ସୁଶାନ୍ତଙ୍କୁ ଶେଷ ଥର ପାଇଁ କ’ଣ କହିଥିଲେ ରିୟା?

ଭୁବନେଶ୍ୱର: ସୁଶାନ୍ତଙ୍କୁ ଶେଷଥର ପାଇଁ ସରି ବାବୁ କହିଥିଲେ ରିୟା ଚକ୍ରବର୍ତ୍ତୀ। ମୃତ୍ୟୁର ସପ୍ତାହେ ପୂର୍ବରୁ ସୁଶାନ୍ତଙ୍କୁ ଛାଡ଼ି ଚାଲିଯାଇଥିବା ରିୟା କଣ ପାଇଁ ସରି କହିଲେ ତାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି। ଆଉ ଏହି ମାମଲାରେ ନୂଆ ଟ୍ୱିଷ୍ଟ ବି ଆସିଛି, କାହିଁକିନା ଏବେ ସରି ବାବୁର ଗୁମର ଖୋଲିଛନ୍ତି କରଣୀ ସେନାର କର୍ମୀ ସୁରଜିତ ରାଠୋର।

ସୁରଜିତ ସେଦିନ କୋପର ହସ୍ପିଟାଲରେ ସୁଶାନ୍ତଙ୍କ ମରଶରୀର ପାଖରେ ରହିଥିଲେ ରିୟା ଯେତେବେଳେ ସୁଶାନ୍ତଙ୍କୁ ଅନ୍ତିମ ଦର୍ଶନ ପାଇଁ ଆସିଥିଲେ। ସେତେବେଳେ ଛାତିରେ ହାତ ରଖି ସରି ବାବୁୂ ବୋଲି କହିଥିଲେ କିନ୍ତୁ କାହିଁକି ସେ ଏମିତି କହିଲେ। ସେ ପ୍ରଶ୍ନ ରିୟାଙ୍କୁ ପଚାରିନଥିଲେ ବୋଲି କହିଛନ୍ତି ସୁରଜିତ୍। ସେହିଭଳି ସୁଶାନ୍ତଙ୍କ ବେକର ଦାଗ ଦେଖି ଏହା ନିଶ୍ଚୟ ଏକ ହତ୍ୟାକାଣ୍ଡ ବୋଲି ଆଶଙ୍କା କରିଛନ୍ତି ସୁରଜିତ୍।

ଅଭିନେତା ସୁଶାନ୍ତ ସିଂହ ରାଜପୁତ୍‌ ମୃତ୍ୟୁ ମାମଲାର ଖୋଳତାଡ଼ ଆରମ୍ଭ କରିଛି CBIର ସ୍ପେଶାଲ୍‌ ଟିମ୍‌। ସୁଶାନ୍ତଙ୍କ ଗର୍ଲଫ୍ରେଣ୍ଡ୍‌ ରିୟା ଚକ୍ରବର୍ତ୍ତୀଙ୍କ ଭାଇ ଶୌଭିକ ଚକ୍ରବର୍ତ୍ତୀଙ୍କୁ ସିବିଆଇ ପଚରାଉଚରା କରିଥିଲା। ସୁଶାନ୍ତ ସିଂହ ରାଜପୁତଙ୍କ ମୁମ୍ବାଇ ସ୍ଥିତ ଘରେ ସିବିଆଇ ଟିମ୍ ପହଞ୍ଚିଛି। ଫ୍ଲାଟ୍ ମେଟ୍ ତଥା ବନ୍ଧୁ ସିଦ୍ଧାର୍ଥ ପିଠାନୀ, ରୋଷେୟା ନୀରଜ ଉପସ୍ଥିତ ରହିଛନ୍ତି। ହାଉସ ମ୍ୟାନେଜର ମଧ୍ୟ ଉପସ୍ଥିତ ଥିବା ବେଳେ ଫୋରେନସିକ୍ ଟିମ୍ ପହଞ୍ଚିଛି।

You might also like