ବୁଷ୍ଟର ଡୋଜ୍ ସପକ୍ଷରେ WHO

ନୂଆଦିଲ୍ଲୀ: ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ପକ୍ଷରୁ ଚୀନର ୬୦ ବର୍ଷରୁ ଉର୍ଦ୍ଧ୍ୱ ବ୍ୟକ୍ତି ମାନଙ୍କୁ କୋଭିଡର ତୃତୀୟ ଡୋଜ ଦେବା ପାଇଁ ନିର୍ଦ୍ଦେଶ ଦିଆଯାଇଛି । ଦୁଇଟି ଡୋଜ ପରେ ମଧ୍ୟ ଇମ୍ୟୁନିଟି ପାୱାର କମ ରହୁଥିବା କାରଣରୁ ଚୀନର ୬୦ ବର୍ଷରୁ ଉର୍ଦ୍ଧ୍ୱ ଲୋକଙ୍କୁ ତୃତୀୟ ଡୋଜ ଦେବା ପାଇଁ WHO ପକ୍ଷରୁ ସୋମବାର ପରାମର୍ଶ ଦିଆଯାଇଛି । ଏହି ବୁଷ୍ଟର ଡୋଜ ପାଇଁ ସମସ୍ତ ଦେଶ ପ୍ରସ୍ତୁତି ହେବା ପାଇଁ WHO ପକ୍ଷରୁ କୁହାଯାଇଛି ।

WHO ବିଶେଷଜ୍ଞ କହିବା ଅନୁଯାୟୀ ଚୀନରେ ଦୁଇ ଡୋଜ ଟୀକାକରଣ ପରେ ମଧ୍ୟ ଲୋକଙ୍କ ମଧ୍ୟରେ ଇମ୍ୟୁନିଟି ପାୱାର ଦୁର୍ବଳ ହେଉଥିବାର ଦେଖାଯାଉଛି । ତେବେ ଏହି ପରିସ୍ଥିତିରେ ସେମାନଙ୍କୁ କୋଭିଡର ତୃତୀୟ ଡୋଜ ଦିଆଯିବା ଉଚିତ୍ ବୋଲି WHO ପରାମର୍ଶ ଦେଇଛି । ୬୦ ବର୍ଷରୁ ଉର୍ଦ୍ଧ୍ୱ ବ୍ୟକ୍ତିଙ୍କର ପ୍ରତିରକ୍ଷା ଶକ୍ତି କମ ଥିବାରୁ ସେମାନଙ୍କୁ ସଂକ୍ରମିତ ହେବାର ଆଶଙ୍କା ଅଧିକ ରହିଥାଏ ।

Also Read

୧୦୦ ନୂଆ ସୈନିକ୍ ସ୍କୁଲକୁ ମୋଦି କ୍ୟାବିନେଟରେ ମଞ୍ଜୁରୀ : ଆଡମିଶନ କରିପାରିବେ ୫୦୦୦ ଛାତ୍ରଛାତ୍ରୀ

ପୁଣି ବଢ଼ିଲା ସିଏନଜି ଓ ପିଏନଜି ମୂଲ୍ୟ : ୧୦ ଦିନରେ ଦ୍ୱିତୀୟ ଥର ପାଇଁ ମହଙ୍ଗା ହେଲା ଗ୍ୟାସ୍

ଭବାନୀପାଟଣାରେ ୧୪୪ ଧାରା ଜାରି, ସବୁ ପ୍ରବେଶ ପଥ ସିଲ୍

ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) କହିଛି ଯେ ଚୀନର ସିନୋଭାକ ଏବଂ ସିନୋଫାର୍ମ ଟିକା ନେଇ ଥିବା ୬୦ବର୍ଷରୁ ଅଧିକ ଲୋକଙ୍କୁ କୋଭିଡ -୧୯ ର ତୃତୀୟ ଡୋଜ ଦିଆଯିବା ଉଚିତ। WHO କହିଛି ଅନୁଯାୟୀ ସିନୋଭାକ୍ ଏବଂ ସିନୋଫାର୍ମ ଟିକା ନେଇଥିବା ଲୋକମାନଙ୍କ ମଧ୍ୟରେ ପ୍ରତିରକ୍ଷା ଶକ୍ତି ଦୁର୍ବଳ ହେଉଥିବାର ଦେଖାଯାଉଛି । ଏହି କ୍ଷେତ୍ରରେ ସଂକ୍ରମଣକୁ ରୋକିବାକୁ ହେଲେ ତୃତୀୟ ଡୋଜ ଟୀକାକରଣର ନିହାତି ଆବଶ୍ୟକ । କେବଳ ଚୀନ ନୁହେଁ ବରଂ ସମସ୍ତ ଦେଶ ମାନେ କୋଭିଡର ବୁଷ୍ଟର ଡୋଜ ନେବା ପାଇଁ କୁହାଯାଇଛି ।

SAGE ପକ୍ଷରୁ କୁହାଯାଇଛି ଯେ ସବୁ ଦେଶ ଗୁଡିକ ଯଥାସମ୍ଭବ ଲୋକଙ୍କୁ ଦୁଇଟି ଡୋଜ ଦେବାର ଲକ୍ଷ୍ୟ ରଖିବା ଉଚିତ୍ । ଏହା ପରେ ତୃତୀୟ ଡୋଜ ପାଇଁ ମଧ୍ୟ ପ୍ରସ୍ତୁତି ଆରମ୍ଭ ହେବା ଉଚିତ୍ । ସର୍ବପ୍ରଥମେ ଏହି ତୃତୀୟ ଡୋଜ ବୃଦ୍ଧଙ୍କୁ ଦିଆଯିବା ଉଚିତ୍ । ବିଶେଷଜ୍ଞମାନେ କହିଛନ୍ତି ଯେ ଅଧିକ ଜନସଂଖ୍ୟା ଥିବା ଦେଶ ମାନେ ଶୀଘ୍ର ତୃତୀୟ ଡୋଜ ପାଇଁ WHO ନିକଟରେ ସୁପାରିସ କରିବା ଦରକାର । ଚୀନ ବ୍ୟତିତ ବିଶ୍ୱର ପ୍ରାୟ ଦେଶ ମାନଙ୍କରେ କରୋନାର ସ୍ଥିତି ବିଗିଡିବାରେ ଲାଗିଛି ।