ଦିଲ୍ଲୀରେ ସିଏଏ ସପକ୍ଷବାଦୀ ଓ ଆନ୍ଦୋଳନକାରୀଙ୍କ ମଧ୍ୟରେ ପଥର ମାଡ଼

ନୂଆଦିଲ୍ଲୀ: ଦିଲ୍ଲୀର ମୌଜପୁର ଅଞ୍ଚଳରେ ନାଗରିକତା ସଂଶୋଧନ ଆଇନ (ସିଏଏ) ସମର୍ଥନରେ ଏକ ଶୋଭାଯାତ୍ରା ସମୟରେ ପଥର ମାଡ଼ ଦେଖିବାକୁ ମିଳିଛି। ଏହି ଅଞ୍ଚଳ ଜାଫ୍ରାବାଦ୍‌ ନିକଟବର୍ତ୍ତୀ, ଯେଉଁଠାରେ ଏବେ ସିଏଏ ବିରୋଧରେ ଆନ୍ଦୋଳନ ଚାଲୁ ରହିଛି। ତେବେ ମୌଜପୁରଠାରେ ବିଜେପି ନେତା କପିଲ ମିଶ୍ରା ସିଏଏ ସମର୍ଥନରେ ରାଲି କରିବା ପରେ ବିବାଦ ବଢ଼ିଯାଇଛି।

ଏବେ ପରିସ୍ଥିତିକୁ ଲକ୍ଷ୍ୟ ରଖି ସ୍ଥାନୀୟ ଅଞ୍ଚଳରେ ଅତିରିକ୍ତ ପୁଲିସ୍‌ ମୂତୟନ କରାଯାଇଛି। ସେହି ଅଞ୍ଚଳ ସମେତ ସମସ୍ତ ଡିସିପି ମାନଙ୍କୁ ଡକାଯାଇଛି। ମୌଜପୁରଠାରେ ଅଧିକ ଅର୍ଦ୍ଧସାମରିକ ବାହିନୀ ନିୟୋଜିତ କରାଯାଇଛି। ମିଳିଥିବା ସୂଚନା ଅନୁଯାୟୀ, ଦୁଇ ଗୋଷ୍ଠୀଙ୍କ ମଧ୍ୟରେ ମୁହାଁମୁହିଁ ହେବାପରେ ପଥର ମାଡ଼ ହୋଇଥିଲା। ଏହପରେ ପୁଲିସ୍‌ ଲୁହ ବୁହା ଗ୍ୟାସ୍‌ ପ୍ରୟୋଗ କରି ପରିସ୍ଥିତିକୁ ନିୟନ୍ତ୍ରଣକୁ ଆଣିଥିଲା।

ଏଥିରେ ବେଶ କିଛି ଜଣ ଆହତ ହୋଇଛନ୍ତି। ବର୍ତ୍ତମାନ ସିଏଏ ବିରୋଧୀ ଆନ୍ଦୋଳନ କାରଣରୁ ଶାହୀନ୍‌ ବାଗ୍‌-କାଳିନ୍ଦୀ କୁଞ୍ଜ-ସରିତା ବିହାର ରୋଡ୍‌, ୱାଜିରବାଦ୍‌-ଚନ୍ଦବାଗ୍‌ ରୋଡ୍‌ ଏବଂ ମୌଜପୁର-ଜାଫ୍ରାବାଦ୍‌ ରୋଡ୍‌ ବନ୍ଦ ରହିଛି। ତେବେ ଜାଫ୍ରାବାଦ୍‌ ରୋଡ୍‌ ଖୋଲିବା ପାଇଁ ଦିଲ୍ଲୀ ପୁଲିସ୍‌କୁ ୩ ଦିନର ମହଲତ ଦେଇଛନ୍ତି ବିଜେପି ନେତା କପିଲ ମିଶ୍ରା। ସେ କହିଛନ୍ତି, ଚନ୍ଦବାଗ୍‌ ଏବଂ ଜାଫ୍ରାବାଦ୍‌ରେ ୩ ଦିନ ମଧ୍ୟରେ ରାସ୍ତା ଖୋଲିବାକୁ ହେବ। ଏହାପରେ ଆମକୁ ବୁଝାଇବନି, ଆମେ ତୁମକୁ ଆଉ ଶୁଣିବୁ ନାହିଁ। ଆମେ ରାସ୍ତାକୁ ଓହ୍ଲାଇବୁ। ସୂଚନାଯୋଗ୍ୟ ଯେ, ଏହି ସମୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ଗସ୍ତରେ ଥିବେ।

