ହାଥରସ ଘଟଣାରେ ଯୋଗୀ ସରକାରଙ୍କ ବଡ଼ ପଦକ୍ଷେପ

ଲକ୍ଷ୍ନୌ: ହାଥରସ ଘଟଣାରେ ଏପର୍ଯ୍ୟନ୍ତ ସବୁଠାରୁ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କଲେ ଉତ୍ତର ପ୍ରଦେଶ ସରକାରଙ୍କର। ଏହି ମାମଲାରେ ୫ ଜଣଙ୍କ ନିଲମ୍ବିତ କରିଛନ୍ତି ଉତ୍ତର ପ୍ରଦେଶ ସରକାର। ହାଥରସ ଏସ୍‌ପି, ଡିଏସ୍‌ପି, ଷ୍ଟେସନ ଇନସ୍ପେକ୍ଟର ଏବଂ ଦୁଇ ଅନ୍ୟ ଅଫିସର୍‌ଙ୍କୁ ନିଲମ୍ବିତ କରାଯାଇଛି।

ନିଲମ୍ବିତା ମାନେ ହେଲେ ଏସ୍‌ପି ବିକ୍ରାନ୍ତ ଭୀ, ଡିଏସ୍‌ପି ରାମ ଶବ୍ଦ, ଇନସ୍ପେକ୍ଟର ଦିନେଶ ବର୍ମା, ସବ ଇନସ୍ପେକ୍ଟର ଜଗଭୀର ସିଂହ ଏବଂ ହେଡ୍ କନଷ୍ଟେବଲ ମହେଶ ପାଲ। ଏହି ୫ ଜଣଙ୍କର ନିଲମ୍ବନ ପରେ ହାଥରସ ଡିଷ୍ଟ୍ରିକ୍ଟ ମାଜିଷ୍ଟ୍ରେଟ୍‌(ଡିଏମ୍‌)ଙ୍କୁ ମଧ୍ୟ ନିଲମ୍ବିତ କରାଯାଉ ବୋଲି ଦାବି ଜୋର୍ ଧରିଛି। ନିକଟରେ ଭାଇରାଲ୍ ହୋଇଥିବା ଏକ ଭିଡିଓରେ ଡିଏମ୍‌ ପୀଡ଼ିତାଙ୍କ ପରିବାରକୁ ବୟାନ ବଦଳାଇବା ପାଇଁ ପ୍ରବର୍ତ୍ତାଉଥିବାର ଦେଖାଯାଇଥିଲା

ଯୋଗୀ ସରକାର ଏଭଳି ନିଷ୍ପତ୍ତି ନେବା ପୂର୍ବରୁ ନାରୀ ନେଇ ତାଙ୍କ ସରକାର ସମ୍ପୂର୍ଣ୍ଣ ପ୍ରତିଜ୍ଞାବଦ୍ଧ ବୋଲି କହିଥିଲେ। ଯେଉଁମାନେ ସେମାନଙ୍କୁ କ୍ଷତି ପହଞ୍ଚାଇବାକୁ ଚିନ୍ତା କରିବେ ସେମାନଙ୍କୁ କାହାରିଙ୍କୁ ଛଡ଼ାଯିବନି କରିଦିଆଯିବ ବୋଲି ଯୋଗୀ କହିଥିଲେ।

ଏହି ଘଟଣାରେ ପୋଲିସର କାର୍ଯ୍ୟାନୁଷ୍ଠାନକୁ ନେଇ ଆଜି ଉତ୍ତରପ୍ରଦେଶ ସରକାରଙ୍କୁ ତେର୍ଚ୍ଛା ସମାଲୋଚନା କରିଛନ୍ତି ଉମା ଭାରତୀ। ପୋଲିସର ଏପରି କାର୍ଯ୍ୟାନୁଷ୍ଠାନ ସନ୍ଦେହ ସୃଷ୍ଟି କରୁଛି ବୋଲି ଉମା କହିଛନ୍ତି। ଯୋଗୀଙ୍କୁ ଉପଦେଶ ଦେଇ ପୀଡ଼ିତାଙ୍କ ପରିବାରକୁ ସମସ୍ତଙ୍କୁ ଭେଟିବାକୁ ଦିଆଯାଉ ବୋଲି ଉମା କହିଛନ୍ତି।Rahul Gandhi

