ମାଡ୍ରାସ ହାଇକୋର୍ଟଙ୍କ ରାୟକୁ ଖାରଜ କଲେ ସୁପ୍ରିମ୍‌କୋର୍ଟ

ତାମିଲ ନିଟ୍ ପ୍ରଶ୍ନପତ୍ରରେ ତ୍ରୁଟି ମାମଲା

ନୂଆଦିଲ୍ଲୀ : ମେଡିକାଲ ପ୍ରବେଶିକା ପରୀକ୍ଷା ନିଟ୍‌ରେ ତାମିଲନାଡୁର ପରୀକ୍ଷାର୍ଥୀଙ୍କୁ ଗ୍ରେସ୍ ମାର୍କ ଦେବାକୁ ମାଡ୍ରାସ ହାଇକୋର୍ଟ ଦେଇଥିବା ରାୟକୁ ଖାରଜ କରିଦେଇଛନ୍ତି ସୁପ୍ରିମ୍‌କୋର୍ଟ। ତାମିଲ ପ୍ରଶ୍ନପତ୍ରରେ ଭୁଲ୍‌ ଯୋଗୁଁ ପିଲାଙ୍କୁ ଗ୍ରେସ୍ ମାର୍କ ଦେବାକୁ ମାଡ୍ରାସ ହାଇକୋର୍ଟ ଅାଗରୁ ସିବିଏସ୍ଇକୁ ନିର୍ଦ୍ଦେଶ ଦେଇଥିଲେ।

ଇଂରାଜୀ ପ୍ରଶ୍ନପତ୍ରକୁ ଠିକ୍ ଭାବେ ତାମିଲରେ ଅନୁବାଦ କରାଯାଇନଥିବାରୁ ଏଭଳି ପରିସ୍ଥିତି ଉପୁଜିଥିଲା।  ୪୯ ଟି ପ୍ରଶ୍ନର ଭୁଲ୍‌ ଅନୁବାଦ କରାଯାଇଥିଲା। ଏଥିପାଇଁ ପ୍ରତି ପ୍ରଶ୍ନ ପାଇଁ ୪ ମାର୍କ ଲେଖାଏଁ ଦେବାକୁ ମାଡ୍ରାସ ହାଇକୋର୍ଟ ନିର୍ଦ୍ଦେଶ ଦେଇଥିଲେ। କିନ୍ତୁ ସୁପ୍ରିମକୋର୍ଟ କହିଛନ୍ତି, ଗ୍ରେସ୍ ମାର୍କ ଦିଅାଗଲେ ଅନ୍ୟ ପିଲାଙ୍କ ପାଇଁ ତାହା ଅନ୍ୟାୟ ହେବ। ତେବେ ଅାଗକୁ ଯେମିତି ଏପରି ଭୁଲ୍‌ ନ ହେବ, ସେଥିପାଇଁ ସିବିଏସ୍ଇକୁ ତାଗିଦ୍ କରିଛନ୍ତି ଉଚ୍ଚତମ ନ୍ୟାୟାଳୟ।

ଏହା ସହିତ କିପରି ଏହାର ସମାଧାନ କରାଯାଇପାରିବ ଅାସନ୍ତା ମାସରେ ତାର ଶୁଣାଣି ହେବ। ତେବେ ସିବିଏସ୍ଇ କହିଛି, ଯଦି କିଛି ଦ୍ୱନ୍ଦ୍ୱ ସୃଷ୍ଟି ହୁଏ, ତେବେ ଇଂରାଜୀ ପ୍ରଶ୍ନ ହିଁ ଚୂଡ଼ାନ୍ତ।

 

You might also like