• translate
Prangyan Parimita

News Highlights

  • ୧୦ ବର୍ଷରୁ କମ୍ ବୟସର ପିଲାଙ୍କୁ ସଂକ୍ରମିତ କଲାଣି କରୋନା

  • ମିଜୋରାମରେ ଶିଶୁ ସଂକ୍ରମଣ ସ୍ଥିତି ଭଲ ନାହିଁ

ନୂଆଦିଲ୍ଲୀ : ପିଲାଙ୍କୁ ଘାରିଲାଣି କରୋନା ଭୟ । ଭାରତରେ ସକ୍ରିୟ ସଂକ୍ରମିତଙ୍କ ମଧ୍ୟରେ ଧୀରେ ଧୀରେ ଶିଶୁଙ୍କ ସଂଖ୍ୟାରେ ବୃଦ୍ଧି ଘଟିଲାଣି । ନିକଟରେ ଅନୁଷ୍ଠିତ ହୋଇଥିବା ଏକ ବୈଠକରେ ଉପସ୍ଥାପିତ ହୋଇଥିବା empowered group (EG-1) ର ତଥ୍ୟରୁ ଏହି ସୂଚନା ମିଳିଛି । EG-1 ଉପରେ ଦେଶର କୋଭିଡ ଜରୁରୀକାଳୀନ ରଣନୀତି ପ୍ରସ୍ତୁତ କରିବାର ଦାୟିତ୍ୱ ନ୍ୟସ୍ତ ରହିଛି । ତେବେ ଏହି ସୂଚନାକୁ 'ନାଟକୀୟ' କୁହାଯାଇପାରିବ ନାହିଁ ବୋଲି ବିଶେଷଜ୍ଞମାନେ କହିଛନ୍ତି । ହୁଏତ ବୟସ୍କଙ୍କ ଠାରେ ଭାଇରସର ସମ୍ବେଦନଶୀଳତା ହ୍ରାସ ହୋଇପାରେ ବୋଲି କୁହାଯାଉଛି । ଅନ୍ୟପଟେ ଏପରି ପରିସ୍ଥିତିରେ ମିଜୋରାମରେ ଶିଶୁ ସଂକ୍ରମଣ ସ୍ଥିତି ଭଲ ନାହିଁ । ସେହିପରି ରାଜଧାନୀ ଦିଲ୍ଲୀରେ ଶିଶୁ ସଂକ୍ରମଣ ମାମଲା ଆଶ୍ୱସ୍ତିକର ରହିଛି ।

ଜାରି ହୋଇଥିବା ଡାଟା ଅନୁସାରେ ମୋଟ ସକ୍ରିୟ ମାମଲାରେ ୧ ରୁ ୧୦ ବର୍ଷ ବୟସର ପିଲାଙ୍କ ସଂଖ୍ୟା ମାର୍ଚ୍ଚରେ ୨.୮୦ ଥିଲା, ଯାହା ଅଗଷ୍ଟରେ ୭.୦୪ କୁ ବୃଦ୍ଧି ପାଇଛି । ଏହାର ଅର୍ଥ ହେଉଛି ୧୦୦ ସକ୍ରିୟ ମାମଲାରେ ପ୍ରାୟ ୭ ପିଲା ଅଛନ୍ତି । NITI ଆୟୋଗ ସଦସ୍ୟ ଭି.କେ ପାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ EG-1 ବୈଠକରେ ଏହି ତଥ୍ୟ ଦିଆଯାଇଥିଲା । ବୈଠକରେ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ସମେତ ଅନେକ ମନ୍ତ୍ରଣାଳୟର ଅଧିକାରୀ ଉପସ୍ଥିତ ଥିଲେ ।

ମାର୍ଚ୍ଚ ପୂର୍ବରୁ ନଅ ମାସରେ ଜୁନ୍ ୨୦୨୦ରୁ ଆରମ୍ଭ କରି ଫେବୃଆରୀ ୨୦୨୧ ପର୍ଯ୍ୟନ୍ତ ନଅ ମାସରେ ମୋଟ ସକ୍ରିୟ ମାମଲାର ଶିଶୁ ସଂକ୍ରମିତଙ୍କ ହାର ଥିଲା ୨.୭୨% -୩.୫୯ % ଥିଲା । ୧୮ ରାଜ୍ୟ ଏବଂ କ୍ରେନ୍ଦ୍ରଶାସିତ ଅଞ୍ଚଳର ଡାଟା ଅନୁସାରେ ଶିଶୁ ସଂକ୍ରମିତଙ୍କ ସଂଖ୍ୟା ମିଜୋରାମରେ ଅଧିକ ଏବଂ ରାଜଧାନୀରେ ଏହା ସବୁଠାରୁ କମ୍ ।