ଅନ୍ୟପଟେ ଦିଲ୍ଲୀର ଜନ୍ତରମନ୍ତରରେ ବିକ୍ଷୋଭକାରୀମାନେ ନ୍ୟାୟ ଦାବି କରି ପ୍ରଦର୍ଶନ କରିଛନ୍ତି। ଏଥିରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ସମେତ ଅନ୍ୟ ନେତାମାନେ ମଧ୍ୟ ଯୋଗ ଦେଇ ସରକାରଙ୍କୁ ସମାଲୋଚନା କରିଛନ୍ତି। ସେପଟେ ଅଭିଯୁକ୍ତଙ୍କ ସପକ୍ଷରେ ଧାରଣ ପ୍ରଦର୍ଶନ କରିଛନ୍ତି ୟୁପିର ସବର୍ଣ୍ଣ ବର୍ଗର ଲୋକେ। ପୀଡ଼ିତାଙ୍କ ଭାଇ ଓ ମାଆକୁ ପଚାରିଲେ ସତ ପଦାକୁ ଆସିବ ବୋଲି ବିକ୍ଷୋଭାକୀରମାନେ କହିଛନ୍ତି।

ତେବେ ଗତକାଲି ଶବ ବ୍ୟବଚ୍ଛେଦ ରିପୋର୍ଟ ଓ ଫୋରେନ୍ସିକ ରିପୋର୍ଟରେ ପୀଡ଼ିତାଙ୍କ ଦୁଷ୍କର୍ମ ହୋଇନାହିଁ, ବରଂ କେହି ଉଚ୍ଚ-ନୀଚ୍ଚ କରି ଉତ୍ତେଜନା ସୃଷ୍ଟି କରିବା ପାଇଁ ଷଡ଼ଯନ୍ତ୍ର କରୁଛି ବୋଲି ଏଡିଜି ପ୍ରଶାନ୍ତ କୁମାର କହିଥିଲେ। ଏହାପରେ ଆଉ ଏକ ଖବର ଅନୁସାରେ ଉତ୍ତରପ୍ରଦେଶ ସରକାରଙ୍କ ତଦନ୍ତରେ ପୀଡ଼ିତାଙ୍କ ବାପା ସନ୍ତୁଷ୍ଟ ଥିବା ଖବର ପ୍ରକାଶ ପାଇଥିଲା। କିନ୍ତୁ ଏକଥାକୁ ଅସ୍ୱୀକାର କରିଥିଲେ ପୀଡ଼ିତାଙ୍କ ସାନ ଭାଇ। ଚାପ ସୃଷ୍ଟି କରି ବାପାଙ୍କ ଠାରୁ ବୟାନ ନିଆଯାଇଛି ବୋଲି ସେ କହିଥିଲେ

କଣ ଥିଲା ଘଟଣା ?

ସେପ୍ଟେମ୍ବର ୨୯ ତାରିଖରେ ଦିଲ୍ଲୀର ସଫଦରଗଞ୍ଜ ହସ୍‌ପିଟାଲ୍‌ରେ ଜଣେ ପୀଡ଼ିତା ଯନ୍ତ୍ରଣାରେ ଛଟ୍‌ପଟ୍ ହୋଇ ପ୍ରାଣହାରିଦେଲେ। ତାଙ୍କ ମେରୁହାଡ଼ରେ ଲାଗିଥିଲା ଶକ୍ତ ଆଘାତ, ଦେହରେ କଟା ଚିହ୍ନ ସହିତ ବେକରେ ଥିଲା ଦାଗ। ଜିଭ କାଟିଦିଆଯାଇଛି ବୋଲି କୁହାଯାଉଥିଲା। ସେପ୍ଟେମ୍ବର ୧୪ ତାରିଖରେ ତାଙ୍କ ସହିତ ଅମାନୁଷିକ ଘଟଣା ଘଟାଇଥିଲେ ଦୁର୍ବୃତ୍ତ ! ପୀଡ଼ିତା ଗଣଦୁଷ୍କର୍ମ ଶିକାର ହୋଇଥିବା ଅଭିଯୋଗ ହୋଇଥିଲା। ସଫଦରଗଞ୍ଜ ହସ୍‌ପିଟାଲ୍‌ରେ ମୃତ୍ୟୁ ହେବା ପରେ ତରବରିଆ ଭାବେ ପ୍ରଶାସନ ପୀଡ଼ିତାଙ୍କ ଅନ୍ତିମ ସଂସ୍କାର କରିଦେଇଥିଲା। ପରିବାର ଲୋକଙ୍କୁ ପୀଡ଼ିତାଙ୍କ ମୁହିଁ ସୁଦ୍ଧା ବି ଦେଖିବାକୁ ଦେଇନଥିଲା ବୋଲି ଅଭିଯୋଗ ହୋଇଛି।

