ସୁଶାନ୍ତଙ୍କ ମୃତ୍ୟୁ ଆତ୍ମହତ୍ୟା ନା ହତ୍ୟା?

ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ସିବିଆଇର ଘନଘନ ଜେରା ରହିଛି। ତେବେ ସୁଶାନ୍ତଙ୍କ ମୃତ୍ୟୁରେ ଏବେ ନୂଆ ମୋଡ଼ ଦେଖା ଦେଇଛି। ସୁଶାନ୍ତ ଆତ୍ମହତ୍ୟା କରିଛନ୍ତି କି ତାଙ୍କୁ ହତ୍ୟା କରାଯାଇଛି, ତା’ର ପର୍ଦ୍ଦାଫାସ ହୋଇପାରିନାହିଁ। କିନ୍ତୁ ତାଙ୍କ ମାମଲାକୁ ଆତ୍ମହତ୍ୟା ବଦଳରେ ହତ୍ୟା ଦୃଷ୍ଟି କୋଣରୁ ତଦନ୍ତ କରାଯାଉ ବୋଲି ଏମ୍ସର ଫରେନ୍ସିକ ଟିମ୍ ସିବିଆଇକୁ ପରାମର୍ଶ ଦେଇଛି। ସୁଶାନ୍ତ ସିଂଙ୍କ ପୋଷ୍ଟ ମର୍ଟମ ରିପୋର୍ଟର ଅନୁଧ୍ୟାନ ପରେ ୧୨ଟି ଲିଡ୍ ମିଳିବା ପରେ ସିବିଆଇକୁ ଏହି ପରାମର୍ଶ ଦେଇଛି ଫରେନ୍ସିକ ଟିମ୍। ଏଣୁ ସିବିଆଇ ଏବେ ତଦନ୍ତ ପ୍ରକ୍ରିୟାକୁ କେଉଁ ଆଡ଼କୁ ନେଉଛି, ତାହା ଦେଖିବାର କଥା।

ଅନ୍ୟପକ୍ଷରେ ସୁଶାନ୍ତଙ୍କ ବାନ୍ଧବୀ ରିୟା ଚକ୍ରବର୍ତ୍ତୀଙ୍କ ଡ୍ରଗ୍ସ ଲିଙ୍କ ନେଇ ସାଙ୍ଘାତିକ ତଥ୍ୟ ପାଇଛି ସିବିଆଇ। ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ସିବିଆଇକୁ ଦିଆଯାଇଥିବା ଇନପୁଟରୁ ଜଣାପଡ଼ିଛି ଯେ, ରିୟା ଡ୍ରଗ୍ସ ନେଉଥିଲେ ଏବଂ ଡ୍ରଗ୍ସ ଡିଲରଙ୍କ ସହ ତାଙ୍କର ଲିଙ୍କ ରହିଛି। ରିୟା ଡିଲିଟ୍ କରିଦେଇଥିବା କିଛି ହ୍ୱାଟ୍ସଅପ୍ ଚାଟରୁ ଏହି ତଥ୍ୟ ପାଇଛି ପ୍ରବର୍ତ୍ତନ ନିର୍ଦ୍ଦେଶାଳୟ। ଯାହାକୁ ସେ ସିବିଆଇକୁ ପ୍ରଦାନ କରିଛି। ଏଣୁ ଏବେ ସିବିଆଇ ସ୍କାନରରେ ସମୁଏଲ ମିରଣ୍ଡୁଆ, ସ୍ମୃତି ମୋଦି, ଜୟା ଶାହ।

