ସୁପ୍ରିମକୋର୍ଟଙ୍କ ନିର୍ଦ୍ଦେଶ ସତ୍ତ୍ୱେ ବିଜେପି ନେତ୍ରୀଙ୍କୁ କାହିଁକି ଡେରିରେ ଛାଡ଼ିଲା ପ୍ରଶାସନ


ନୂଆଦିଲ୍ଲୀ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମୁହଁଙ୍କୁ ବିକୃତ ଭାବେ ଉପସ୍ଥାପନ କରି ଗିରଫ ହୋଇଥିବା ବିଜେପି ନେତ୍ରୀ ପ୍ରିୟଙ୍କା ଶର୍ମାଙ୍କ ଜେଲରୁ ମୁକ୍ତ କରିବା ଘଟଣାରେ ବିଳମ୍ବ ହୋଇଥିବାରୁ ସୁପ୍ରିମକୋର୍ଟ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ଗତକାଲି ମଧ୍ୟାହ୍ନରେ ସୁପ୍ରିମକୋର୍ଟ ପ୍ରିୟଙ୍କାଙ୍କୁ ଜେଲ୍‌ରୁ ଖଲାସ କରିବାକୁ ନିର୍ଦ୍ଦେଶ ଦେଇଥିଲେ ହେଁ ଆଜି ୯.୨୦ରେ ପଶ୍ଚିମବଙ୍ଗ ପ୍ରଶାସନ ତାଙ୍କୁ ଜେଲ୍‌ରୁ ଖଲାସ କରିଥିଲା। ଏଭଳି ବିଳମ୍ବକୁ ନେଇ ସୁପ୍ରିମକୋର୍ଟ ପ୍ରଶ୍ନ କରିଛନ୍ତି।

କୋର୍ଟ ନିର୍ଦ୍ଦେଶ ସତ୍ତ୍ୱେ ତାଙ୍କୁ ଅଧିକ ଗୋଟିଏ ରାତିରେ ଜେଲ୍‌ରେ କାହିଁକି କାଟିବାକୁ ପଡ଼ିଲା ବୋଲି କୋର୍ଟ ପଶ୍ଚିମବଙ୍ଗ ସରକାରଙ୍କୁ ପଚାରିଛନ୍ତି।
ବଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ ମେଟ ଗାଲା ଇଭେଣ୍ଟରେ ଉଠାଯାଇଥିବା ଫଟୋରେ ମମତାଙ୍କ ମୁହଁ ଯୋଡ଼ି ସୋଶାଲ ମିଡିଆରେ ପୋଷ୍ଟ ହୋଇଥିବା ଏକ ଫଟୋକୁ ବିଜେପି ଯୁବମୋର୍ଚ୍ଚାରର ନେତ୍ରୀ ପ୍ରିୟଙ୍କା ଶର୍ମା ଶେୟାର କରିଥିଲେ।

ଏଥିପାଇଁ ଶୁକ୍ରବାର ତାଙ୍କୁ ପୁଲିସ୍‌ ଗିରଫ କରିଥିଲା। ଆଜି ପ୍ରିୟଙ୍କାଙ୍କ ଓକିଲ ଏନ୍‌କେ କୌଲ ସୁପ୍ରିମକୋର୍ଟରେ ହାଜର ହୋଇ ନିଜର ପକ୍ଷ ରଖିଥିଲେ। ସେ କହିଥିଲେ କୋର୍ଟଙ୍କ ନିର୍ଦ୍ଦେଶ ସତ୍ତ୍ୱେ ପ୍ରିୟଙ୍କାଙ୍କୁ ଆଜି ସକାଳ ୯.୪୦ରେ ମୁକ୍ତ କରାଗଲା। ପଶ୍ଚିମବଙ୍ଗ ପ୍ରଶାସନ କୋର୍ଟଙ୍କ ନିର୍ଦ୍ଦେଶକୁ ବେଖାତିର କରିଛନ୍ତି। ଏହାପରେ କୋର୍ଟ ପଶ୍ଚିମବଙ୍ଗ ସରକାରଙ୍କ ପକ୍ଷରୁ ମାମଲା ପରିଚାଳନା କରୁଥିବା ଓକିଲଙ୍କୁ କହିଥିଲେ ଯେ କ’ଣ ପାଇଁ ୯.୪୦ରେ ପ୍ରିୟଙ୍କାଙ୍କୁ ଖଲାସ କରାଗଲା? ଗତକାଲି ଆମେ ତୁରନ୍ତ ଖଲାସ ପାଇଁ ନିର୍ଦ୍ଦେଶ ଦେଇଥିଲୁ। ଏହି ସମୟରେ ଆପଣ ମଧ୍ୟ ଏଠାରେ ଉପସ୍ଥିତ ରହିଥିଲେ। ଏପରି କି କୋର୍ଟ ଦରକାର ପଡ଼ିଲେ ଅଦାଲତ ଅବମାନନା ନୋଟିସ୍‌ ପଠାଇବାକୁ ଧମକ ମଧ୍ୟ ଦେଇଥିଲେ। କୋର୍ଟଙ୍କ ନିର୍ଦ୍ଦେଶକୁ ପାଳନ ନ କରିବା ଠିକ୍‌ ନୁହେଁ ବୋଲି ଶୁଣାଣି ବେଳେ ଖଣ୍ଡପୀଠ କହିଥିଲେ।

