ଧରାପଡ଼ିଲା ପାକିସ୍ତାନର ମିଛ

ଇସ୍‌ଲାମାବାଦ: ଧରାପଡ଼ିଲା ପାକିସ୍ତାନର ମିଛ। ବିଶ୍ୱ ସମ୍ମୁଖରେ ପାକିସ୍ତାନର ମିଛ କଥା ଧରାପଡ଼ି ଯାଇଛି। ଗତକାଲିଠୁ ଭାରତୀୟ ମିଗ୍ ବିମାନକୁ ଖସାଇଥିବା ଦାବି କରୁଥିଲା ପାକିସ୍ତାନ ସେନା। ଏଥିସହ ସୋଶାଲ୍‌ ମିଡିଆରେ ଘୁରି ବୁଲିଥିବା ଫଟୋକୁ ଦେଖାଇ ପାକିସ୍ତାନ ଦମ୍ବୋକ୍ତି ମଧ୍ୟ କରୁଥିଲା। ଯାହା ଡାହା ମିଛ ବୋଲି ଜଣାପଡ଼ିଛି।

Image Credit: ANI

ପାକିସ୍ତାନ ବାୟୁ ସେନାର F16 ବିମାନର ଭଗ୍ନାବଶେଷ, ଯାହାକି ଭାରତୀୟ ବାୟୁସେନା ଦ୍ୱାରା ବୁଧବାର ଦିନ ଖସାଇ ଦିଆଯାଇଥିଲା, ପିଓକେରେ ଏହାକୁ ପାକିସ୍ତାନର ସେନା ଅଧିକାରୀ ଅନୁଧ୍ୟାନ କରୁଥିବା ଏହି ଫଟୋରେ ଦେଖିବାକୁ ମିଳିଛି।

ପିଓକେର ବାଲାକୋଟ୍‌ରେ ଜୈଶ୍‌-ଏ-ମହମ୍ମଦ ଆତଙ୍କବାଦୀ ଶିବିର ଉପରେ ଭାରତୀୟ ବାୟୁସେନାର ଏୟାର ଷ୍ଟ୍ରାଇକ୍‌ ପରେ ବୁଧବାର ଦିନ ପାକିସ୍ତାନ ଏହାର ବାୟୁସେନାକୁ ବ୍ୟବହାର କରି ଭାରତ ପଟେ ଥିବା ସେନା ଶିବିର ଉପରେ ଟାର୍ଗେଟ୍‌ କରିଥିଲା। ହେଲେ ଏନେଇ ଭାରତ ପୂର୍ବରୁ ସତର୍କ ଥିବାରୁ ପାକିସ୍ତାନର ଉଦ୍ୟମ ପଣ୍ଡ କରିଥିଲା ବୋଲି ବୈଦେଶିକ ବ୍ୟପାର ମନ୍ତ୍ରଣାଳୟ ଗତକାଲି କହିଥିଲା।

You might also like