‘ସଚିନଙ୍କୁ କୋଣଠେସା କରାଯାଇଛି’

ନୂଆଦିଲ୍ଲୀ: ରାଜସ୍ଥାନରେ ରାଜନୀତିକ ସଙ୍କଟ ତେଜିବାରେ ଲାଗିଛି। ବିପଦରେ ରାଜ୍ୟର ଗେହଲଟ୍ ସରକାର। ରାଜ୍ୟର ଉପମୁଖ୍ୟମନ୍ତ୍ରୀ ସଚିନ୍ ପାଇଲଟ୍ ନିଜର କିଛି ବିଧାୟକଙ୍କୁ ନେଇ ଦିଲ୍ଲୀରେ ପହଞ୍ଚିଛନ୍ତି। କଂଗ୍ରେସରେ ଚାଲିଥିବା ଏହି ଗୋଷ୍ଠୀକନ୍ଦଳର ଫାଇଦା ଉଠାଇବାରେ ଲାଗି ପଡ଼ିଛି ବିଜେପି। ବିଜେପି ପକ୍ଷରୁ ଏବେ ମଇଦାନକୁ ଓହ୍ଲାଇଛନ୍ତି ଜ୍ୟୋତିରାଦିତ୍ୟ ସିନ୍ଧିଆ।

କଂଗ୍ରେସ ଛାଡ଼ି ବିଜେପିକୁ ଆସିଥିବା ଜ୍ୟୋତିରାଦିତ୍ୟ ସିନ୍ଧିଆ ସଚିନ୍ ପାଇଲଟଙ୍କ ସମର୍ଥନରେ ଟ୍ୱିଟ୍ କରିଛନ୍ତି। ସିନ୍ଧିଆ କହିଛନ୍ତି, ମୋତେ ଦୁଃଖ ଲାଗୁଛି ଯେ ମୋର ପୁରୁଣା ସହଯୋଗୀ ସଚିନ୍ ପାଇଲଟଙ୍କୁ ବି ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ଦ୍ୱାରା କୋଣଠେସା କରାଯାଉଛି। ପାଇଲଟଙ୍କ ଭଳି ଟ୍ୟାଲେଣ୍ଟକୁ ଗୁରୁତ୍ୱ ନ ଦେବା ନିଶ୍ଚିତ ଭାବେ ଦୁଃଖଦାୟକ। ଏହା ଦର୍ଶାଉଛି ଯେ କଂଗ୍ରେସରେ ଦକ୍ଷତା ଏବଂ କ୍ଷମତାକୁ କୌଣସି ଗୁରୁତ୍ୱ ଦିଆଯାଉନାହିଁ।

ରାଜସ୍ଥାନରେ ଯଦି ଆଜି ଗେହଲଟ୍ ସରକାର କ୍ଷମତାରେ ଅଛି, ତାହେଲେ ଏହାର ବହୁତ ଶ୍ରେୟ ସଚିନ୍ ପାଇଲଟଙ୍କୁ ଦିଆଯିବ। ଅନ୍ୟପକ୍ଷରେ ମଧ୍ୟପ୍ରଦେଶରେ ଯେତେବେଳେ କଂଗ୍ରେସ ସରକାର ଗଢ଼ିବାରେ ସଫଳ ହୋଇଥିଲା, ସେଥିରେ ସିନ୍ଧିଆଙ୍କ ବହୁତ ହାତ ଥିଲା କହିଲେ ଅତ୍ୟୁକ୍ତି ହେବ ନାହିଁ। ହେଲେ ସିନ୍ଧିଆଙ୍କୁ ଏହାର ଫାଇଦା ମିଳିଲା ନାହିଁ।

ପାର୍ଟି ତା’ର ବରିଷ୍ଠ ନେତା କମଲନାଥଙ୍କୁ ହିଁ ମୁଖ୍ୟମନ୍ତ୍ରୀ ପଦ ଦେଲା। ତେବେ ପରେ କଂଗ୍ରେସକୁ ଏହାର ପରିଣାମ ମଧ୍ୟ ଭୋଗିବାକୁ ପଡ଼ିଥିଲା। ସିନ୍ଧିଆ ନିଜର କିଛି ବିଧାୟକଙ୍କ ସହ ବିଜେପିରେ ସାମିଲ୍ ହେଲେ, ଯାହାର ପରିଣାମ ସ୍ୱରୂପ ରାଜ୍ୟରେ କମଲନାଥ ସରକାର ଭାଙ୍ଗିଗଲା ଏବଂ ଶିବରାଜ ସିଂହ ଚୌହାନ୍ ପୁଣିଥରେ କ୍ଷମତାକୁ ଫେରିଥିଲେ।

ଆହୁରି ପଢ଼ନ୍ତୁ

ହସ୍ପିଟାଲରୁ ଡିସଚାର୍ଜ ହେଲେ ଏହି ରାଜ୍ୟର ମୁଖ୍ୟମନ୍ତ୍ରୀ

ମୋଦି ସରକାରଙ୍କ EIA ଡ୍ରାଫ୍ଟକୁ ରାହୁଲ ଗାନ୍ଧିଙ୍କ ବିରୋଧ

ଆଣ୍ଡାମାନ ନିକୋବରକୁ ପ୍ରଧାନମନ୍ତ୍ରୀ ଦେଲେ ବଡ଼ ଉପହାର

୧୪ ବର୍ଷ ପରେ ମିଳିଲା ହଜି ଯାଇଥିବା ପର୍ସ, ଆଉ ସେଥିରୁ ବାହାରିଲା…

ସାବଧାନ ! ବିନା ଅର୍ଡରରେ ଘରେ ପହଞ୍ଚୁଛି କି ବିହନ ପ୍ୟାକେଟ ? ଭୁଲ୍‌ରେ ବି ଖୋଲନ୍ତୁନି

ଉଦ୍ଧାର ହେଲା ବିରଳ ପ୍ରଜାତିର ବିଷାକ୍ତ ସାପ

୨୪ ଘଣ୍ଟାରେ ଦେଶରେ ୬୨ ହଜାର ୬୪ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ

ପକ୍ଷୀମାନଙ୍କୁ ଦାନା ଖାଇବାକୁ ଦେଉଛି ଏକ ବର୍ଷର ଶିଶୁ, ଫଟୋ ଭାଇରାଲ

ବିଷ ଇଞ୍ଜେକ୍ସନ ଦେଇ ୧୧ ପାକିସ୍ତାନ ଶରଣାର୍ଥୀଙ୍କୁ ହତ୍ୟା କରାଯାଇଥିଲା

ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ କରୋନା

ମାଟି ତଳୁ ଶୁଭିଲା କାନ୍ଦିବାର ଶବ୍ଦ, ଆଉ ତା’ପରେ…

ଏକ ମାସର ଶିଶୁ ଦେଲା କରୋନାକୁ ମାତ୍‌, ମା’ କ୍ଷୀରକୁ ଡାକ୍ତର କଲେ ଅସ୍ତ୍ର

You might also like