ସେପଟେ ଦେଶରେ କରୋନାର ତୃତୀୟ ଲହରୀର ଆଶଙ୍କା ଖୁବ୍ କମ୍ ବୋଲି କହିଛନ୍ତି ଆଇସିଏମ୍‌ଆର୍‌ର ପୂର୍ବତନ ବୈଜ୍ଞାନିକ । ତୃତୀୟ ଲହରୀ ଆସିଲେ ମଧ୍ୟ ଦ୍ୱିତୀୟ ଲହରୀ ଅପେକ୍ଷା ଦୁର୍ବଳ ସାବ୍ୟସ୍ତ ହେବ ବୋଲି ଦାବି କରିଛନ୍ତି ବୈଜ୍ଞାନିକ ଡଃ ରମଣ ଗଙ୍ଗାଖେଡକର (Dr Raman Gangakhedkar) । ତୃତୀୟ ଲହରୀ ଦୁର୍ବଳ ହେବା ସମ୍ଭାବନା ଥିଲେ ସୁଦ୍ଧା ତୁରନ୍ତ ସ୍କୁଲ ଖୋଲିବାକୁ ନିଷ୍ପତ୍ତି ନେବା ଉଚିତ୍ ନୁହେଁ । ପିଲାମାନଙ୍କ ମଧ୍ୟରେ କୋଭିଡର ପ୍ରଭାବ ଦୀର୍ଘ ସମୟ ଧରି ଭୟଙ୍କର ହୋଇପାରେ ବୋଲି କିଛି ନୂତନ ଅଧ୍ୟୟନରେ କୁହାଯାଉଛି । ଏପରିସ୍ଥଳେ ପିଲାଙ୍କ ପାଇଁ ବିଶେଷ ଧ୍ୟାନ ଦେବା ଜରୁରୀ । ଏହାସହ ସ୍କୁଲ ଖୋଲିବା ପାଇଁ ଏକ ଭିନ୍ନ ଆଭିମୁଖ୍ୟ ରହିବା ଉଚିତ ବୋଲି ସେ କହିଛନ୍ତି ।

Other Stories

  • Heavy Rain in Bhubaneswar
    Exclusive ବର୍ଷାରେ ବେହାଲ ରାଜଧାନୀ; ବୁଡ଼ିଲା କଟକ, ଉବୁଟୁବୁ ପୁରୀ

    ରବିବାର ସକାଳ ୮ରୁ ସୋମବାର ସକାଳ ୮ଟା ୨୪ ଘଣ୍ଟାରେ ୬୩ ବର୍ଷର ରେକର୍ଡ ଭାଙ୍ଗି ମୂଷଳ ଧାରା ବର୍ଷାରେ ରାଜଧାନୀ ଭୁବନେଶ୍ୱର ବେହାଲ ହୋଇପଡିଛି। ସହର ଜଳମୟ ହୋଇଯାଇଛି। ରାସ୍ତା, ରେଳଷ୍ଟେସନ୍, ଗଳିକନ୍ଦି ଯେଉଁଠି ଦେଖ...

  • Bhadrak
    Crime ଆବାସ ଟଙ୍କା ହେର ଫେର ଅଭିଯୋଗରେ କିରାଣି ଗିରଫ

    ଟଙ୍କା ଖାଇ ନିଲମ୍ବନ ହୋଇଥିଲେ ଏବେ ଗିରଫ ହେଲେ। କିରାଣୀ ଖାଇଯାଇଥିଲେ ୩୪ ଇନ୍ଦିରା ଆାବାସ ଟଙ୍କା। ୩୪ ଜଣ ଇନ୍ଦିରା ଆବାସ ହିତାଧିକାରୀଙ୍କ ଆକାଉଣ୍ଟକୁ ଯିବାକୁ ଥିବା ୨୦ ଲକ୍ଷ ୨୫ ହଜାର ଟଙ୍କାକୁ ନିଜ...

  • Virupaksha Shiva Temple
    Miscellaneous ମନ୍ଦିରର ଖମ୍ବରୁ ଆସୁଛି ସଂଗୀତର ଶବ୍ଦ

    ଭାରତର ପ୍ରସିଦ୍ଧ ଐତିହାସିକ ମନ୍ଦିର ତାଲିକାରେ ରହିଛି କର୍ଣ୍ଣାଟକର ହାମ୍ପିରେ ଅବସ୍ଥିତ ବିରୁପାକ୍ଷ ମନ୍ଦିର। ବିଶ୍ୱାସ କରାଯାଏ ଯେ ହାମ୍ପି ହେଉଛି ରାମାୟଣ ସମୟର କିଷ୍କିନ୍ଧା। ଏହି ମନ୍ଦିରରେ ଭଗବାନ ଶିବଙ୍କ ବିରପାକ୍ଷ ରୂପକୁ ପୂଜା କରାଯାଏ।...