ଅଟକ ରଖିଥିବା ଭାରତର ୧୦ ଯବାନଙ୍କୁ ଛାଡ଼ିଲା ଚୀନ !

ନୂଆଦିଲ୍ଲୀ: ଗଲୱାନ ଭ୍ୟାଲିରେ ଭାରତ-ଚୀନ ମଧ୍ୟରେ ହୋଇଥିବା ଭୟଙ୍କର ସଂଘର୍ଷର କିଛିଦିନ ପରେ ଚୀନ ଅଟକ ରଖିଥିବା ଭାରତର ୧୦ ଯବାନଙ୍କୁ ଛାଡ଼ି ଦେଇଛି। ଦୁଇ ଦେଶ ମଧ୍ୟରେ ଲଗାତର ତିନିଦିନ ଧରି ଆଲୋଚନା ପରେ ଗୁରୁବାର ସନ୍ଧ୍ୟାରେ ୨ ମେଜରଙ୍କ ସହିତ ମୋଟ ୧୦ ଜଣ ଯବାନଙ୍କୁ ମୁକ୍ତ କରି ଦେଇଛି ଚୀନ। ସମାଚାର ଏଜେନ୍ସି PTI ରେ ଏଭଳି ଖବର ପ୍ରକାଶ ପାଇଛି।

ଖବର ଅନୁସାରେ, ଭାରତୀୟ ଯବାନଙ୍କୁ ମୁକୁଳାଇବା ପାଇଁ ଲଗାତର ଭାବେ ଗୁରୁବାର ସନ୍ଧ୍ୟାରେ ଭାରତ- ଚାଇନା ମଧ୍ୟରେ ମେଜର ଜେନେରାଲ୍ ସ୍ତରରେ କଥାବାର୍ତ୍ତା ହୋଇଥିଲା। ଏକ ସନ୍ଧି ଅନୁସାରେ ଚାଇନା ଯବାନଙ୍କୁ ମୁକ୍ତି କରିଛି ବୋଲି ରିପୋର୍ଟରେ ପ୍ରକାଶ ପାଇଛି। ତେବେ ଯବାନଙ୍କ ମୁକୁଳିବା ନେଇ ସରକାରୀ ସ୍ତରରେ ଏପର୍ଯ୍ୟନ୍ତ କୌଣସି ସୂଚନା ଦିଆଯାଇ ନାହିଁ। ସେନା ପକ୍ଷରୁ ସୂଚନା ମିଳିଲେ ହିଁ ଏହି ଖବର ସ୍ପଷ୍ଟ ହୋଇପାରିବ।

ତେବେ ସୋମବାର ମଧ୍ୟ ରାତିରେ ଗଲୱାନ ଘାଟିରେ ଚାଇନା ସହିତ ସଂଘର୍ଷରେ ସବୁ ଭାରତୀୟ ଯବାନ ସାମିଲ ହୋଇଥିବା ନେଇ ଗୁରୁବାର ସନ୍ଧ୍ୟାରେ ସେନା ପକ୍ଷରୁ ସୂଚନା ଦେଇଥିଲା। ଏହି ଘଟଣାରେ କୌଣସି ଭାରତୀୟ ଯବାନ ନିଖୋଜ୍‌ ନଥିବା ସେନା କହିଥିଲା। ଯବାନଙ୍କ ବିସ୍ତାର ସୂଚନା ଦେଇ ସେନା କହିଥିଲା, ୭୬ ଜଣ ଯବାନ ଚୀନ ସେନା ଦ୍ୱାରା ଆକ୍ରମଣର ଶିକାର ହୋଇଥିଲେ। ସେମାନଙ୍କ ମଧ୍ୟରୁ ୧୮ ଜଣ ଗୁରୁତର ଆହତ ହୋଇଥିଲେ ଓ ୫୮ ଜଣ ସାମାନ୍ୟ ଆହତ ହୋଇଥିଲେ। ସେମାନଙ୍କ ମଧ୍ୟରୁ ୧୮ ଜଣ ଲେହରେ ଥିବା ହସ୍‌ପିଟାଲ୍‌ରେ ଚିକିତ୍ସିତ ହେଉଥିବା ବେଳେ ଆଉ ୫୮ ଜଣ ବିଭିନ୍ନ ହସ୍‌ପିଟାଲ୍‌ରେ ଚିକିତ୍ସିତ ହେଉଛନ୍ତି।

