ଦାଦାବଟିକୁ ନେଇ ଗୁଳିକାଣ୍ଡର ମୁଖ୍ୟ ଅଭିଯୁକ୍ତ ବିଜୁକୁ ଏନ୍‌କାଉଣ୍ଟର କଲା ପୋଲିସ

ପୁରୀ: ଦାଦାବଟି ନ ଦେବାରୁ ବ୍ୟାଙ୍କ କର୍ମଚାରୀଙ୍କ ଉପରକୁ ଗୁଳିମାଡ଼ । ତେବେ ସ୍ୱାମୀଙ୍କୁ ବଞ୍ଚାଇବାକୁ ଯାଇ ବ୍ୟାଙ୍କ କର୍ମଚାରୀଙ୍କ ସ୍ତ୍ରୀ ଗୁରୁତର । ତାଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି । ଗତ ରାତି ୧୧ଟା ୫୦ ସମୟରେ ପୁରୀ ନରେନ୍ଦ୍ରକୋଣ ଅଞ୍ଚଳରେ ଦାଦାବଟି ମାଗିବାକୁ ନେଇ ଗୁଳିକାଣ୍ଡ ହୋଇଛି । ବ୍ୟାଙ୍କ କର୍ମଚାରୀ ଜିତେନ୍ଦ୍ର ସାହୁ ନରେନ୍ଦ୍ର କୋଣ ଅଞ୍ଚଳରେ ଘର କରୁଥିବା ବେଳେ କିଛି ଦୁର୍ବୃତ୍ତ ଆସି ତାଙ୍କୁ ବାରମ୍ବାର ଦାଦାବଟି ମାଗୁଥିଲେ । ହେଲେ ଜିତେନ୍ଦ୍ର ଏହାକୁ ଏଡ଼ାଇ ଚାଲିଥିଲେ ।

Also Read

ମମିତା ମେହେର ହତ୍ୟା ଘଟଣାକୁ ନେଇ ରାଜ୍ୟରେ ରାଜନୈତିକ ଝଡ଼, ବଢ଼ୁଛି ଗୃହ ରାଷ୍ଟ୍ରମନ୍ତ୍ରୀଙ୍କ ଅଡ଼ୁଆ

ପର୍ଯ୍ୟଟନ ଶିଳ୍ପକୁ ବେହାଲ କରିଛି କରୋନା

ଖାଲି ଗୋବିନ୍ଦ ସାହୁର ପରକୀୟା ପ୍ରୀତି କଥା ଜାଣିଥିଲେ ମମିତା ନା ଆଉ କିଛି ରହିଛି ରହସ୍ୟ ?

ଗତକାଲି ସଂଧ୍ୟାରେ ପୁଣି ଦାଦାବଟି ମାଗିବାରୁ ଜିତେନ୍ଦ୍ରଙ୍କ ସହ ଦୁର୍ବୃତ୍ତଙ୍କର ବଚସା ହୋଇଥିଲା । ପରେ ସେମାନେ ପଳାଇଥିଲେ । ରାତିରେ ଆସି ପୁଣି ଦୁର୍ବୃତ୍ତମାନେ କବାଟ ବାଡ଼େଇ ଜିତେନ୍ଦ୍ରଙ୍କୁ ଡାକିଥିଲେ । ଜିତେନ୍ଦ୍ର କବାଟ ଖୋଲିବାରୁ ସେମାନେ ଗୁଳି କରିଥିଲେ । ତେବେ ସ୍ୱାମୀ ଜିତେନ୍ଦ୍ରଙ୍କୁ ବଞ୍ଚାଇବାକୁ ଚେଷ୍ଟା କରିବାରୁ ଗୁଳିଟି ପତ୍ନୀ ଶକୁନ୍ତଳାଙ୍କ ପଛପଟ ଅଣ୍ଟାରେ ବାଜିଥିଲା । ତାଙ୍କୁ ପ୍ରଥମେ ପୁରୀ ଜିଲ୍ଲା ହସ୍ପିଟାଲ ନିଆଯାଇଥିଲା । ଅବସ୍ଥା ଗରୁତର ହେବାରୁ ଶକୁନ୍ତଳାଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଛି । ଏବେ ତାଙ୍କ ଅବସ୍ଥା ସ୍ଥିର ରହିଛି । ସେହିପରି ଦୁର୍ବୃତ୍ତମାନେ ଆଉ ତିନି ଜଣଙ୍କୁ ମଧ୍ୟ ବଟି ମାଗିଛନ୍ତି । ବଟି ନ ଦେବାରୁ ଆକ୍ରମଣ କରିବାରୁ ୩ ଜଣ ଆହତ ହୋଇଥିବା ଜଣାପଡ଼ିଛି ।

ସେପଟେ ପୁରୀରେ ଆଜି ପୋଲିସ ଜଣେ ଦୁର୍ଦ୍ଦାନ୍ତ ଅପରାଧୀକୁ ଏନ୍‌କାଉଣ୍ଟର କରିଛି । ଦୁର୍ଦ୍ଦାନ୍ତ ଅପରାଧୀ ବିଜୁ ବେହେରାକୁ ଏନ୍‌କାଉଣ୍ଟର କରିଛି ପୁରୀ ପୋଲିସ୍‌ । ବିଜୁର ବାମ ଗୋଡ଼ରେ ବାଜିଛି ଗୁଳି । ତାକୁ ମେଡ଼ିକାଲ୍‌ରେ ଭର୍ତ୍ତି କରାଯାଇଛି । ଶ୍ରୀକ୍ଷେତ୍ର ପୁରୀ ନରେନ୍ଦ୍ରକୋଣରେ ଗୁଳିକାଣ୍ଡ ଘଟଣାର ମୁଖ୍ୟ ଅଭିଯୁକ୍ତ ହେଉଛି ବିଜୁ । 

ମଙ୍ଗଳବାର ରାତିରେ ନରେନ୍ଦ୍ରକୋଣରେ ଜଣେ ମହିଳାଙ୍କୁ ଗୁଳି କରିଥିଲା ବିଜୁ । ଗୁଳି ମାଡ଼ ପରେ ଅଭିଯୁକ୍ତ ବିଜୁ ବେହେରା ଚନ୍ଦନପୁର ଥାନା ଅଞ୍ଚଳରେ ଲୁଚି ରହିଥିଲା । ଏ ସମ୍ପର୍କରେ ଖବର ପାଇ ପୋଲିସ୍‌ ଅଚାନକ ଚଢ଼ଉ କରିଥିଲା । ବିଜୁକୁ ଆତ୍ମସମର୍ପଣ କରିବାକୁ ପୋଲିସ୍‌ କହିଥିଲା । କିନ୍ତୁ ସେ ପୋଲିସ ଉପରକୁ ପ୍ରଥମେ ଗୁଳି ଚଳାଇଥିଲା । ଏହାର ପ୍ରତିଜବାବ ଦେଇଥିଲା ପୋଲିସ୍‌ ।