ବାବ୍ରୀ ମସଜିଦ୍ ଢାଞ୍ଚା ଭଙ୍ଗା ଘଟଣାରେ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ

ନୂଆଦିଲ୍ଲୀ: ଅଯୋଧ୍ୟାର ବିବାଦୀୟ ବାବ୍ରୀ ମସଜିଦ୍ ଢାଞ୍ଚା ଭଙ୍ଗା ଘଟଣାରେ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି ସୁପ୍ରିମକୋର୍ଟ। ଆସନ୍ତା ୯ ମାସ ମଧ୍ୟରେ ମାମଲାର ଶୁଣାଣି କରି ରାୟ ଦେବାକୁ ସ୍ୱତନ୍ତ୍ର ସିବିଆଇ କୋର୍ଟଙ୍କୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ଅଦାଲତ। ଏହା ସହ ସିବିଆଇ ସ୍ୱତନ୍ତ୍ର କୋର୍ଟ ବିଚାରପତି ଏସ୍.କେ. ଯାଦବଙ୍କ କାର୍ଯ୍ୟକାଳ ମଧ୍ୟ ବୃଦ୍ଧି କରିଛନ୍ତି।

ଆସନ୍ତା ସେପ୍ଟେମ୍ବର ୩୦ରେ ଜଷ୍ଟିସ୍ ଯାଦବ ଅବସର ନେଇଥାନ୍ତି।  ଏହା ପୂର୍ବରୁ କିନ୍ତୁ ମାମଲାର ଚୂଡ଼ାନ୍ତ ରାୟ ଶୁଣାଇବା ନିର୍ଦ୍ଦେଶ ଦେବା ସହ କାର୍ଯ୍ୟକାଳ ବୃଦ୍ଧି କରିଛନ୍ତି। ଶେଷ ଶୁଣାଣି ବେଳେ ଜଷ୍ଟିସ୍ ଯାଦବ କହିଥିଲେ ଯେ, ମାମଲାର ଚୂଡ଼ାନ୍ତ ରାୟ ଣୁଣାଇବ ପାଇଁ ଅନ୍ୟୁନ ୬ ମାସ ସମୟ ଲାଗିବ। ଆଉ ଏହା ପରେ ଉତ୍ତର ପ୍ରଦେଶ ସରକାରଙ୍କୁ ସୁପ୍ରିମକୋର୍ଟ ଏହି ପ୍ରସଙ୍ଗରେ ଜବାବ ମାଗିଥିଲେ।

ବିବାଦୀୟ ଢାଞ୍ଚା ଭଙ୍ଗା ଯିବା ମାମଲାରେ ଲକ୍ଷ୍ନୌର ଏକ କୋର୍ଟ ବିଜେପିର ବରିଷ୍ଠ ନେତା ଲାଲ୍ କୃଷ୍ଣ ଆଡ୍‌ଭାନୀ, ମୁରଲୀ ମନୋହର ଯୋଶୀ, ଉମା ଭାରତୀ, ବିନୟ କଟିଆରଙ୍କ ଭଳି ବଡ଼ ଚେହେରାଙ୍କ ବିରୋଧରେ ମାମଲା ଚାଲୁଛି।

You might also like