ଆମେରିକା ନିର୍ବାଚନ: ତୃତୀୟ ଥର ପାଇଁ ଜିତିବାକୁ ଯାଉଛନ୍ତି ଭାରତୀୟ ମୂଳ ରାଜା କ୍ରିଷ୍ଣମୂର୍ତ୍ତି

ୱାଶଂଟନ: ଆମେରିକା କଂଗ୍ରେସର ହାଉସ୍‌ ଅ‍ଫ ରିପ୍ରେଜଣ୍ଟେଟିଭ ପାଇଁ  ପ୍ରତିଦ୍ୱନ୍ଦ୍ୱିତା କରୁଥିବା ଭାରତୀୟ ମୂଳ ଡେମୋକ୍ରାଟିକ ସାଂସଦ ରାଜା କ୍ରିଷ୍ଣମୂର୍ତ୍ତି ଲଗାତାର ତୃତୀୟ ଥର ପାଇଁ  ଜିତିଛନ୍ତି। ନୂଆଦିଲ୍ଲୀରେ ଜନ୍ମିତ ୪୭ ବର୍ଷୀୟ କୃଷ୍ଣମୂର୍ତ୍ତି ଲିବରଟେରିଆନ ପାର୍ଟିର ପ୍ରତିନ୍ଦ୍ୱନ୍ଦ୍ୱୀ ପ୍ରେଷ୍ଟନ ନେଲସନ୍‌ଙ୍କ ଅତି ସହଜରେ ହରାଇଛନ୍ତି।

ମିଳିଥିବା ଶେଷ ଖବର ଅନୁଯାୟୀ, ଗଣା ସରିଥିବା ଭୋଟର ୭୧ ପ୍ରତିଶତ ଭୋଟ ତାଙ୍କୁ ମିଳିଛି। କୃଷ୍ଣମୂର୍ତ୍ତିଙ୍କ ମାତା-ପିତା ତାମିଲନାଡୁ  ବାସିନ୍ଦା। କୃଷ୍ଣମୂର୍ତ୍ତି ୨୦୧୬ରୁ ଆମେରିକା ସଂସଦର ନିମ୍ନ ସଦନ ସଦସ୍ୟ ଭାବେ ନିର୍ବାଚିତ ହୋଇ ଆସୁଛନ୍ତି।

ସୂଚନାଥାଉ କି, ଗତକାଲି ଆମେରିକା ରାଷ୍ଟ୍ରପତି ନିର୍ବାଚନ ସରିବା ପରେ ଆଜି ଭୋଟ ଗଣତି ହେଉଛି। ଆଉ କିଛି ସମୟ ଫଳାଫଳ ଜଣାପଡି ଯିବ। ଉଭୟେ ବାଇଡେନ-ଟ୍ରମ୍ପଙ୍କ ମଧ୍ୟରେ କଡା ଟକ୍କର ଚାଲିଛି।  ଭୋଟ ଗଣତି ଜାରି ରହିଥିବାବେଳେ ନିଜ ବିଜୟ ନେଇ ପୁଣି ଦୃଢ଼ୋକ୍ତି କଲେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ତେବେ କିଛି କୁଚକ୍ରୀ ଭୋଟ ଚୋରି କରିଥିବା  ଅଭିଯୋଗ କରିଛନ୍ତି ଟ୍ରମ୍ପ। ଯଦି କିଛି ଗଡ଼ବଡ଼ ଜଣାପଡ଼େ, ସୁପ୍ରିମକୋର୍ଟ ଯିବୁ ବୋଲି ସେ କହିଛନ୍ତି।

 

You might also like