ଭାରତ ପରେ ଆମେରିକାରେ ବି ବ୍ୟାନ ହେବ ଟିକ୍‌ଟିକ୍‌

ୱାଶିଂଟନ: ଚୀନ୍‌ ଆପ୍‌ ଟିକ୍‌ଟକ୍‌କୁ ଭାରତରେ ବ୍ୟାନ କରାଯିବା ପରେ ଏବେ  ଆମେରିକା ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ ନିଜ ଦେଶରେ ଏହାକୁ ବ୍ୟାନ କରିବା ପାଇଁ ନିଷ୍ପତ୍ତି ନେଇଛନ୍ତି।  ଶୁକ୍ରବାର ଟ୍ରମ୍ପ ଏକ ବାର୍ତ୍ତାରେ କହଛନ୍ତି, ଆମେରିକାର ଅଧିକାରୀମାନଙ୍କୁ ସୂଚନା ମିଳିଛି ଯେ ଚୀନର ଏହି ଆପ୍‌ରୁ ଚୀନ୍‌ ଗୁଇନ୍ଦା ଏଜେନ୍ସି ତଥ୍ୟ ସଂଗ୍ରହ କରୁଛି। ଏ ନେଇ ଆମେରିକୀୟ ଅଧିକାରୀମାନେ ଚିନ୍ତା ପ୍ରକଟ କରିଛନ୍ତି।

ଏକ ପ୍ରେସ୍‌ ମିଟ୍‌ରେ ଟ୍ରମ୍ପ କହିଛନ୍ତି, ଆମେ ଟିକ୍‌ଟକ୍‌କୁ ଆମେରିକାରେ ବନ୍ଦ କରିବାକୁ ଯାଉଛୁ। ସୂଚନାଥାଉ କି, ସିଲିକନ ଭାଲିର ବିଶେଷଜ୍ଞମାନେ ଭାରତ ପରି ଆମେରିକାରେ ମଧ୍ୟ ଟିକ୍‌ଟିକ୍‌ ଆପ୍‌କୁ ବ୍ୟାନ କରିବା ପାଇଁ ପରାମର୍ଶ ଦେଇଥିଲେ।

ଟ୍ରମ୍ପ ସୂଚନା ଦେଇ କହିଛନ୍ତି, ଟିକ୍‌ଟକ୍‌ ମାଧ୍ୟମରେ ଆମର ତଥ୍ୟ ଚୀନ୍‌ର ଗୋଇନ୍ଦା ସଂସ୍ଥା ପାଖରେ ପହଞ୍ଚି ଯାଉଛି। ଏଠି କହିରଖିବୁ, ଆମେରିକାରେ ଗତବର୍ଷ ଡିସମ୍ବରରେ ସୈନିକମାନଙ୍କର ଟିକ୍‌ଟିକ୍‌ ବ୍ୟାନ ବ୍ୟବହା ଉପରେ ଟ୍ରମ୍ପ ସରକାର ପ୍ରତିବନ୍ଧକ ଲଗାଇଥିଲେ।ସୁରକ୍ଷା ବ୍ୟବସ୍ଥା ପ୍ରତି ଏହା ବିପଦ ବୋଲି ସେତେବେଳେ କୁହାଯାଇଥିଲା। ଆମେରିକା ନୌସେନା ମଧ୍ୟ ଏହି ପ୍ରତିବନ୍ଧକ ଲଗାଇଛି। ତେବେ ଫେବ୍ରୁଆରୀରେ ଟିକ୍‌ଟକ୍‌ ଏକ ମାମଲାରେ ଆମେରିକା ସଂଘୀୟ ବ୍ୟାପାର ଅୟୋଗକୁ ୫୭ ଲକ୍ଷ ଡଲାର ଦେବାକୁ ରାଜି ହୋଇଥିଲା।

 

You might also like