ଅମରନାଥ ଦର୍ଶନ କଲେ ପ୍ରତିରକ୍ଷା ମନ୍ତ୍ରୀ

ଶ୍ରୀନଗର: ଶ୍ରୀନଗର ଗସ୍ତ ପୂର୍ବରୁ ପବିତ୍ର ଅମରନାଥ ମନ୍ଦିର ଦର୍ଶନ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ସିଡିଏସ୍ ବିପିନ ରାଓ୍ୱତଙ୍କ ସହ ମିଶି ରାଜନାଥ ଅମରନାଥ ମନ୍ଦିର ଦର୍ଶନ କରିଛନ୍ତି । ଏନେଇ ଟ୍ବିଟ୍ କରି ସୂଚନା ଦେଇଛନ୍ତି ପ୍ରତିରକ୍ଷା ମନ୍ତ୍ରୀ ।

ମନ୍ଦିରରେ ଅମରନାଥଙ୍କ ଆଳତୀ କରିବା ସହ ପ୍ରଭୁ ବର୍ଫାନୀଙ୍କ ଆଶୀର୍ବାଦ ଲୋଡିଛନ୍ତି । ରାଜନାଥଙ୍କ ଦର୍ଶନ ପାଇଁ ଅମରନାଥରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା । ଗତକାଲି କୁଲଗାମରେ ହୋଇଥିବା ଏନକାଉଣ୍ଟରରେ ନିହତଅ ଆତଙ୍କବାଦୀମାନେ ଅମରନାଥରେ ବଡ ଧରଣର  ଆକ୍ରମଣ ପାଇଁ ପ୍ରସ୍ତୁତି ହେଉଥିବା ସୂଚନା ମିଳିଥିଲା। ଏହାପରେ ସେଠାରେ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଛି ।

ସେପଟେ ରାଜନାଥ ସିଂ ଆଜି ଶ୍ରୀନଗରର ଘାଟି ପରିଦର୍ଶନ କରି ଯବାନମାନଙ୍କ ସହ ଆଲୋଚନା କରିବେ । ଏଥିସହ ସୁରକ୍ଷା ସ୍ଥିତିର ସମୀକ୍ଷା କରିବେ । ଗତକାଲି  ଲେହର ଷ୍ଟକ୍ନା ଓ ଲୁକୁଙ୍ଗ୍ ଫରଓ୍ୱାର୍ଡ ପୋଷ୍ଟ ଯାଇ ସିଡିଏସ ଓ ସ୍ଥଳସେନା ମୁଖ୍ୟଙ୍କ ସହ ସୁରକ୍ଷା ବ୍ୟବସ୍ଥାର ସମୀକ୍ଷା କରିଥିଲେ ।

You might also like