ସମୁଏଲ ମିରଣ୍ଡୁଆ, ସ୍ମୃତି ମୋଦି, ଜୟା ଶାହଙ୍କ ସହ ରିୟାଙ୍କ ସନ୍ଦେହଜନକ ଚାଟ୍ ଇଡି ହାତରେ ଲାଗିବା ପରେ ଏହାର ତଦନ୍ତ ପାଇଁ ନାର୍କୋଟେକ ବ୍ୟୁରୋକୁ ଆବେଦନ କରାଯାଇଛି। ରିୟାଙ୍କ ଓକିଲ କିନ୍ତୁ ଡ୍ରଗ୍ସ ଲିଙ୍କକୁ ଖଣ୍ଡନ କରିବା ସହ ସେ କେବେ ନିଶା ନେଇ ନାହାନ୍ତି, ଆବଶ୍ୟକ ପଡ଼ିଲେ ସେ ରକ୍ତ ପରୀକ୍ଷା ପାଇଁ ପ୍ରସ୍ତୁତ ବୋଲି କହିଛନ୍ତି ତାଙ୍କ ଓକିଲ। ସେପଟେ ଆଜି ଷଷ୍ଠ ଦିନରେ ପୁଣି ଥରେ ସୁଶାନ୍ତଙ୍କ ଫ୍ଲାଟମେଟ୍ ସିଦ୍ଧାର୍ଥ ପିଠାନୀ, ରୋଷେୟା ନିରଜ, ଦିପେଶଙ୍କୁ ଜେରା ଜାରି ରଖିଛି ସିବିଆଇ।

ଆହୁରି ପଢ଼ନ୍ତୁ

ଦେଶରେ କମୁଛି କରୋନା ଆକ୍ରାନ୍ତଙ୍କ ସଂଖ୍ୟା; ୧୩ ଦିନରେ ୧୦ ଲକ୍ଷ ସୁସ୍ଥ

ଭାରତର ସାର୍ବଭୌମତ୍ୱ ରକ୍ଷାର ପ୍ରୟାସକୁ ସମର୍ଥନ କଲା ଆମେରିକା

ନଭେମ୍ବର ଶେଷ ଯାଏ ବଢ଼ିଲା ଅନ୍‌ଲକ୍‌ ୫.୦ ଗାଇଡ୍‌ ଲାଇନ କଟକଣା

ଏବେ ଯେକୌଣସି ବ୍ୟକ୍ତି ଜାମ୍ମୁ କାଶ୍ମୀରରେ କିଣି ପାରିବେ ଜାଗା

ବାହା ହେବାକୁ ମନା କରିବାରୁ ଅଭିନେତ୍ରୀଙ୍କୁ ଛୁରାମାଡ଼ କଲେ ଫେସ୍‌ବୁକ ଫ୍ରେଣ୍ଡ

ଲଭ୍‌-ଜିହାଦ୍‌ରୁ ହତ୍ୟା! ସିସିଟିଭିରେ କଏଦ୍‌ ହେଲା ଭିଡିଓ

ଅଓ୍ୱନ୍ତିପୋରାରେ ଏନ୍‌କାଉଣ୍ଟର: ଆତ୍ମସମର୍ପଣ କଲା ଆତଙ୍କୀ

କେନ୍ଦ୍ରମନ୍ତ୍ରୀ ରାମଦାସ ଆଠୱାଲେ କରୋନା ପଜିଟିଭ୍

ହାଥରସ ଘଟଣା: ସୁପ୍ରିମକୋର୍ଟ କହିଲେ ୟୁପିରୁ ବାହାରକୁ ସ୍ଥାନାନ୍ତର ହେବନି ମାମଲା

୨ ଲକ୍ଷରୁ ଅଧିକ ଟଙ୍କାର ପିଆଜ ଚୋରି

ଭାରତ-ଆମେରିକା ଟୁ ପ୍ଲସ ଟୁ ବୈଠକ: BECA ରାଜିନାମା ସ୍ୱାକ୍ଷର କରିବେ ଦୁଇ ଦେଶ

ବିହାର ନିର୍ବାଚନ: ୩୪% ପ୍ରାର୍ଥୀଙ୍କ ନାଁରେ ରହିଛି ଅପରାଧିକ ମାମଲା

You might also like