ଦେଶର ପ୍ରଧାନମନ୍ତ୍ରୀ ଓ ରାଷ୍ଟ୍ରପତିଙ୍କୁ ଗିରଫ କଲା ସେନା..

ବମାକୋ: ଦେଶରେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ସବୁଠାରୁ ଅଧିକ କ୍ଷମତାଶାଳି କୁହାଯାଏ । ହେଲେ ଏଠାରେ ତାଙ୍କୁ ଗିରଫ କରାଯାଉଛି । ଏମିତି ଘଟଣା ଘଟିଛି ମାଲିରେ । ଆଫ୍ରିକୀୟ ଦେଶ ମାଲିରେ ସୈନିକମାନେ ବିଦ୍ରୋହ ଆରମ୍ଭ କରିଦେଇଛନ୍ତି । ସେମାନେ ଦେଶର ବିଦାୟୀ ରାଷ୍ଟ୍ରପତି ବାହା ଏନ୍ ଦାଓ ଏବଂ ପ୍ରଧାନମନ୍ତ୍ରୀ ମୋକ୍ଟାର ଓଆନେଙ୍କୁ ସୋମବାର ଗିରଫ କରିଦେଇଛନ୍ତି । ଖବର ଅନୁଯାୟୀ, ଏହି ଗିରଫ ପୂର୍ବରୁ ସରକାରରେ ପରିବର୍ତ୍ତନ କରି ସେନା ବାହିନୀର ଦୁଇ ଜଣଙ୍କୁ ମନ୍ତ୍ରୀମଣ୍ଡଳରୁ ହଟାଇ ଦିଆଯାଇଥିଲା । ଆଫ୍ରିକୀୟ ୟୁନିଅନ୍ ଏବଂ ମିଳିତ ଜାତିସଂଘ ପକ୍ଷରୁ ହଠାତ୍ ଘଟିଥିବା ଏହି ଘଟଣା ସମ୍ପର୍କରେ ସୂଚନା ଦିଆଯାଇଛି ।

ସୈନିକମାନେ ପ୍ରତିରକ୍ଷା ମନ୍ତ୍ରୀଙ୍କୁ ମଧ୍ୟ ଗିରଫ କରିଥିବା ସୂଚନା ରହିଛି । ୯ ମାସ ପୂର୍ବେ ହୋଇଥିବା ସାମରିକ ବିଦ୍ରୋହରେ ସେନା, ମାଲି ସରକାରକୁ ନିଜ କବ୍‌ଜାକୁ ନେଇଥିଲା । ଏହା ମଧ୍ୟରେ, ଅନ୍ତର୍ଜାତୀୟ ସମୁଦାୟ ପକ୍ଷରୁ ବିଦ୍ରୋହୀ ସୈନିକମାନଙ୍କୁ ରାଷ୍ଟ୍ରପତି ବାହ ଏନ୍‌ ଦାଓ ଏବଂ ପ୍ରଧାନମନ୍ତ୍ରୀ ମୋକ୍ଟାର ଓଆନେଙ୍କୁ ଯଥାଶୀଘ୍ର ମୁକ୍ତ କରିବାକୁ ନିବେଦନ କରାଯାଇଛି । ଉଭୟ ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀଙ୍କୁ ଏବେ କାତି ସାମରିକ ମୁଖ୍ୟାଳୟରେ ରଖାଯାଇଛି । ଆନ୍ତରାଷ୍ଟ୍ରୀୟ ସଂଗଠନ ଗୁଡ଼ିକ ପକ୍ଷରୁ ଏକ ବିବୃତ୍ତି ଜାରି କରି କୁହାଯାଇଛି ଯେ, ସେନାର ଏଭଳି ପଦକ୍ଷେପ ଓ ବାଧ୍ୟତା ମୂଳକ ଇସ୍ତଫା ମାଗିବା ଘଟଣାକୁ ସେମାନେ ଦୃଢ଼ ନିନ୍ଦା କରୁଛନ୍ତି ।

ସେନା ପକ୍ଷରୁ ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କୁ ଗିରଫ କରାଯିବା ପରେ ଏବେ ସବୁଠୁ ବଡ଼ ଚିନ୍ତା ହେଉଛି ଆଗାମୀ ନିର୍ବାଚନ କେମିତି ହେବ । ଚାରିଆଡ଼େ କରୋନା ସଂକ୍ରମଣ କାୟା ବିସ୍ତାର କରି ଚାଲିଥିବା ବେଳେ ଆଗାମୀ ବର୍ଷ ଫେବୃଆରୀରେ ମାଲିରେ ଗଣତାନ୍ତ୍ରିକ ଉପାୟରେ ନିର୍ବାଚନ କେମିତି ହେବ ? ନା ଏଭଳି ସ୍ଥିତିକୁ ଦେଖି ନିର୍ବାଚନକୁ ଏଡ଼ାଇ ଦିଆଯିବ ? ଏହି ପ୍ରଶ୍ନ ଏବେ ସମସ୍ତଙ୍କ ମନରେ ।

ମାଲିରେ ମିଳିତ ଜାତିସଂଘ ପ୍ରତିବର୍ଷ ଶାନ୍ତି ରକ୍ଷାକାରୀଙ୍କ ପାଇଁ ୧.୨ ଆରବ ଡଲାର ଖର୍ଚ୍ଚ କରୁଛି । ସେନା ଉପରେ ଅନ୍ତରାଷ୍ଟ୍ରୀୟ ଚାପ ପଡ଼ବା ପରେ ଗତ ବର୍ଷ ସେପ୍ଟେମ୍ବର ମାସରେ ବର୍ତ୍ତମାନର ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀ କାର୍ଯ୍ୟଭାର ଗ୍ରହଣ କରିଥିଲେ ।

ମାଲିର ସେନା ନାଗରିକ ସରକାରଙ୍କୁ କ୍ଷମତା ହସ୍ତାନ୍ତର କରିବାକୁ ସହମତି ପ୍ରକାଶ କରିଥିଲା । ସେନା ଏକ ମାସ ପୂର୍ବରୁ ହିଁ ପୁରା ସତ୍ତାକୁ ନିଜ କବ୍‌ଜାକୁ ନେଇସାରି ଥିଲା । ବିଦ୍ରୋହୀ ସୈନିକମାନେ ରାଷ୍ଟ୍ରପତିଙ୍କ ଘରକୁ ପ୍ରଥମେ ଘେରାଉ କରିଥିଲେ । ଏହାସହ ଆକାଶରେ ଗୁଳି ଚଳାଇଥିଲେ । ଏହା ପରେ ରାଷ୍ଟ୍ରପତି ଏକ ଜାତୀୟ ଟେଲିଭିଜନ୍‌ରେ ବିବୃତ୍ତି ଦେଇଥିଲେ, ସେ ତାଙ୍କ ପଦରୁ ଇସ୍ତଫା ଦେଉଛନ୍ତି । କାରଣ ତାଙ୍କୁ ଏହି ପଦରେ ରହିବାକୁ ହେଲେ ରକ୍ତର ହୋଲି ଖେଳିବାକୁ ପଡ଼ିବ ।

You might also like