କାହିଁକି ଆତ୍ମହତ୍ୟା କଲେ ସୁଶାନ୍ତ ? ମାନସିକ ଅବସାଦ ନା ଆଉ କିଛି ?

ମୁମ୍ବଇ: କାହିିଁକି ଏମିତି ଅବେଳରେ ଝଡ଼ିଗଲେ ବଲିଉଡର ଏଇ ଉଜ୍ଜ୍ୱଳ ତାରକା ? ଅବସାଦରୁ ଆତ୍ମହତ୍ୟା ନା ଆଉ କିଛି ? ଯଦି ଅବସାଦ ତାହେଲେ କାରଣ କଣ? ମୁମ୍ବାଇ କ୍ରାଇମ୍‌ ବ୍ରାଞ୍ଚ  ଏ ଦିଗରେ ତଦନ୍ତକୁ ଆଗକୁ ବଢ଼ାଇ ସୁଶାନ୍ତଙ୍କ ସାଥି ରିଆ ଚକ୍ରବର୍ତ୍ତୀ, ମହେଶ ସେଟ୍ଟୀଙ୍କ ସହ ଅନ୍ୟ କିଛି ନିକଟ ସଂପର୍କୀୟଙ୍କୁ ପଚରାଉଚରା କରିଥିବା ସୂଚନା ମିଳିଛି।

ପୋଷ୍ଟମର୍ଟମ୍ ରିପୋର୍ଟ କହୁଛି, ଫାଶି ଯୋଗୁଁ ଶ୍ୱାସରୁଦ୍ଧ ହୋଇ ତାଙ୍କର ମୃତ୍ୟୁ ଘଟିଛି। ହେଲେ ତାଙ୍କ ଶରୀରରେ କିଛି ବିଷକ୍ରିୟା ଥିଲା କି ନାହିଁ ଜାଣିବାକୁ ଭିସାରା ଟେଷ୍ଟ ପାଇଁ ପଠାଯାଇଛି । ପାରିପାର୍ଶ୍ୱିକ ସ୍ଥିତିରୁ ସୁଶାନ୍ତ ଆତ୍ମହତ୍ୟା କରିଥିବାର ସନ୍ଦେହ ଉପରେ ତଦନ୍ତକୁ ଆଗକୁ ନେଉଛି ମୁମ୍ବାଇ କ୍ରାଇମ୍‌ ବ୍ରାଞ୍ଚ।

ମୃତ୍ୟୁ ପୂର୍ବରୁ ପ୍ରକୃତରେ କଣ ଘଟିଥିଲା, କାହା କାହା ସହ ସଂପର୍କରେ ଥିଲେ ସୁଶାନ୍ତ, କେଉଁମାନଙ୍କୁ ଫୋନ୍ କଲ୍ କରିଥିଲେ, ଏ ସବୁର ଟିକିନିଖି ଯାଞ୍ଚ ଲାଗି ଉଦ୍ୟମ ଆରମ୍ଭ କରିଛି ମୁମ୍ବାଇ ପୋଲିସ୍ ।ପୋଲିସର ସୂଚନା ଅନୁଯାୟୀ, ସୁଶାନ୍ତଙ୍କ ଘରୁ ଆଣ୍ଟି ଡିପ୍ରେସନ୍ ଟାବ୍ଲେଟ୍ ମିଳିଛି ।

ହେଲେ ସୁଶାନ୍ତଙ୍କ ଭଉଣୀ କହିଛନ୍ତି, ତାଙ୍କର କିଛି ବି ଆର୍ଥିକ ଅନଟନ ନଥିଲା। କିନ୍ତୁ ସେ ଗତ ସପ୍ତାହେ ଧରି ବ୍ୟତିବ୍ୟସ୍ତ ଥିଲେ।  ହେଲେଆଣ୍ଟି ଡିପ୍ରେସନ୍ ଔଷଧ ଖାଉ ନଥିଲେ । ସପ୍ତାହକ ତଳେ ସୁଶାନ୍ତଙ୍କ ପୂର୍ବତନ ମହିଳା ମ୍ୟାନେଜର ଦିଶା ସାଲିଆନ୍ ମଧ୍ୟ ଛାତ ଉପରୁ ଡେଇଁ ସୁଇସାଇଡ୍ କରିଥିଲେ।  ଆଉ ଏହା ପରେ ସୁଶାନ୍ତ ବି ସେଇ ସୁଇସାଇଡ୍ ରାସ୍ତା ବାଛିବା ପଛରେ କିଛି ଲିଙ୍କ ନାହିଁ ତ ?

ସୁଶାନ୍ତଙ୍କ ଘରୋଇ ସହାୟକଙ୍କ ବୟାନ ଅନୁଯାୟୀ, ମୃତ୍ୟୁ ପୂର୍ବରୁ ସକାଳ ୧୦ଟାରେ ରୁମ୍ ବାହାରକୁ ଆସି ଜୁସ୍ ନେଇ ପୁଣି ରୁମ୍ ଭିତରକୁ ଚାଲି ଯାଇଥିଲେ ସୁଶାନ୍ତ। ଆଉ ସାଢ଼େ ୧୨ଟାରେ ମିଳିଲା ମୃତ ଦେହ । ତେଣୁ ସୁଶାନ୍ତଙ୍କ ମୃତ୍ୟୁ ସହ ଏଇ ଅଢ଼େଇ ଘଣ୍ଟାର ରହସ୍ୟ ବି ରହସ୍ୟ ଘେରରେ।

You might also like