କାଶ୍ମୀର ସମ୍ପର୍କରେ ମନ୍ତବ୍ୟ ଦେଇ କ୍ଷମା ମାଗିଲେ ଆମେରିକାର ଏହି ସାଂସଦ

ୱାଶିଂଟନ୍‌: ଜମ୍ମୁ-କାଶ୍ମୀରରେ ମାନବିକ ଅଧିକାର ବାବଦରେ ଆମେରିକାର ରାଷ୍ଟ୍ର ସଚିବ ମାଇକ୍‌ ପମ୍ପିଓଙ୍କୁ ଚିଠି ଲେଖିବା ପରେ କ୍ଷମା ମାଗିଛନ୍ତି ଜଣେ ଆମେରିକୀୟ ସାଂସଦ। ସେ ଏପରି କରିବା ପୂର୍ବରୁ ଭାରତୀୟ ବଂଶୋଦ୍ଭବ ଆମେରିକୀୟ ନାଗରିକମାନଙ୍କ ସହ ପରାମର୍ଶ କରିନଥିବାରୁ କ୍ଷମା ମାଗିଥିବା କହିଛନ୍ତି। ଜମ୍ମୁ-କାଶ୍ମୀର ପାଇଁ ସ୍ୱତନ୍ତ୍ର ଭାବେ ଲାଗୁ ହେଉଥିବା ୩୭୦ ଧାରା ଉଚ୍ଛେଦ ପରେ ଟମ୍‌ ସୁଓଜି ନାମକ ଏହି ସାଂସଦ ଏକ ଚିଠିରେ ଲେଖିଥିଲେ, ଭାରତ ସରକାରଙ୍କ ଏହି ପଦକ୍ଷେପ ପରେ ସାମାଜିକ ଅସ୍ଥିରତା ସୃଷ୍ଟି ହେବାର ଆଶଙ୍କା ରହିଛି। ସେ ଆହୁରି ମଧ୍ୟ ଲେଖିଥିଲେ ଏହା ବିଦ୍ରୋହୀ ଏବଂ ଆତଙ୍କବାଦୀଙ୍କୁ ଅଶାନ୍ତି ସୃଷ୍ଟି କରିବାକୁ ଉସକାଇବ।

ତେବେ ଚିଠିରେ ତାଙ୍କର ଏଭଳି ମନ୍ତବ୍ୟକୁ ଭାରତୀୟ ବଂଶୋଦ୍ଭବ ଆମେରିକୀୟମାନେ ଘୋର ବିରୋଧ କରିଥିଲେ। ନିର୍ବାଚନ ସମୟରେ ଏହି ଭାରତୀୟ ବଂଶୋଦ୍ଭବମାନେ ଟମ୍‌ ସୁଓଜିଙ୍କୁ ବିଭିନ୍ନ ପ୍ରକାର ସହାୟତା ଯୋଗାଇଥିଲେ ମଧ୍ୟ ଏହି ଚିଠିକୁ କେହି ମଧ୍ୟ ସହଜରେ ଗ୍ରହଣ କରିପାରିନଥିଲେ। ପ୍ରାୟ ୧୦୦ ଜଣ ଭାରତୀୟ ବଂଶୋଦ୍ଭବ ଦାବି କରିଥିଲେ ସେ ଚିଠି ପ୍ରତ୍ୟାହାର କରନ୍ତୁ।

ଏହାପରେ ଟମ୍‌ ୧୦୦ ଜଣ ଭାରତୀୟ ବଂଶୋଦ୍ଭବ ନାଗରିକଙ୍କୁ ଭେଟିଥିଲେ। ଟମ୍‌ ତାଙ୍କ ସହ ଆଲୋଚନା କରିବା ପରେ ନିଜେ ମାନିଥିଲେ ଯେ ଏଭଳି ମନ୍ତବ୍ୟ ଦେବା ପୂର୍ବରୁ ଭାରତୀୟ ବଂଶୋଦ୍ଭବଙ୍କ ସହ ଆଲୋଚନା କରିବା ଉଚିତ ଥିଲା। ସେ କହିଥିଲେ, “ମୋ ପୂରା କ୍ୟାରିଅରରେ ଭାରତ ଏବଂ ଏହା ସାର୍ବଭୌମତ୍ୱ ପ୍ରତି ସମର୍ଥନ କରିଆସିଛି। ଆତଙ୍କବାଦ ବିରୋଧରେ ସେମାନଙ୍କ ଳଢ଼େଇ ପ୍ରତି ମୋର ସମର୍ଥନ ରହିଛି।”

ଆହୁରି ପଢ଼ନ୍ତୁ

ବିହାରର ପୂର୍ବତନ ମୁଖ୍ୟମନ୍ତ୍ରୀ ଜଗନ୍ନାଥ ମିଶ୍ରଙ୍କ ପରଲୋକ

ଉତ୍ତର ଭାରତରେ ବନ୍ୟା ପରିସ୍ଥିତି ଗମ୍ଭୀର; ୨୮ ଜଣଙ୍କ ମୃତ୍ୟୁ

ନେହରୁଙ୍କ ଭୁଲ ନିଷ୍ପତ୍ତି ପାଇଁ ଗୋଆ ସ୍ୱାଧୀନତା ଫେରି ପାଇବାରେ ବିଳମ୍ବ ହେଲା-ଶିବରାଜ

ରାଜନାଥଙ୍କ ମନ୍ତବ୍ୟରେ ଇମ୍ରାନଙ୍କ ନିଦ ହଜିଗଲା, କହିଲେ, ପାକିସ୍ତାନ ସହ ନେହରୁ ଏବଂ ଗାନ୍ଧି ପରିବାର ବି ବିପଦରେ

ସ୍ୱାଭାବିକ ହେଉଛି ଜମ୍ମୁ କଶ୍ମୀର: ଖୋଲିଲା ସ୍କୁଲ, କଲେଜ ଓ ଅଫିସ

ବସ୍‌-କଣ୍ଟେନର ଧକ୍କା: ୧୧ ମୃତ

ବିଜେପିରେ ସାମିଲ୍ ହେଲେ ୬୦ ଟିଡିପି ନେତା

ନିର୍ଦ୍ୱନ୍ଦ୍ୱରେ ରାଜ୍ୟସଭାକୁ ନିର୍ବାଚିତ ହେଲେ ମନମୋହନ ସିଂହ

ବନ୍ଦୀ ମେହବୁବା ଓ ଓମାର ଅବଦୁଲ୍ଲାଙ୍କ ଦିନ ଏବେ କଟୁଛି କେମିତି, ଜାଣନ୍ତୁ

ଜମ୍ମୁର ୫ ଜିଲ୍ଲାରେ ପୁଣି ବନ୍ଦ ହେଲା ମୋବାଇଲ୍-ଇଣ୍ଟରନେଟ୍ ସେବା

ଆତଙ୍କବାଦ ବିରୋଧରେ ପାକିସ୍ତାନର ଏଫଆଇଆର୍ ନକଲି ଓ ଦୁର୍ବଳ

ପାକିସ୍ତାନର ଅପପ୍ରଚାରକୁ ଉଚିତ୍‌ ଜବାବ ଦେଉଛନ୍ତି ଜମ୍ମୁ-କାଶ୍ମୀରର ଦୁଇ ପୁଲିସ ଅଫିସର

You might also like