ହ୍ୱେଲ୍‌ ଟେଲ୍ ଲାଗି ବର୍ତ୍ତିଗଲା ବଡ଼ ଧରଣର ଟ୍ରେନ୍‌ ଦୁର୍ଘଟଣା

ନେଦରଲ୍ୟାଣ୍ଡ୍‌: ନେଦରଲ୍ୟାଣ୍ଡ୍‌ରେ ଏକ ଟ୍ରେନ୍‌ ପ୍ଲାଟ୍‌ଫର୍ମରୁ କିଛି ମିଟର ଦୂରକୁ ଗଡ଼ିବା ପରେ ଚମତ୍କାର ଭାବେ ଏକ ବଡ଼ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛି। ହ୍ୱେଲ୍‌ ଟେଲ୍‌ର ଏକ ମୂର୍ତ୍ତିକଳା (Sculpture Of Whale’s Tail) ଯୋଗୁ ଏହି ବଡ଼ ଧରଣର ଦୁର୍ଘଟଣା ବର୍ତ୍ତି ଯାଇଛି।

ABC ନ୍ୟୁଜ୍‌ର ସୂଚନା ଅନୁସାରେ, ସୋମବାର ଭୋର ସମୟରେ ନେଦରଲ୍ୟାଣ୍ଡ୍‌ର Spijkenisseରେ ଏହି ଘଟଣା ଘଟିଥିଲା। ରୋଟ୍ଟେରଡ୍ୟାମ୍‌‌ ସ୍ଥିତ De Akkers ଷ୍ଟେସନରେ ଏକ ମେଟ୍ରୋ ଟ୍ରେନ୍‌ ରେଲ୍‌ୱେ ଲାଇନ୍‌ର ଶେଷରେ ବଫର ଷ୍ଟପ୍‌ ଯୋଗୁ ଦୁର୍ଘଟଣାଗ୍ରସ୍ତ ହୋଇଥିଲା। ଟ୍ରେନ୍‌ଟି ସିଧାସଳଖ ଯାଇ ରେଲ୍‌ୱେ ଲାଇନ୍‌ର ଶେଷରେ ନିର୍ମାଣ ହୋଇଥିବା ହ୍ୱେଲ୍‌ ଟେଲ୍‌ର ଏକ ମୂର୍ତ୍ତିକଳା ଉପରେ ଚଢ଼ି ଯାଇଥିଲା। ଫଳରେ ଏକ ବଡ଼ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଥିଲା ଟ୍ରେନ୍‌।

ଘଟଣାସ୍ଥଳରେ ପୋଲିସ୍‌ ଓ ଜରୁରୀକାଳୀନ ସେବାର ଅଧିକାରୀ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ। ସୌଭାଗ୍ୟବଶତଃ ଏହି ଦୁର୍ଘଟଣାରେ କେହି ମୃତାହତ ହୋଇ ନାହାନ୍ତି।

Forbes ର ସୂଚନା ଅନୁସାରେ, ଦୁର୍ଘଟଣା ସମୟରେ ଟ୍ରେନ୍‌ରେ କେହି ଯାତ୍ରୀ ନ ଥିଲେ। ଏହାସହ ଘଟଣାର ତଦନ୍ତ ଚାଲିଛି।

You might also like