୫ମ ଦିନରେ ବଢିଲା ପେଟ୍ରୋଲ ଦର

ନୂଆଦିଲ୍ଲୀ: ଆଜି ୫ମ ଦିନରେ ବି ପେଟ୍ରୋଲ ଦର ବୃଦ୍ଧି ଜାରି ରହିଛି। ସରକାରୀ ତୈଳ କମ୍ପାନୀ ଇଣ୍ଡିଆନ ଅଏଲ(IOC) , ଭାରତ ପେଟ୍ରୋଲିୟମ କର୍ପୋରେଶନ ଲି.(BPCL) ଏବଂ ହିନ୍ଦୁସ୍ଥାନ ପେଟ୍ରୋଲିୟମ କର୍ପୋରେଶନ ଲି. (HPCL) ସୋମବାର ପଞ୍ଚମ ଦିନ ପାଇଁ ପୁଣି ପେଟ୍ରୋଲ ଦରରେ ବୃଦ୍ଧି ଘଟିଥିବା ସୂଚନା ଦେଇଛନ୍ତି।

ରାଜଧାନୀ ଦିଲ୍ଲୀରେ ପେଟ୍ରୋଲ ୧୩ ପଇସା ମହଙ୍ଗା ହୋଇଛି। ଦରବୃଦ୍ଧି ପରେ ଦିଲ୍ଲୀରେ ପେଟ୍ରୋଲ ଲିଟର ପିଛା ୮୧.୬୨ ଟଙ୍କା ହୋଇଛି। ସୂଚନାଥାଉ କି, ଲଗାତାର ଦରବୃଦ୍ଧି ପରେ ପେଟ୍ରୋଲ ଦର ୧.୧୯ ବୃଦ୍ଧି ପାଇଛି । ତେବେ ଅଗଷ୍ଟ ୧୯ ତାରିଖ ପେଟ୍ରୋଲ ଦର ସ୍ଥିର ରହିଥିଲା। ତେବେ ଡିଜେଲ ଦରରେ କୌଣସି ପରିବର୍ତ୍ତନ ହୋଇନାହିଁ। ଡିଜେଲ ଦର ୭୩.୫୬ ଟଙ୍କା ରହିଛି।

ମୁମ୍ବାଇ ପେଟ୍ରୋଲ ଲିଟର ପିଛା ଦର ୮୮.୨୮ ଟଙ୍କା ଥିବାବେଳେ ଡିଜେଲ ଦର ୮୦.୧୧ ଟଙ୍କା ରହିଛି। କୋଲକାତାରେ ପେଟ୍ରୋଲ ଦର ୮୩.୧୩ ଏବଂ ଡିଜେଲ ୭୭.୦୬ ଏବଂ ଚେନ୍ନାଇରେ ପେଟ୍ରୋଲ ଲିଟର ପିଛା ଦର ୮୪.୬୪ ଏବଂ ଡିଜେଲ ୭୮.୮୬ ଟଙ୍କା ରହିଛି।

You might also like