କାଲି ପରେ ଆଜି ବି ବଢିଲା ସୁନା ଦର

ନୂଆଦିଲ୍ଲୀ: ବୁଧବାର ଅର୍ଥାତ୍‌ ସେପ୍ଟେମ୍ବର ୨୯, ୨୦୨୧ରେ ପୁଣି ବଢିଛି ସୁନା ଦର  । ଅଳ୍ପ ହେଲେ ବି ସୁନା ଦରରେ ସାମାନ୍ୟ ବୃଦ୍ଧି ଘଟିଛି। ତେବେ ରୂପା ଦରରେ ସାମାନ୍ୟ ହ୍ରାସ ଘଟିଥିବା ପରିଲକ୍ଷିତ ହୋଇଛି। ଅନ୍ତରାଷ୍ଟ୍ରୀୟ ବୁଲିୟନ ମାର୍କେଟରେ ଆଜି କାରବାରରେ ବୃଦ୍ଧି ଘଟିଥିବାବେଳେ ସୁନା ଦର ମଧ୍ୟ ଉଚ୍ଚା ଥିବା ଲକ୍ଷ୍ୟ କରାଯାଇଥିଲା। ଆଜି ସକାଳେ ମଲ୍‌ଟି-କମଡିଟି ଏକ୍ସଚେଞ୍ଜରେ ସୁନା ଦର ୦.୦୪ ପ୍ରତିଶତ ବୃଦ୍ଧି ସହ ୧୦ ଗ୍ରାମ ପିଛା ୪୫, ୮୭୦ ଟଙ୍କାରେ ବିକ୍ରି ହେଉଥିଲା। ଅନ୍ୟପକ୍ଷେ ରୂପା ୦.୨୨ ପ୍ରତିଶତ କମ୍‌ରେ କିଲୋଗ୍ରାମ ପିଛା ୬୦, ୩୩୦ ଦରରେ ବିକ୍ରି ହେଉଛି।
GoldPrice.orgରେ ଦେଖିଲେ  ଅନ୍ତରାଷ୍ଟ୍ରୀୟ ବଜାରରେ ଭାରତୀୟ ସମୟ ସକାଳ ୧୧.୫୭ରେ MCX ଅନୁସାରେ ସୁନା ଦରରେ ୦.୧୫ ପ୍ରତିଶତ ବୃଦ୍ଧି ଘଟିଛି। ଆମେରିକିରୀୟ ଦରରେ ପ୍ରତି ଆଉନ୍ସ ପିଛା ୧୭୩୭.୯୧ ଡଲାରରେ ଟ୍ରେଡ କରୁଛି।  ସେହିପରି ରୂପା ପ୍ରତି ଆଉନ୍ସ ପିଛା ୦,୯୦ ପ୍ରତିଶତ ହ୍ରାସ ସହ ୨୨.୨୯ ଡଲାରରେ  ରହିଛି। 

Also Read

ମହେନ୍ଦ୍ର ଗିରିଙ୍କ ଉତ୍ତରାଧିକାରୀ ହେଲେ ବଲବୀର ଗିରି ! ଗୁରୁଙ୍କ ୱିଲ୍ ଆଧାରରେ ପଞ୍ଚ ପରମେଶ୍ୱରଙ୍କ ନିଷ୍ପତ୍ତି

ବିଦ୍ୟୁତ୍‌ ପାଇଁ ବିକଳ ଚୀନ, ଅଧିକ ବିଦ୍ୟୁତ୍‌ ବ୍ୟବହାର ନକରିବା ଲାଗି ପରାମର୍ଶ

ସୂର୍ଯ୍ୟାସ୍ତ ପରେ କରନ୍ତୁ ନାହିଁ ଦାନ,ସୁଖ ଏବଂ ସମୃଦ୍ଧିର ହେବ କ୍ଷତି

ସେହିପରି Good Returns ୱେବସାଇଟ ଉପରେ ନଜର ପକାଇଲେ ଦେଖିବାକୁ ପାଇବା,  ୨୪ କ୍ୟାରେଟ  ସୁନାର ମୂଲ୍ୟ ୧ ଗ୍ରାମ ପିଛା ୪, ୬୦୩, ୮ ଗ୍ରାମ ପିଛା ୩୬, ୮୨୪, ୧୦ ଗ୍ରାମ ପ୍ରତି ୪୬,୦୩୦ ଏବଂ ୧୦୦ ଗ୍ରାମ ପ୍ରତି ୪, ୬୦, ୩୦୦ ଟଙ୍କା  ରହିଛି। ସେହିପରି ପ୍ରତି ୨୨ କ୍ୟାରେଟ ସୁନା ପ୍ରତି ୧୦ ଗ୍ରାମ ପିଛା ଦର ୪୫, ୦୩୦ରେ ବିକ୍ରି ହେଉଛି। 

ପ୍ରମୁଖ ସହରରେ ସୁନାର ମୂଲ୍ୟ ଦର ଉପରେ ନଜର ପକାଇଲେ ଦେଖିବା, ଦିଲ୍ଲୀରେ ୨୨ କାରେଟ ସୁନାର ଦାମ ୪୫,୦୩୦ ଏବଂ ୨୪ କ୍ୟାରେଟ ସୁନାର ଦାମ ୪୬,୦୩୦ ରହିଛି। କୋଲକାତାରେ ୨୨ କ୍ୟାରେଟ ସୁନାର ଦାମ୍‌ ୪୫, ୫୯୦ ଟଙ୍କା ଏବଂ ୨୪ କ୍ୟାରେଟ ସୁନାର ଦାମ ୪୮,୨୯୦ ଟଙ୍କା ରହିଛି। ଚେନ୍ନାଇରେ ୨୨ କ୍ୟାରେଟ ସୁନା ଦାମ୍‌ ୪୩, ୫୦୦ ଟଙ୍କା ଏବଂ ୨୪ କ୍ୟାରେଟ ସୁନା ପ୍ରତି ୧୦ ଗ୍ରାମ ପିଛା ଦାମ ୪୭, ୪୬୦ ଟଙ୍କା ରହିଛି। 
ସେହପରି ରୂପା ଦର ଉପରେ ନଜର ପକାଇଲେ ଦେଖିବା, ପ୍ରତିକିଲୋ ଚାନ୍ଦିର ଦାମ ୬୦. ୪୫୦ ଟଙ୍କା ରହିଛି। ଦିଲ୍ଲୀରେ ରୂପା କିଲୋ ପ୍ରତି ୬୦, ୪୫୦ ଟଙ୍କା ଥିବାବେଳେ ମୁମ୍ବାଇ ଏବଂ କୋଲକାତାରେ ରୂପା ଦର ମଧ୍ୟ ସମାନ ରହିଛି। ଚେନ୍ନାଇରେ ରୂପା କିଲୋଗ୍ରାମ ପିଛା ଦର ୬୪, ୮୦୦ ରହିଛି।