ଏହି ସମୟରେ ପଶ୍ଚିମବଙ୍ଗ ସରକାରଙ୍କ ଓକିଲ କହିଥିଲେ, “ ଜେଲ୍‌ କର୍ତ୍ତୃପକ୍ଷ ତୁରନ୍ତ ରିଲିଜ୍‌ ପାଇଁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ବଦଳରେ ଜିଲ୍ଲା ମାଜିଷ୍ଟ୍ରେଟ୍‌ଙ୍କ ନିର୍ଦ୍ଦେଶକୁ ଅପେକ୍ଷା କରିଥିଲେ। ତେଣୁ ଏପରି ବିଳମ୍ବ ହେଲା।”
ଅନ୍ୟପକ୍ଷରେ ଜାମିନ୍‌ ପାଇଁ କୋର୍ଟ ପ୍ରିୟଙ୍କାଙ୍କ ଆଗରେ ରଖିଥିବା କ୍ଷମା ସର୍ତ୍ତର ଶୁଣାଣି ଆସନ୍ତା ଜୁଲାଇ ମାସରେ କରିବେ ବୋଲି କହିଛନ୍ତି।

ଆହୁରି ପଢ଼ନ୍ତୁ

ବାପାଙ୍କୁ ଖଣ୍ଡଖଣ୍ଡ କରି କାଟି ରକ୍ତ, ମାଂସ ଓ ହାଡ଼କୁ ବାଲ୍‌ଟିରେ ରଖିଲା ପୁଅ

ଧାରା ୩୭୦ ଉଚ୍ଛେଦ; ଶେହଲାଙ୍କ ଗିରଫ୍ କରିବାକୁ ସୁପ୍ରିମକୋର୍ଟରେ ଆବେଦନ

ଉନ୍ନାଓ ପୀଡ଼ିତା ଓ ତାଙ୍କ ଓକିଲଙ୍କ ସଡ଼କ ଦୁର୍ଘଟଣାର ତଦନ୍ତ ପାଇଁ ସିବିଆଇକୁ ୧୪ ଦିନ ସମୟ ଦେଲେ ସୁପ୍ରିମକୋର୍ଟ

ମରଣ ମୁହଁରୁ ଜୀବନ ଛଡ଼ାଇ ଆଣିଲେ ସେନା ଯବାନ

ବିହାରର ପୂର୍ବତନ ମୁଖ୍ୟମନ୍ତ୍ରୀ ଜଗନ୍ନାଥ ମିଶ୍ରଙ୍କ ପରଲୋକ

ଉତ୍ତର ଭାରତରେ ବନ୍ୟା ପରିସ୍ଥିତି ଗମ୍ଭୀର; ୨୮ ଜଣଙ୍କ ମୃତ୍ୟୁ

ନେହରୁଙ୍କ ଭୁଲ ନିଷ୍ପତ୍ତି ପାଇଁ ଗୋଆ ସ୍ୱାଧୀନତା ଫେରି ପାଇବାରେ ବିଳମ୍ବ ହେଲା-ଶିବରାଜ

ରାଜନାଥଙ୍କ ମନ୍ତବ୍ୟରେ ଇମ୍ରାନଙ୍କ ନିଦ ହଜିଗଲା, କହିଲେ, ପାକିସ୍ତାନ ସହ ନେହରୁ ଏବଂ ଗାନ୍ଧି ପରିବାର ବି ବିପଦରେ

ସ୍ୱାଭାବିକ ହେଉଛି ଜମ୍ମୁ କଶ୍ମୀର: ଖୋଲିଲା ସ୍କୁଲ, କଲେଜ ଓ ଅଫିସ

ବସ୍‌-କଣ୍ଟେନର ଧକ୍କା: ୧୧ ମୃତ

ବିଜେପିରେ ସାମିଲ୍ ହେଲେ ୬୦ ଟିଡିପି ନେତା

ନିର୍ଦ୍ୱନ୍ଦ୍ୱରେ ରାଜ୍ୟସଭାକୁ ନିର୍ବାଚିତ ହେଲେ ମନମୋହନ ସିଂହ

You might also like