ଗତକାଲି ରାତିରେ ପ୍ରାୟ ୫୦୦ ଲୋକ ଜାଫ୍ରାବାଦ୍ ମେଟ୍ରୋ ଷ୍ଟେସନ୍‌ ପାଖରେ ଏକାଠି ହୋଇଥିଲେ। ସେମାନେ ରାସ୍ତା ଜାମ୍‌ ମଧ୍ୟ କରିଥିଲେ। ଏହାପରେ କପିଲ ରବିବାର ଏହା ପାଖ ଅଞ୍ଚଳରେ ହିଁ ସିଏଏ ସମର୍ଥନରେ ରାଲି କରିଥିଲେ।

ସେ ଏକ ଜନସଭାକୁ କହିଥିଲେ, ଦିଲ୍ଲୀରେ ନିଆଁ ଲାଗିଥାଉ ବୋଲି ଏମାନେ ଚାହୁଁଛନ୍ତି। ଏଥିପାଇଁ ଏମାନେ ରାସ୍ତା ବନ୍ଦ କରୁଛନ୍ତି। ଏଥିପାଇଁ ଦଙ୍ଗା ପରି ପରିବେଶ ସୃଷ୍ଟି କରୁଛନ୍ତି। ଆମ ତରଫରୁ ଗୋଟିଏ ବି ପଥର ମାଡ଼ ହୋଇନି।

 

ଆହୁରି ପଢ଼ନ୍ତୁ

‘ଏପ୍ରିଲ ଫୁଲ୍‌’ କରିବାକୁ ଯାଇ କରନ୍ତୁ ନାହିଁ ଏମିତି ଭୁଲ, ନ ହେଲେ…

ସାରା ବିଶ୍ୱରେ ୮ ଲକ୍ଷ ଟପିଲା କରୋନା ଆକ୍ରାନ୍ତଙ୍କ ସଂଖ୍ୟା

‘ପିଏମ କେୟାର୍ସ ଫଣ୍ଡ’କୁ ଦାନ କଲେ ମୋଦିଙ୍କ ମା’

ପୂରା ବିଶ୍ୱରେ କରୋନା ସ୍ଥିତି ଜଟିଳ: ପଢ଼ନ୍ତୁ ସମ୍ପୂର୍ଣ୍ଣ ରିପୋର୍ଟ

ନିଜାମୁଦ୍ଦିନ ଧାର୍ମିକ ସଭାରୁ ଫେରିଥିବା ୫୦ ତାମିଲନାଡୁ ନାଗରିକ କରୋନା ଆକ୍ରାନ୍ତ

ମହାରାଷ୍ଟ୍ରରେ ଆଜି ୭୨ କରୋନା ରୋଗୀ ଚିହ୍ନଟ: ଆକ୍ରାନ୍ତଙ୍କ ସଂଖ୍ୟା ୩୦୦ ଟପିଲା

କୋଭିଡ୍-୧୯ ଆକ୍ରାନ୍ତରେ ୧୨ ବର୍ଷୀୟା ନାବାଳିକାଙ୍କ ମୃତ୍ୟୁ

ପ୍ରବାସୀ ଶ୍ରମିକଙ୍କ ପାଇଁ କମିଟି ଗଠନ କରିବାକୁ ୨୪ ଘଣ୍ଟା ମହଲତ ଦେଲେ ସୁପ୍ରିମକୋର୍ଟ

BSNLର ମାଗଣା ସୁବିଧା; ଜିଓ, ଏୟାର୍‌ଟେଲ୍‌ ଓ ଭୋଡ଼ା ଆଣିଲେ ନୂଆ ଅଫର୍‌

ଆଦିବାସୀଙ୍କ ପାଇଁ କାନ୍ଧରେ ଖାଦ୍ୟ ସାମଗ୍ରୀ ବୋହି ୩କିମି ଚାଲିଲେ ଜିଲ୍ଲାପାଳ ଓ ବିଧାୟକ

୧୬ କର୍ମଚାରୀ କରୋନା ପଜିଟିଭ; କମ୍ପାନୀ ସିଲ୍‌ କଲା ପ୍ରଶାସନ

କରୋନା ରୋଗୀଙ୍କ ପାଇଁ ପାର୍କରେ ମେଡିକାଲ ନିର୍ମାଣ କଲା ଆମେରିକା

You might also like