ନଦୀ ଭିତରେ ସେଲ୍‌ଫି ନେଉଥିଲେ, ହଠାତ୍‌ ମାଡ଼ି ଆସିଲା ବନ୍ୟା ପାଣି

ଭୋପାଳ: ନଦୀ ଭିତରେ ପଥର ଉପରେ ବସି ସେଲ୍‌ଫି ନେଉଥିଲେ, ହଠାତ୍‌ ମାଡ଼ି ଆସିଲା ବନ୍ୟା ପାଣି। ବନ୍ୟା ପାଣିର ପ୍ରଖର ସ୍ରୋତ ଯୋଗୁ ନଦୀ ଭିତରେ ଫସିଗଲେ ଦୁଇ ଯୁବତୀ। ମଧ୍ୟପ୍ରଦେଶ ଜିଲ୍ଲାରେ ଏହି ଘଟଣା ଘଟିଛି। ଯାହାର ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ ହୋଇଛି।

ସୂଚନା ଅନୁସାରେ, ୬ରୁ ୮ ଜଣ ଯୁବତୀ ମଧ୍ୟପ୍ରଦେଶ ଚିନ୍ଦଓ୍ୱାରା ଜିଲ୍ଲା ବେଲଖେଡି ଗାଁ ଦେଇ ଯାଇଥିବା ପେଞ୍ଚ ନଦୀ କୂଳକୁ ପିକ୍‌ନିକ୍‌ ପାଇଁ ଯାଇଥିଲେ। କରୋନା କଟକଣା ସତ୍ତ୍ୱେ ମଧ୍ୟ ସେମାନେ ନଦୀ କୂଳକୁ ଯାଇଥିଲେ। ଏହି ସମୟରେ ନଦୀରେ ପାଣି କମ୍‌ ଥିଲା, ତେଣୁ ସେମାନଙ୍କ ମଧ୍ୟରୁ ଦୁଇ ଜଣ ଯୁବତୀ ନଦୀ ଭିତରକୁ ଯାଇ ପଥର ଉପରେ ବସି ସେଲ୍‌ଫି ଉଠାଉଥିଲେ। ଏହି ସମୟରେ ହଠାତ୍ ବନ୍ୟା ପାଣି ପ୍ରଖର ସ୍ରୋତରେ ମାଡ଼ି ଆସିଥିଲା ଓ ସେମାନେ ପାଣି ଭିତରେ ଫସି ଯାଇଥିଲେ।

ଖବର ପାଇ ସ୍ଥାନୀୟ ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଦୁଇ ଯୁବତୀଙ୍କୁ ଉଦ୍ଧାର କରିଥିଲେ।

 

You might also like