UG, PG ପରୀକ୍ଷାକୁ ନେଇ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ

ନୂଆଦିଲ୍ଲୀ: JEE-NEETକୁ ନେଇ ଦେଖା ଦେଇଥିବା ବିବାଦ ଟଳି ନ ଥିବାବେଳେ ଛାତ୍ରଛାତ୍ରୀଙ୍କ ପରୀକ୍ଷାକୁ ନେଇ ସୁପ୍ରମକୋର୍ଟ ଆଜି ଏକ ଗୁରୁତ୍ୱପୂର୍ଣ୍ଣ ରାୟ ପ୍ରକାଶ କରିଛନ୍ତି।  UG ଓ  PG ପରୀକ୍ଷା କରାଯିବ ବୋଲି ସୁପ୍ରିମ କୋର୍ଟ ତାଙ୍କ ରାୟରେ ସ୍ପଷ୍ଟ କରିଛନ୍ତି।
ସୁପ୍ରିମକୋର୍ଟ ଆଜି ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି କ୍ରମେ ୟୁଜି, ପିଜି ପରୀକ୍ଷା ହେବ ବୋଲି କହିଛନ୍ତି। ବିନା ପରୀକ୍ଷାରେ ଛାତ୍ରଛାତ୍ରୀଙ୍କୁ ଉତ୍ତୀର୍ଣ୍ଣ କରିହେବନି ବୋଲି କହିଛନ୍ତି ସୁପ୍ରିମକୋର୍ଟ। ତେବେ ପରୀକ୍ଷା ତାରିଖ ରାଜ୍ୟ ସରକାର ସ୍ଥିର କରିପାରିବେ ।  ମହାମାରୀକୁ ଦୃଷ୍ଟିରେ ରଖି ରାଜ୍ୟ ସରକାର ତାରିଖ ସ୍ଥିର କରିବେ । ଏ ନେଇ ୟୁଜିସି ସହ ଆଲୋଚନା କରିବାକୁ ସୁପ୍ରିମକୋର୍ଟ ପରାମର୍ଶ ଦେଇଛନ୍ତି।

ଆଦିତ୍ୟ ଠାକ୍‌ରେଙ୍କ  ଯୁବା ସେନା ସମେତ ଅନେକ କରୋନା ଭାଇରସକୁ ଦୃଷ୍ଟିରେ ରଖି ପରୀକ୍ଷା ବନ୍ଦ କରିବାକୁ ଦାବି କରିଥିଲେ । କରୋନା ମହାମାରୀ ସମୟରେ ଛାତ୍ରଛାତ୍ରୀମାନେ ସମସ୍ୟାର ସମ୍ମୁଖିନ ହେଉଛନ୍ତି। ସବୁ ଶିକ୍ଷାନୁଷ୍ଠାନକୁ ବନ୍ଦ କରି ଦିଆଯାଇଛି। ଏସବୁ ଦୃଷ୍ଟିରେ ରଖି ପରୀକ୍ଷା ବନ୍ଦ କରିବାକୁ ଦାବି କରାଯାଇଥିଲା।

କୋର୍ଟ କହିଛନ୍ତି, ରାଜ୍ୟ ସରକାର ପରୀକ୍ଷା ଆୟୋଜନ କରିବା ଉଚିତ୍‌। ତେବେ ମହାମାରୀକୁ ଦୃଷ୍ଟିରେ ରଖି ପରୀକ୍ଷାକୁ ସ୍ଥଗିତ ରଖାଯାଇ ପାରେ ଏବଂ ୟୁଜିସି ସହ ପରାମର୍ଶ କରି ନୂଆ ତାରିଖ  ରାଜ୍ୟ ସରକାର ଧାର୍ଯ୍ୟ କରିପାରିବେ ବୋଲି କୋର୍ଟ କହିଛନ୍ତି।

You might also like