ଏହାପରେ ସେପ୍ଟେମ୍ବର ୧୯ ତାରିଖରେ ଦୋଷୀଙ୍କୁ ଗିରଫ କରିଥିଲା ପୋଲିସ। ଏପର୍ଯ୍ୟନ୍ତ ଏହି ଘଟଣାରେ ୪ ଜଣଙ୍କୁ ଗିରଫ କରାଯାଇଥିବା ବେଳେ କିଛିଙ୍କୁ ଅଟକ ରଖିଛି ପୋଲିସ। ଏସ୍‌ପି ବିକ୍ରାନ୍ତଙ୍କ ବୀରଙ୍କ କହିବାନୁସାରେ, ଘଟଣା ଦିନ ପୀଡ଼ିତା ମାଙ୍କ ସହି କ୍ଷେତକୁ ଯାଇଥିଲେ। କିନ୍ତୁ ହଠାତ୍‌ ଝିଅକୁ ନ ପାଇବାରୁ ପରିବାର ଲୋକେ ତାଙ୍କୁ ଖୋଜାଖୋଜି କରିବା ଆରମ୍ଭ କରିଦେଇଥିଲେ। ଏହାପରେ କ୍ଷେତରେ ଝିଅର କ୍ଷତାକ୍ତ ଶରୀରକୁ ମୁମୂର୍ଷୁ ଅବସ୍ଥାରେ ଦେଖିବାକୁ ପାଇଥିଲେ ମା’।

ଘଟଣାରେ ପ୍ରଥମେ ଅଭିଯୁକ୍ତଙ୍କ ବିରୋଧରେ ଭାରତୀୟ ପିଙ୍ଗଳ କୋର୍ଟର ଧାରା ୩୦୭ (ମୃତ୍ୟୁ ଉଦ୍ୟମ)ଲଗାଯାଇଥିଲା ପରେ ଗଣଦୁଷ୍କର୍ମ ପାଇଁ ୩୭୬ଡି ଧାରା ଲଗାଇଯାଇଛି। ଫାଷ୍ଟ-ଟ୍ରାକ କୋର୍ଟରେ ଏହା ବିଚାର କରାଯିବ ବୋଲି ଏସ୍‌ପି ପ୍ରକାଶ କୁମାର କହିଛନ୍ତି।

 

ଆହୁରି ପଢ଼ନ୍ତୁ

କରୋନା ଚିକିତ୍ସାରୁ ବାଦ୍ ପଡ଼ିପାରେ ପ୍ଲାଜ୍‌ମା ଥେରାପି

ବଜେପି ଛାଡ଼ିଲେ ବରିଷ୍ଠ ନେତା ଏକନାଥ ଖଡ଼ସେ; କହିଲେ, ଫଡ଼ନାଭିସଙ୍କ ପାଇଁ ଛାଡ଼ିଲି ଦଳ

ଆନ୍ଧ୍ର କନକ ଦୁର୍ଗା ମନ୍ଦିର ନିକଟରେ ଭୂସ୍ଖଳନ: ୪ ଫସି ରହିଥିବା ଆଶଙ୍କା

କେନ୍ଦ୍ର ସରକାରୀ କର୍ମଚାରୀଙ୍କ ପାଇଁ ବୋନସ୍ ଘୋଷଣା

ମଦ୍ରାସାକୁ ନେଇ ବିବାଦୀୟ ମନ୍ତବ୍ୟ ଦେଲେ ବିଜେପି ସାଂସଦ

କିଛି ଦିନ ତଳେ କମିଥିଲା, ଏବେ ପୁଣି ବଢ଼ିଲା ସୁନା ଦର

୨୩ ଜଣ ବନ୍ଧୁଙ୍କୁ ନେଇ ରେଷ୍ଟୁରାଣ୍ଟରେ ପହଞ୍ଚିଲେ ଗର୍ଲଫ୍ରେଣ୍ଡ; ବିଲ୍‌ ଦେଖି ଦୌଡି ପଳାଇଲେ ପ୍ରେମିକ

ହାଥରସ୍‌ ଘଟଣା ପରେ ଧର୍ମ ପରିବର୍ତ୍ତନ କଲେ ବାଲ୍ମିକୀ ସମାଜର ୫୦ ପରିବାର

ପାକିସ୍ତାନରେ ବିସ୍ଫୋରଣ: ୩ ମୃତ

ଶତ୍ରୁ ପାଖରେ ବି ମହନୀୟତା ଦେଖାଇଲେ ଭାରତୀୟ ଯବାନ; ଧରାପଡ଼ିଥିବା ଚୀନ ସେନାଙ୍କୁ ଫେରାଇ ଦେଲେ

ପାକିସ୍ତାନ ଅନୁପ୍ରବେଶକାରୀକୁ ଧରିଲା ସେନା; ୫ ହଜାର ପାକିସ୍ତାନୀ ଟଙ୍କା ଜବତ

‘ପାପ, ଭୁଲ ଓ ବେମାରୀକୁ ଛୋଟ ଭାବିବା ଉଚିତ ନୁହେଁ’

You might also like