ସୂଚନା ଥାଉକି, ୧୯୬୭ ପରେ ଭାରତ ଚାଇନା ମଧ୍ୟରେ ଏହା ସବୁଠାରୁ ବଡ଼ ମୁହାଁମୁହିଁ ପରିସ୍ଥିତି ଥିଲା। ୧୯୬୭ରେ ହୋଇଥିବା ସଂଘର୍ଷରେ  ଭାରତର ୮୦ ଯବାନ ସହିଦ ହୋଇଥିବା ବେଳେ ଚାଇନା ପକ୍ଷରୁ ୩୦୦ ମରିଥିଲେ।

ଆହୁରି ପଢ଼ନ୍ତୁ:ସହିଦ ପୁଅ ପାଇଁ କାଲି ପଡ଼ିଥିଲା କାନ୍ଦବୋବାଳି, ହେଲେ ଆଜି..

ଆହୁରି ପଢ଼ନ୍ତୁ

ଚୀନର ପଛଘୁଞ୍ଚା ପଛର ମାଷ୍ଟରମାଇଣ୍ଡ କିଏ?

ଚୀନ୍ ଉପରେ ଗର୍ଜିଲେ ମୋଦି, କହିଲେ ‘ଆଉ ଚଳିବନି ବିସ୍ତାରବାଦ’

ଗଲୱାନ ଘାଟିରୁ ହଟିବାକୁ ଚୀନ୍ ରାଜି!

ଚୀନକୁ ଜବାବ ଦେବାକୁ ଅଣ୍ଟା ଭିଡ଼ିଲା ବ୍ୟବସାୟୀ ମହାସଂଘ

ଭାରତ-ଚାଇନା ସୀମା ବିବାଦ: ଉଭୟ ଦେଶକୁ ସାହାଯ୍ୟ କରିବାକୁ ପ୍ରସ୍ତାବ ଦେଲା ଆମେରିକା

‘ମୁକାବିଲା ପାଇଁ ଭାରତ ପ୍ରସ୍ତୁତ, ଏଲ୍‌ଏସି ଘଟଣା ଆମ ପ୍ରସ୍ତୁତିର ଏକ ଛୋଟ ପ୍ରତିଫଳନ’

‘କେହି ଆମକୁ ଆଖି ଦେଖାଇ ପାରିବେନି’

ସହିଦ ଭାରତୀୟ ଯବାନଙ୍କ ପାଇଁ ଗଭୀର ଶୋକପ୍ରକାଶ କଲା ଆମେରିକା

ଚୀନ୍‌କୁ ସାବାଡ୍‌ କରିବାକୁ ୫ ପ୍ଲାନ୍

ତିନି ସେନାକୁ ହାଇ ଆଲର୍ଟ; ସବୁ ପରିସ୍ଥିତିର ସାମ୍ନା ପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ

ସହିଦ ଦୁଇ ଓଡ଼ିଆଙ୍କ ପରିବାରକୁ ୨୫ ଲକ୍ଷ ଟଙ୍କାର ଅନୁକମ୍ପାରାଶି ଘୋଷଣା କଲେ ମୁଖ୍ୟମନ୍ତ୍ରୀ

ଭାରତ-ଚାଇନା ମୁହାଁମୁହିଁ: ଉଭୟ ଦେଶର ବୈଦେଶିକ ମନ୍ତ୍ରୀଙ୍କ ମଧ୍ୟରେ ଆଲୋଚନା

You might also like