ମେ ୧୧ ପରେ ଖୋଲିବ ଏହିସବୁ ଦୋକାନ

ଚେନ୍ନାଇ: ଲକ୍‌ଡାଉନ୍‌ ନିୟମ କୋହଳ କରିବେ ତାମିଲନାଡୁ ସରକାର। ମେ ୧୧ ତାରିଖଠାରୁ କଣ୍ଟେନମେଣ୍ଟ ଜୋନ୍‌ ହୋଇନଥିବା ଅଞ୍ଚଳରେ ଖୋଲିବ କିଛି ଦୋକାନ। କେଉଁ ଦୋକାନ ଖୋଲିବ କେଉଁଟା ଖୋଲିବନି, ତାର ତାଲିକା ଜାରି କରିଛନ୍ତି ରାଜ୍ୟ ସରକାର।

ସେଗୁଡ଼ିକ ହେଲା- ଚା ଦୋକାନ, ବେକେରି, ହୋଟେଲ୍, ଗ୍ରୋସେରୀ ଷ୍ଟୋର, ନିର୍ମାଣ ପାଇଁ ଆବଶ୍ୟକୀୟ ସାମଗ୍ରୀ ଦୋକାନ, ସମସ୍ତ ଇଲେକ୍ଟ୍ରୋନିକ୍‌ ସାମଗ୍ରୀ ବିକ୍ରି ଓ ମରାମତି ଦୋକାନ, ଯଥା କମ୍ପ୍ୟୁଟର୍‌ ମୋବାଇଲ ଓ ଅନ୍ୟ ଇଲେକ୍ଟ୍ରୋନିକ ସାମଗ୍ରୀ ଦୋକାନ, ଘରୋଇ ଉପକରଣ ଖୋଲିବ।

ସେହିଭଳି ଚଷମା ଦୋକାନ, ବିନା ଏୟାର କଣ୍ଡିସନ୍‌ରେ ଛୋଟ ଗହଣା ଦୋକାନ, ଗ୍ରାମାଞ୍ଚଳରେ କପଡ଼ା ଦୋକାନ, ଫର୍ଣ୍ଣିଚର, ଜେରକ୍ସ, ଦୁଇ ଚକିଆ ଓ ଚାରିଚକିଆ ଗାଡ଼ି ବିକ୍ରି ଦୋକାନ ସହିତ ସର୍ଭିସ୍ ସେଣ୍ଟର, କୃଷି ସମ୍ପର୍କିତ ସାମଗ୍ରୀ ଦୋକନା, ଟାଇଲ୍ସ ଓ ରଙ୍ଗ ଦୋକନା,  ଅଟୋମୋବାଇଲ୍ ସ୍ପେୟାର୍‌ପାର୍ଟସ ନର୍ସରି ଗାର୍ଡେନ୍, କାଠ ଓ ପ୍ଲାଏଉଡ୍‌ ବିକ୍ରି ଦୋକାନ ଓ ସମିଲ୍ସ ଆଦି ଦୋକାନ ଖୋଲା ରହିବ ବୋଲି ତାମିଲ୍‌ନାଡୁ ସରକାର ତାଲିକା ଜାରି କରିଛନ୍ତି।

 

You might also like