରିଥିଲା ପୋଲିସ । ହେଲେ କୋର୍ଟ ୪ ଦିନିଆ ରିମାଣ୍ଡରେ ନେବାକୁ ଅନୁମତି ଦେଇଥିଲେ । ସୂଚନାଯୋଗ୍ୟ, ମନୀଷ ଅନୁରାଗଙ୍କ ହତ୍ୟା ମାମଲାରେ ତାଙ୍କର ୩ ଜଣ ସାଙ୍ଗଙ୍କୁ ଗିରଫ କରାଯାଇଛି । ସେମାନେ ହେଲେ ଅମ୍ରିତ ବିଶ୍ୱାଳ, ଦିନେଶ ଓ ମୃତ୍ୟୁଞ୍ଜୟ । ଏହି ୩ ଜଣଙ୍କୁ ପୋଲିସ ଗତକାଲି ଗିରଫ କରିଥିଲା ।

Also Read

ବାଲକୋନୀରେ ଖେଳୁଥିବା ସମୟରେ ୨୫ ମହଲା କୋଠାରୁ ଖସିପଡ଼ି ଯାଆଁଳା ଭାଇ ମୃତ

ଭାଗ୍ୟ ବଦଳାଇଥାଏ ରୋଷେଇ ଘରର ମସଲା, ଜାଣନ୍ତୁ କିପରି

ବଢ଼ିଲା ପ୍ରଦୀପଙ୍କ ଅଡ଼ୁଆ, ଏକକାଳୀନ ୧୫ ସ୍ଥାନରେ ଭିଜିଲାନ୍ସ ରେଡ୍‌

ଶନିବାର ଏକ ପ୍ରେସମିଟ୍‌ରେ ଏନେଇ ସୂଚନା ଦେଇଥିଲେ ଭୁବନେଶ୍ୱର ଡିସିପି ଉମାଶଙ୍କର ଦାସ । ଏହି ତିନି ଜଣଙ୍କ ସହ ଶନିବାର ଦିନ ସଂଧ୍ୟାରେ ଯାଇଥିଲେ ମନୀଷ । ପ୍ରଥମେ ଲକ୍ଷ୍ମୀସାଗର ଅଞ୍ଚଳକୁ ଯାଇଥିଲେ । ପରେ ୪ ଜଣ ବନ୍ଧୁ ବିଲମ୍ବିତ ରାତିରେ ସାଉଥ୍‌ ସିଟି ହୋଟେଲକୁ ଯାଇଥିଲେ । ସେଠାରେ ବିଲ୍ ପଇଠକୁ ନେଇ ସାଙ୍ଗ ମାନଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଜଣେ ସାଙ୍ଗ ପ୍ରଥମେ କିଛି ଟଙ୍କା ପୈଠ କରି ହୋଟେଲ ବାହାରକୁ ଚାଲିଆସିଥିଲେ ।

ଏହାପରେ ମନିଷ ଫୋନ୍‌ ଯୋଗେ ଟଙ୍କା ଯୋଗାଡ଼ କରି ସମ୍ପୂର୍ଣ୍ଣ ହୋଟେଲ ବିଲ୍‌ ପୈଠ କରିଥିଲେ । ତେବେ ବିଲ୍‌ ପୈଠ କରିବା ପରେ ମନିଷ ଏକା ହୋଟେଲରୁ ବାହାରିଥିଲେ । ଯାହା କି ସିସିଟିଭି ଫୁଟେଜ୍‌ରେ କଏଦ ହୋଇଛି । ହୋଟେଲରୁ ବାହାରିବା ପରେ ମନିଷ ଜଣଙ୍କ ବାଇକ୍‌ ସାହାଯ୍ୟ ଅନ୍ୟ ସାଙ୍ଗମାନେ ଥିବା ସ୍ଥାନରେ ପହଞ୍ଚିଥିଲେ । ସେଠାରେ ପୁଣି ଥରେ ବିଲ୍‌ ପେମେଣ୍ଟକୁ ନେଇ ସାଙ୍ଗମାନଙ୍କ ମଧ୍ୟରେ ବଚସା ହୋଇଥିଲା । ଏହି ବଚସା ଧିରେ ଧିରେ ଉଗ୍ର ରୂପ ନେଇଥିଲା । ଯାହାଫଳରେ ସେମାନଙ୍କ ମଧ୍ୟରେ ଧସ୍ତାଧସ୍ତି ମଧ୍ୟ ହୋଇଥିଲା । ଏହି ମାରପଚିଟ୍‌ ଓ ଗଣ୍ଡଗୋଳ ଭିତରେ ହତ୍ୟାକାଣ୍ଡ ଘଟିଥିବା କହିଛନ୍ତି ଡିସିପି ।

ତେବେ ହତ୍ୟା ପରେ ପ୍ରମାଣ ନଷ୍ଟ କରିବାକୁ ମନୀଷଙ୍କ ମୃତଦେହକୁ ପାତ୍ରପଡ଼ା ପୋଖରୀରେ ଫୋପାଡ଼ି ଦିଆଯାଇଥିଲା । ମାମଲାରେ ଜଣେ ପ୍ରତକ୍ଷଦର୍ଶୀଙ୍କ ବୟାନ ଓ ପାରିପାର୍ଶ୍ୱିକ ସ୍ଥିତିକୁ ଦେଖି ତଦନ୍ତ କରାଯାଉଛି । ୩ ଅଭିଯୁକ୍ତଙ୍କୁ ରିମାଣ୍ଡରେ ନେଇ ଅଧିକ ଖୋଲତାଡ଼ କରାଯିବ ବୋଲି କହିଥିଲେ ଡିସିପି । କାରଣ ଘଟଣା ପରେ ଦୁଇ ଅଭିଯୁକ୍ତ ରାଜଧାନୀର ଏକ ହୋଟେଲରେ ସେ ଦିନ ରହିଥିଲେ । ତେଣୁ ଏହି ମାମଲାରେ ଆଉ କାହାର ସଂପୃକ୍ତି ରହିଥିବା ସନ୍ଦେହ କରାଯାଉଛି । ତେଣୁ ସେ ଦିଗରେ ମଧ୍ୟ ଅଧିକ ତଦନ୍ତ କରାଯାଉଛି । ଗତ ୧୦ ତାରିଖରେ ଭୁବନେଶ୍ୱରର ପାତ୍ରପଡ଼ା ଗାଁ ପୋଖରୀରେ ଭାସୁଥିବା ଅବସ୍ଥାରେ ମନୀଷଙ୍କ ମୃତଦେହ ଉଦ୍ଧାର ହୋଇଥିଲା ।